Malaquías 2:7 - Qheshwa Biblia DC

⁷ Sacerdotesqa runasman yachachinanku tiyan noqata rejsinawankuta; tukuy runastaj sacerdotesman rinanku, sumaj yachachiyta yachaqanankupaj, imaraykuchus sacerdotes kanku Tukuy Atiyniyoj Señorpa kachasqasnin.

DIOSPA QHELQACHISQAN DEUTEROCANONICAL

⁷ Sacerdotekunaqa runakunaman yachachinanku tiyan imaynatachus noqata rejsinawankuta, munayniyman jina purinankupaj. Chantá tukuy runakuna paykunaman rinanku tiyan yachayta jap'ikunankupaj, imaraykuchus sacerdotekunaqa Tukuy Atiyniyoj Tata Diospa kachankuna kanku.

DIOSPA QHELQACHISQ

⁷ Sacerdotekunaqa runakunaman yachachinanku tiyan imaynatachus noqata rejsinawankuta, munayniyman jina purinankupaj. Chantá tukuy runakuna paykunaman rinanku tiyan yachayta jap'ikunankupaj, imaraykuchus sacerdotekunaqa Tukuy Atiyniyoj Tata Diospa kachankuna kanku.

Malaquías 2:7 Referans Kwoze

Levítico 10:11

Chaymanta israelitasman atinaykichejpaj yachachiyta Señorpa tukuy kamachiykunasninta, paymin Moisesnejta chaykunataqa qosorqachej.

Deuteronomio 21:5

Chaymantaj qayllaykonqanku sacerdote levitas, imaraykuchus paykunaqa ajllasqas karqanku Señorqa yupaychanankupaj, Señorpa sutimpi bendicinankupajtaj. Chantapis paykunapuni quejanakus kajtin maychus kajta nenqanku.

2 Corintios 5:20

Ajina chayqa, Cristoj sutimpi willajkuna kachamusqas kayku, Diospis noqaykunejta nishasunkichejman jina. Chayrayku, mañakuyku qankunata Cristoj sutimpi; Dioswan allinyakuychej, nispa.

1 Tesalonicenses 4:8

Chayrayku, pichus kay imasta qhesachan chayqa, mana runatachu, manachayqa Diosta qhesachan. Paytaj Santo Espirituta qosorqachej.

Hechos 16:17

Chay sipastaj qhatiwarqayku, Pablota, noqaykutawan. Qhaparqachaspataj nerqa: Kay runasqa patapi kaj Diospa kamachisnin kanku. Paykuna willasunkichej salvación ñanmanta.

Esdras 7:10

Esdrastaj, sumajta unanchakorqa Señorpa kamachiyninta allintapuni yachaykuyta, chanta junt'aytataj. Chantapis israelitasman yachachiyta Señorpa kamachisqasninta yachachisqasnintawan.

2 Crónicas 30:22

Ezequíastaj tukuynin levitasman allinta parlaykorqa kusiyninta rikuchispa ajinata Señorta yupaychasqankumanta. Qanchis p'unchay junt'ata mikhorqanku chay jatun fiestapi ñak'asqa uywasta aywasqankumanta, allinyakunapaj uywasta ñak'aspa, ñaupa tatasninkoj Señor Diosninkuta yupaychaspataj.

San Juan 20:21

Chaypachataj Jesús ujtawan paykunaman nerqa: Sonqo tiyakuy qankunawan kachun. Imaynatachus Dios Tata noqata kachamuwarqa, ajinallatataj qankunatapis kachaykichej.

San Juan 13:20

Cheqamanta, cheqamanta niykichej: Kachasqayta wajyarejqa, noqata wajyariwan; noqata wajyariwajtaj, kachamuwajniyta wajyarin.

Malaquías 3:1

Tukuy Atiyniyoj Señorqa nin: Willarajniyta kachamusaj, ñanta wakichipunawampaj. Mask'ashankichej chay Señorqa ujllata temploman yaykonqa. Chay munasqaykichej tratomanta willarajqa chayamushanña.

Hageo 1:13

Chaypachataj Señorpa kachasqan Hageoqa, paykunaman parlarqa Diospa sutimpi kay jinata: Señorqa nin: Noqa kaspa cheqamanta niykichej: Noqa qankunawan kashani.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

Jeremías 15:19

Chaypacha Señor kutichiwarqa: Noqamanchus kutirimuwanki chayqa, noqa qanta jap'ikapusqayki, ñaupaqeypitaj kanki. Sichus qhasi manakaj imasta manaña thautinkichu, manachayqa allin imasllataña ninki chayqa, qan noqamanta willamoj kanki. Paykunamin qanman kutirikamunasunku, manataj qanchu paykunaman kutirikunayki tiyan.

