Malaquías 2:11 - Qheshwa Biblia DC

¹¹ Judaqa mana kausanchu Diospa nisqanta junt'aspa, Jerusalempitaj ruwakun millay ch'ichi imas, Israelpipis kikillantaj. Judaqa p'akin Señor munakun chay templopi llimphu kausayta. Judapi tiyakoj qharistaj llulla dioskunata yupaychaj warmiswan casarakunku.

DIOSPA QHELQACHISQAN DEUTEROCANONICAL

¹¹ Judamanta kaj qharikunaqa lantikunata yupaychaj warmikunawan casaraspa, Diosta wasanchanku. Jerusalenpi millay ch'ichi imakunata ruwanku, Israelpipis kikillantaj. Tata Diospa munakusqan Templotapis ch'ichichallankutaj.

DIOSPA QHELQACHISQ

¹¹ Judamanta kaj qharikunaqa lantikunata yupaychaj warmikunawan casaraspa, Diosta wasanchanku. Jerusalenpi millay ch'ichi imakunata ruwanku, Israelpipis kikillantaj. Tata Diospa munakusqan Templotapis ch'ichichallankutaj.

Malaquías 2:11 Referans Kwoze

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Oseas 6:7

Aylloyqa, Adán jinallataj noqawan tratota ruwasqankuta p'akinku, ujwantaj ujwantaj purikapuspa.

Ezequiel 22:11

Sapa ujninku runa masimpa warminwan qhenchakorqanku. Manachayqa qhachunninwan millayta qhenchachakorqanku, manachayrí kikin tatampa wawanwan qhenchachakorqanku.

Jeremías 7:10

Chaymantaraj yupaychanawaykichej wasiyman jamuwankichej ñaupaqeyman chimpamunawaykichejpaj. Creekunkichej kacharisqas kasqaykichejta, chay millay ruwaykunata, mana noqaj munasqay imasta ruwaykichejpaj.

Jeremías 2:3

Israelqa noqapaj t'aqasqa karqa, cosechasniymanta aswan allin kaj oqharisqay karqa. Pillapis paykunata ñak'arichejtenqa noqa jasut'ej kani, aswan ñak'ariykunasta chaykunaman apachispa. Noqa Señor chayta nini.

Salmos 106:28

Baal-peorman k'askaykorqanku, wañusqa diosman jaywasqastataj mikhorqanku.

Esdras 10:2

Chaypacha Jehielpa wawan Secanías, Elampa mirayninmanta ima, Esdrasman parlarqa, nerqataj: Noqaykoqa Diosninchejpa contrampi juchalliyku, imaraykuchus lantista yupaychaj waj llajtasmanta kaj warmiswan casarayku. Chay tukuywampis Israelpajqa suyariy kanraj.

Esdras 9:12

Nillawarqaykutaj: Warmi wawasniykichejta qhari wawasninkuwan ama casarachinkichejchu. Paykunaj warmi wawasninkutapis ama qhari wawasniykichejwan casarachinkichejchu. Amataj jayk'ajpis mask'ankichejchu chay runakunaj kusiyninta, ni allinnintapis munaspa. Ajinamanta qankuna sinch'illatapuni sayankichej, chay jallp'amanta allin kajninta mikhunkichej, chaymantataj tukuy chayaqeta wiñaypaj mirayniykichejman saqenkichej, nispa.

Jueces 3:6

Israelitaspa qhari wawasninku chantá warmi wawasninkupis chay llajtasniyojkunawan casarakorqanku, dioskunasninkutataj yupaycharqanku.

Deuteronomio 14:2

Qankunaqa Señor Diosniykichejpa ajllakusqasnin runas kankichej. Pay ajllakusorqachej tukuy naciones ukhumanta, paypata ajllasnin nisqa runas kanaykichejpaj.

Levítico 20:26

Qankunaqa noqa jina santos kanaykichej tiyan, imaraykuchus noqa Señorqa santopuni kani. Noqa qankunata ajllasqaykichej tukuy ayllusmanta, noqajta kanaykichejpaj.

Malaquías 1:1

Kay willayta Israel aylluman Señor parlamorqa Malaquías profetanejta.

Jeremías 3:10

Chay tukuyta ruwaspañapis chay t'aqakuwaj Judaqa nillataj tukuy sonqowanchu noqaman kutirimuwarqa, manachayqa ch'aukiyawarqa. Noqa Señormin chayta nini.