Malaquías 2:10 - Qheshwa Biblia DC

¹⁰ Manachu tukuyninchej uj Tatayojlla kanchej? Manachu uj Dioslla tukuyninchejta ruwawarqanchej? Imajtintaj ujkunaqa ujkunata ch'aukiyanakunchejrí, ajinamanta p'akispa, ñaupa tatasninchejpa Dioswan trato ruwasqanta?

DIOSPA QHELQACHISQAN DEUTEROCANONICAL

¹⁰ Manachu tukuyninchej uj tatayojlla kanchej? Manachu uj Dioslla tukuyninchejta ruwawarqanchej? Jina kajtin, imajtintaj ujkuna ujkuna q'otiyanakunchej, ajinamanta ñawpa tatanchejkunawan Diospa ruwasqan tratota p'akispari?

DIOSPA QHELQACHISQ

¹⁰ Manachu tukuyninchej uj tatayojlla kanchej? Manachu uj Dioslla tukuyninchejta ruwawarqanchej? Jina kajtin, imajtintaj ujkuna ujkuna q'otiyanakunchej, ajinamanta ñawpa tatanchejkunawan Diospa ruwasqan tratota p'akispari?

Malaquías 2:10 Referans Kwoze

Salmos 100:3

Yachaychej Señorqa Dios kasqanta. Pay ruwawarqanchej, manataj noqanchej kikinchejchu ruwakorqanchej, Paypa ayllun kanchej, q'omer pastosninmanta ovejasnintaj.

Malaquías 2:11

Judaqa mana kausanchu Diospa nisqanta junt'aspa, Jerusalempitaj ruwakun millay ch'ichi imas, Israelpipis kikillantaj. Judaqa p'akin Señor munakun chay templopi llimphu kausayta. Judapi tiyakoj qharistaj llulla dioskunata yupaychaj warmiswan casarakunku.

1 Corintios 8:6

Noqanchejpajqa uj Dioslla, Tatanchej. Paymanta tukuy ima jamun, noqanchejtaj paypata kanchej; uj kamachejlla, chaytaj Jesucristo. Paynejtataj tukuy imas ruwasqas kanku. Noqanchejpis paynejta kanchej.

Efesios 4:6

Uj Diosllataj tukuypa Tatan. Payqa kashan tukuypa patampi, tukuynejpi, tukuypitaj.

Isaías 63:16

Qanlla tataykoqa kanki, Abraham tataykuta, mana rejsiwaykuchu. Israelqa mana yuyarikuwaykuchu. Qanlla tataykoqa kanki Señor. Noqaykoj wiñay salvawajniyku sutiyoj nisqa kanki.

Isaías 64:8

Kunanqa Señor, qan tatayku kanki. Noqaykoqa t'urulla kayku imaraykuchus qanmin t'urumanta ruwawarqayku. Chayrayku noqaykoqa tukuyniyku makisniykej ruwasqasnin kayku.

Hechos 7:26

Q'ayantintaj Moisés rikorqa israelitas maqanakushajta. Allinyachiyta munaspataj paykunaman nerqa: Qhari masis, qankunaqa wauqes kankichej, imaraykutaj qankunapura maqanakushankichejri?

San Mateo 3:9

Ama niychejchu qankunaqa: Abrahampa wawasnin kayku, nispa. Noqa niykichej, Diosqa kay rumismantapis wawasta sayarichiyta atin Abrahampaj.

San Juan 8:41

Qankunaqa ruwashankichej tataykichejpa ruwasqanta. Paykunataj nerqanku: Mana noqaykoqa qhenchachakojpa wawasninchu kayku; uj tatayojlla kayku, chaytaj Dios.

San Mateo 22:16

Paykunataj kacharqanku partenkumanta kajkunata, herodianostawan; Jesusman nimunankupaj: Maestro, yachayku qan cheqan sonqo kasqaykita, Diospa ñanninta cheqanta yachachisqaykita; mana runaj parlasqanta kasuspa. Qanqa mana runaj rijch'aynillantachu qhawanki.

