Malaquías 1:6 - Qheshwa Biblia DC

⁶ Tukuy Atiyniyoj Señorqa sacerdotesta nin: Wawasqa tatasninkuta honranku, uywasqaspis patronesninkuta honrallankutaj. Sichus noqa Tataykichej kani chayqa, sacerdotes, qankunaqa imaraykutaj mana honrawankichejchu? Sitajchus qankunajta Señorniykichej kani chayqa, imaraykutaj mana respetakuwankichejchu? Astawampis qankuna noqata qhesachaspa ninkichejraj: Imapi qanta qhesachasuyku?, nispa.

DIOSPA QHELQACHISQAN DEUTEROCANONICAL

⁶ Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

DIOSPA QHELQACHISQ

⁶ Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

Malaquías 1:6 Referans Kwoze

San Lucas 6:46

Imaraykutaj Señor, Señor, nillawankichej, manataj nisqayta ruwankichejchu?

Isaías 1:2

Janaj pacha, kay pacha ima, uyariychej Señorpa nisqanta: Wawasta uywarqani jatuchaj kanankukama, paykunataj contraypi sayaykukunku.

Éxodo 20:12

Tataykita mamaykitawan kasuy, unayta kay jallp'a patapi kausakunaykipaj, mayqen jallp'atachus Señor Diosniyki qosunki chaypi.

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.

Oseas 12:8

Efraenqa nin: Qhapajyaykuni, allin kaj qhatiriwan, jinapis ni pi ch'atanawan kanqachu chay gananciasniyta llullakuspa tarisqaymanta!

Isaías 64:8

Kunanqa Señor, qan tatayku kanki. Noqaykoqa t'urulla kayku imaraykuchus qanmin t'urumanta ruwawarqayku. Chayrayku noqaykoqa tukuyniyku makisniykej ruwasqasnin kayku.

Efesios 6:2

Kaymin Diospa ñaupaj kaj kamachiynenqa maypichus uj promesa tiyan: Tataykita mamaykitawan allimpi qhawanki, allin risunampaj, kay jallp'a patapi unayta kausakunaykipaj.

Proverbios 30:17

Tatanta qhesachajqa: Jinallataj paya mamanmanta asirikojqa, qharqañaswan ñawisninta orqhochikuchun, ankaj uñasninkuwantaj mikhuchikuchun.

San Mateo 7:21

Mana tukuy niwajkuna Señor, Señor, nispa, janaj pacha reinoman yaykonqankuchu. Manachayqa, janaj pachapi kashaj Tataypa munayninta ruwajkunalla yaykonqanku.

San Mateo 6:9

Chayrayku qankunaqa, kay jinata mañakunkichej: Janaj pachapi kashaj Tatayku, sutiyki jatunchasqa kachun.

Proverbios 30:11

Wakenqa tatankuta maldicinku, mamankutapis mana bendicinkuchu.

Deuteronomio 5:16

Tataykita mamaykitawan allinwan qhaway, imaynatachus Señor Diosniyki kamachisusqanman jina, ajinamanta unayta kausakunaykipaj, ima jallp'atachus Señor Diosniyki qosunki chaypi allin risunampaj.

Levítico 19:3

Sapa ujniykichej respetachun tatanta, mamantawan. Jinallataj waqaychachun samarina p'unchaykunasniyta. Noqamin Señor Diosniykichejqa kani.

Marcos 10:19

Diospa kamachisqanta yachanki: Ama qhenchachakuychu, ama runata wañuchiychu, ama suwaychu, ama llullakuspa tumpaychu, amam pitapis ch'aukiyaychu, respetaytaj tataykita, mamaykita ima.

San Mateo 19:19

Tataykita, mamaykitapis respetay, runa masiykitapis munakunki qan kikiykita jina.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Ezequiel 22:26

Kay llajtaj sacerdotesnenqa yachachiykunasniyta p'akinku. Ajllakusqasniy cheqasta ch'ichichanku. Imachus llimphu kajta, imachus ch'ichi kajtapis mana reparankuchu. Manataj wajkunaman yachachinkuchu imachus allin kajta, nillataj mana allin kajtapis. Samakuna p'unchaykunasniymanta mana dakunkuchu, nitaj jatunchawankuchu.

Jeremías 23:11

Señorqa nin: Tukuy profetasnintin, sacerdotesnintin puraj uyas juchasapas kanku. Paykunata kikin yupaychana wasiypi juchasta ruwashajta taripani.

San Mateo 15:6

Jinapeqa, mana tatanta, nitaj mamantapis respetanqañachu. Ajinamanta qankunaqa Diospa kamachisqanta p'akinkichej, chay ñaupa usuykichejrayku.