Isaías 44:26

Kamachisniypa palabrasninta sut'iman orqhoni. Chay kachasqasniypa yuyasqankuta sut'iman orqhoni. Chaymantaqa noqa nini Jerusalenqa runa junt'ayoj kananta. Jinallataj Judá jallp'aj llajtasnimpis, watejmanta ruwasqas kanqanku, urmasqa raqaykunasninkutapis watejmanta sayarichisaj.

Deuteronomio 24:8

Lepra onqoymantaqa ruwaychej imaynatachus sacerdote levitas kamachisusqaykichejman jina. Chaytaqa kikintapuni ruwaychej, imaynatachus noqa paykunaman kamachisqayman jina.

Gálatas 4:14

Ajina onqosqa kashajtiypis mana willachikuwarqankichejchu, nitaj qhesachawarqankichejchu, astawanqa wajyarikuwarqankichej Diospa angelninta jina; Cristo Jesuspis kayman karqa ajinata.

Isaías 42:19

Pitaj ciegori, manachu kamachiy? Pitaj kachasqay runa jina joq'arari? Mana pipis ajllakusqay jina ciegoqa kanchu, nitaj kachasqay Señorpa kamachin jinapis.

Números 27:21

Josuetaj Eleazar sacerdoteman qayllachun. Sacerdote Eleazartaj Urim nisqa suerteta qhawananejta noqata tapuwanqa. Jinamanta Josueqa israelitasta kamachenqa paykuna imatapis ruwanankupaj.

1 Samuel 2:17

Ajina chay waynaspa juchallikusqasninkoqa, Señorpa ñaupaqempi sinch'i juchapuni karqa, imaraykuchus Señorman qosqa rikuchikusta mana allintachu qhawaj kanku.

2 Crónicas 31:4

Jinallatataj kamacherqa Jerusalempi tiyakoj runasta, sacerdotesman, levitasmampis imastachus qonanku karqa chayta qopunankuta, jinamanta Señorpa leyninman jina ruwanasninkuta junt'anankupaj.

Esdras 7:25

Qantaj Esdras, Diosniyki yachayta qosunki chayman jinaqa, juecesta churay, kamachejkunatawan, Eufrates mayoj chimpampi kaj tukuy runasta cheqanchanankupaj, Diosniykej leyninta yachanku chaykunata. Manaraj yachankuchu chaykunamantaj yachachiy.

Proverbios 5:2

Ajinamanta yuyaychasqayta waqaychanaykipaj, ajinamanta yachaywan parlanaykipaj.

Jeremías 2:8

Sacerdotesqa nerqanku: Maypitaj Señor kashanri?, nispa. Leyniymanta yachachejkunapis mana rejsikapuwarqankuchu. Kurajkunarí contraypi oqharikorqanku. Profetasqa Baalpa sutillampi parlarqanku, chay qhasi manakaj lantispa qhepantataj riporqanku.

Ezequiel 7:26

Mana allin kausaytaj qhepan qhepanta jamonqa. Ñataj mana allin imas uyarikonqa. Qhasilla mask'anqanku mayqen profetallapis sut'inchananta. Paykunaman yachachinampaj mana sacerdotes kanqachu, nitaj kurajkunapis paykunata yupaychanankupaj.

Daniel (hebreo) 11:33

Llajtapi kaj yachayniyojkunaqa, ashkha runasta yachaykuchenqanku. Chay yachayniyojkunatataj wakinta ruphachenqanku, wakinmantataj tiyapuyninta suwanqanku, wakinkunataj apasqas kanqanku. Pisi tiempollata ajina kanqa.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Sofonías 3:4

Profetasninkoqa sajra parlayniyoj kanku, Diospa contrampi sayarinkutaj, sacerdotesninkutaj llimphu kaj wasita ch'ichichanku, Señorpa kamachiyninkutapis p'akinku.

2 Reyes 16:11

Sacerdote Uriastaj kikin altarta ruwarqa; imaraykuchus rey Acazqa Damascomanta kikisitunta apachimorqa, Israelpa reynin Damascomanta kutimunankama.

2 Reyes 16:16

Sacerdote Uriastaj imaynatachus rey Acazpa kamachisqanman jina ruwarqa.

Eclesiastés 5:5

Chaynejta, mana junt'anapajqa mana imatapis ruwasaj ninachu.

Ezequiel 22:26

Kay llajtaj sacerdotesnenqa yachachiykunasniyta p'akinku. Ajllakusqasniy cheqasta ch'ichichanku. Imachus llimphu kajta, imachus ch'ichi kajtapis mana reparankuchu. Manataj wajkunaman yachachinkuchu imachus allin kajta, nillataj mana allin kajtapis. Samakuna p'unchaykunasniymanta mana dakunkuchu, nitaj jatunchawankuchu.