San Mateo 10:21

Wauqeqa wauqenta wañuchichenqa; tatapis wawanta; wawaspis oqharikullanqankutaj tatasninkuta wañuchichinankupaj.

Malaquías 2:8

Sacerdotes, qankunaqa sumaj ñanmanta karunchakorqankichej, ashkhastataj urmacherqankichej qankunaj yachachisqasniykichejwan. Ajinapi qankuna pierdechinkichej Leviwan trato ruwasqaytaqa, nin Tukuy Atiyniyoj Señorqa.

Malaquías 1:6

Tukuy Atiyniyoj Señorqa sacerdotesta nin: Wawasqa tatasninkuta honranku, uywasqaspis patronesninkuta honrallankutaj. Sichus noqa Tataykichej kani chayqa, sacerdotes, qankunaqa imaraykutaj mana honrawankichejchu? Sitajchus qankunajta Señorniykichej kani chayqa, imaraykutaj mana respetakuwankichejchu? Astawampis qankuna noqata qhesachaspa ninkichejraj: Imapi qanta qhesachasuyku?, nispa.

Isaías 51:2

Qhawariychej tataykichej Abrahamta, mamaykichej Saratawan. Paykuna manaraj wawasniyoj kashajtinku wajyarqani, ashkha imasta qospataj paytaqa miracherqani.

Isaías 44:2

Noqa ruwasoj Diosniyki kani. Manaraj naceshajtiyki ruwarqayki, yanaparqaykitaj. Ama manchachikuychu kamachíy, Jacob, Jesurún. Qanta noqaqa kamachiypaj ajllakorqayki.

Isaías 43:15

Noqamin kani Señorniykichej, Santo Diosniykichej, Israelta ruwaj, reyniykichejtaj.

Isaías 43:7

Sutiyta apaykachajkunata, pikunatachus noqa kusikunaypaj ruwarqani chaykunata, sayaricherqanitaj.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Job 31:15

Uj k'ata Dioslla mamasniykojpa wijsampi ruwawarqayku, kausaytapis qowarqayku, paykunaman, jinallataj noqamampis.

Nehemías 13:29

Diosníy, yuyarikuy ari sacerdote kayta ch'ichichasqankuta, jinallataj sacerdoteswan levitaswan trato ruwasqaykita ch'ichichasqankutapis.

Josué 24:3

Noqaqa ñaupa tataykichej Abrahamta chay mayu cantomanta pusamuspa kay tukuynin Canaán jallp'api puricherqani. Chaypacha payta miracherqani, ñaupajta Isaac wawanta qospa, Isaacmantaj iskaynin wawasnin Jacobta, Esautawan qospa. Esaumanqa qorqani Seir orqo jallp'asta, chaypi tiyakunampaj. Jacobtajrí wawasninwan Egiptoman riporqa.

Éxodo 19:5

Kunanqa sichus tratoymanta palabrasniyta uyarikunkichej, waqaychankichejtaj chayqa, noqapaj kankichej uj sumaj ayllu, tukuy ayllusmanta aswan sumaj; imaraykuchus noqajtamin tukuy jallp'asqa.

Hebreos 12:9

Chantá, kay pacha tatasninchej jasut'iwajtinchej, kasoj kanchej. Manachu astawanraj janaj pacha Tatanchejta kasunanchej kausananchejpajqa?

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

Efesios 4:25

Chayrayku llullakuyta saqespa, sapa ujqa cheqata parlaychej runa masisniykichejwan; imaraykuchus ujkuna ujkunawan uj cuerpollamanta kanchej.

Romanos 9:10

Manataj chayllachu, Rebecapis, wawasnimpis uj runallamanta mirayniyoj karqa, Isaac tatanchejmanta.

Romanos 4:1

Ima nisuntajri, aychaman jina tatanchej Abraham, imatataj tarerqa?