Malaquías 2:8

Sacerdotes, qankunaqa sumaj ñanmanta karunchakorqankichej, ashkhastataj urmacherqankichej qankunaj yachachisqasniykichejwan. Ajinapi qankuna pierdechinkichej Leviwan trato ruwasqaytaqa, nin Tukuy Atiyniyoj Señorqa.

San Lucas 10:29

Paytaj allinman rijch'ayta munaspa kuticherqa: Pitaj runa masiyri?, nispa.

San Lucas 6:36

Qankunapis khuyakojkuna kaychej ari, imaynatachus Tataykichejpis khuyakoj, ajinata.

Marcos 7:10

Moisesqa kay jinata nerqa: Tataykita, mamaykitapis respetanki; pichus tatampaj sajrata rimanman chayqa, wañuchun.

Jeremías 31:9

Mañakuspa waqaspataj jamonqanku. Noqa paykunata yakusniyoj mayusman pusaykusaj, sumaj pampachasqa ñannintataj ama misk'akunankupaj. Noqa Israelpa tatan kani, Efraenqa kuraj kaj waway.

San Lucas 18:20

Yachanki Diospa kamachisqasninta: Ama qhenchachakunkichu, ama wañuchinkichu, ama suwankichu, ama qhasimanta tumpankichu; tataykita, mamaykitapis kasunki.

San Mateo 15:4

Diosqa kamacherqa: Tataykita, mamaykitawan respetanki. Pichus tatanta, chayrí mamanta maldicejqa, wañuchun.

Oseas 5:1

Sacerdotekuna, uyariychej kayta; allinta uyariychej, Israel runakuna; reypa wasimpi kajkunapis uyariychej: Qankunaj contraykichejpimin juicio kanqa, imaraykuchus Mizpapi uj misk'anata churarqankichej uj ch'ipatataj aysarqankichej, Tabor orqo patapi.

Salmos 123:2

Imaynatachus kamacheqa patronninta qhawan, imaynatachus warmi kamachipis patronanta qhawan, ajinata noqaykupis Señorpa yanapayninta suyaspa qhawayku.

Proverbios 17:6

Machu runaspa pillunkoqa allchhisninku; wawaspa kusikuyninkutaj, tatasnin.

Isaías 43:23

Ovejasta wañuchispa q'olachinapaj mana apamuwarqankichu nitaj uywa wañuchispapis jatunchawankichu. Noqaqa mana rikuchikusniykita mañaspa sayk'ucherqaykichu, manataj phiñachiykichu inciensota mañaspapis.

Jeremías 3:4

Manaraj unaychu niwarqanki: Tatay kanki, sipas kayniypitaj kausaqey!, nispa.

Jeremías 35:16

Recabpa wawan Jonadabpa miraykunasnin ñaupa tatasninkoj kamachisqasninkuta junt'arqanku. Chaywampis kay Israel aylloqa mana kasuta ruwawanchu.

Sofonías 3:4

Profetasninkoqa sajra parlayniyoj kanku, Diospa contrampi sayarinkutaj, sacerdotesninkutaj llimphu kaj wasita ch'ichichanku, Señorpa kamachiyninkutapis p'akinku.

Malaquías 2:1

Sacerdotekuna, kunan kay kamachi tiyan qankunapaj: Sichus mana kasuwankichejchu, nitaj sutiytapis tukuy sonqo yupaychankichejchu chayqa, noqa maldicisqaykichej. Sacerdote kasqaykichejpi allin imasta jap'ikusqaykichejtataj maldicionman tukuchisaj. Ñapis maldiciniña, imaraykuchus ruwanaykichejta mana tukuy sonqochu junt'ankichej, nin Tukuy Atiyniyoj Señorqa.

Malaquías 2:10

Manachu tukuyninchej uj Tatayojlla kanchej? Manachu uj Dioslla tukuyninchejta ruwawarqanchej? Imajtintaj ujkunaqa ujkunata ch'aukiyanakunchejrí, ajinamanta p'akispa, ñaupa tatasninchejpa Dioswan trato ruwasqanta?

Deuteronomio 32:6

Wampu runas, mana yachayniyojkuna, ajinatachu Señormanqa kutichinkichej? Manachu payqa tataykichej, ruwasojniykichejtaj? Paymin qankunataqa ruwasorqachej, uj ayllullamantaj tukuchisorqachej.

Isaías 45:10

Manallataj pi runapis tatanta ninmanchu, Imapaj yumawankiri? Manallataj mamantapis ninmanchu: Imapaj nacechiwarqankiri?, nispa.

Isaías 64:7

Sutiykita oqharejqa mana pipis kanchu, rijch'arispa sutiykimanta yuyarikojpis manallataj kanchu. Chayrayku qanqa uyaykita noqaykumanta pakaykukunki, sajra ruwasqasniykupi qawejta qhawallawayku.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.