Hechos 17:25

Nitaj Diosqa imapipis runaj yanapayninta suyanchu. Paytaj tukuyman kausayta qon, samayta, tukuy imastawan.

Hechos 7:2

Estebantaj kuticherqa: Hermanos, tatakuna ima, uyariwaychej. Jatun atiyniyoj Diosqa, tatanchej Abrahamman Mesopotamiapi kashajtin, manaraj Harán jallp'aman tiyakoj ripushajtin, nerqa: Llojsiy kay jallp'aykimanta aylluykimantawan; noqa rikuchisqayki chay jallp'amantaj ripuy.

San Juan 8:56

Ñaupa tataykichej Abrahamqa kusikorqa p'unchayniyta rikuyta munaspa, rikuspataj mayta kusikorqa.

San Juan 8:53

Abraham tataykumanta aswan kurajchu qan kanki? Payqa wañorqa, profetaspis wañullarqankutaj. Pi kasqaykitataj qan yuyankiri?

San Juan 8:39

Paykuna kuticherqanku. Noqaykoj tataykoqa Abraham. Jesustaj paykunaman nerqa: Abrahampa wawasninchus kawajchej chayqa, paypa ruwasqasninta ruwawajchej.

San Lucas 3:8

Allinta kausaychej ari, rikuchispa juchamanta kutirikusqaykichejta; ama qankunapuralla ninakuychejchu: Tatanchejqa Abraham nispa. Noqa niykichej, Diosqa kay rumismantapis atin oqhariyta Abrahampaj wawasta.

San Lucas 1:73

Abraham tatanchejmantaj juraspa nerqa qonawanchejta; enemigosninchejmanta salvasqas kaspa, mana manchachikuspa, Diospa munayninta ruwananchejpaj; mana juchayoj, cheqan kausaypi, paypa ñaupaqempi kausananchejkama.

Hechos 17:24

Kay pachata, tukuy imasnintawan ruwaj Diosqa paymin, janaj pachajta, kay pachajtapis Señornin. Manataj payqa runaj ruwasqan templopichu tiyakun.

Hechos 17:26

Paytaj, uj runallamanta tukuy laya runata miracherqa, tukuy jallp'api paykuna kausanankupaj. Chayta wakicherqa, ima p'unchaykunapichus, may jallp'apichus kausanankuta, ajinamanta runakuna Diosta mask'anankupaj. Ichapis mask'aykachasqankupi llankharispa Diosta tarinkuman. Cheqamanta Diosqa mana karupichu kashan sapa ujninchejmanta.

Éxodo 19:4

Qankuna rikunkichej imastachus egipciosta ruwasqayta, imaynatatajchus apamorqaykichej maypichus tiyakushani chayman chayta, ankaspa lijrasnimpipis jamuwajchej karqa ajinata.

Éxodo 24:3

Moisesqa chaymanta jamuytawan runasman willarqa, imaynatachus payman Señorqa parlasqanta, kamachisqantataj. Runastaj chay nisqanman jina uj similla kuticherqanku: Noqaykoqa Señorpa tukuy kamachisqasninta ruwasqayku, nispa.

Éxodo 24:7

Jinaspataj chay trato ruwasqan libro qelqasqanta runasman leerqa. Chaypachataj runasqa nerqanku: Noqaykoqa Señorpa palabrasninta, kamachisqasninta ima ruwasqayku, nispa.

Jeremías 31:9

Mañakuspa waqaspataj jamonqanku. Noqa paykunata yakusniyoj mayusman pusaykusaj, sumaj pampachasqa ñannintataj ama misk'akunankupaj. Noqa Israelpa tatan kani, Efraenqa kuraj kaj waway.

Isaías 64:7

Sutiykita oqharejqa mana pipis kanchu, rijch'arispa sutiykimanta yuyarikojpis manallataj kanchu. Chayrayku qanqa uyaykita noqaykumanta pakaykukunki, sajra ruwasqasniykupi qawejta qhawallawayku.