Malaquías 1:11 - Qheshwa Biblia DC

¹¹ Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

DIOSPA QHELQACHISQAN DEUTEROCANONICAL

¹¹ Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

DIOSPA QHELQACHISQ

¹¹ Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Malaquías 1:11 Referans Kwoze

Isaías 54:5

Qanta ruwasorqa chaymin qampa qosaykeqa; sutintaj Tukuy Atiyniyoj Señor; Israelpa Santo Diosninmin kacharichisojniykeqa. Payqa tukuy kay pachapi kajkunaj Diosninku.

Isaías 45:6

tukuy yachanankupaj intej llojsimuyninmanta, intej chinkaykuyninkama, noqamanta astawanqa mana waj dios kasqanta. Noqa k'atalla Diosqa kani, astawanqa mana kanchu.

Apocalipsis 5:8

Librota jap'isqantawantaj, chay tawa animales, chay iskay chunka tawayoj kurajkuna ima, Corderoj ñaupaqenman qonqoriykukorqanku. Sapa ujninkutaj arpasniyoj karqanku, copasninkutaj inciensowan junt'asqas karqanku. Chaykunaqa ajllasqaspa mañakuynin.

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

Zacarías 8:7

Noqamin llajtaytaqa kacharichisaj inti llojsimuynej llajtaspa atiyninmanta, jinataj inti yaykupuynej llajtasmantapis.

Salmos 50:1

Dioskunaj Diosnin Señorqa parlan. Inti llojsimuy cheqamanta inti yaykuy cheqankama, tukuy kay pachapi tiyakojkunata wajyan.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Salmos 141:2

Mañakususqayqa ñaupaqeykipi inciensoj q'apaynin jina kachun. Qanman makisniyta oqharisqaytaj inti yaykuy horasta jaywana jina kachun.

Salmos 67:2

Kay pachapi tukuy jatun llajtas, munayniykita, salvacionniykimantawan yachanankupaj.

Apocalipsis 15:4

Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.

1 Timoteo 2:8

Chayrayku munani tukuynejpi qharis Diosmanta mañakunankuta, llimphu makista oqharispa, mana phiñakuspa, nitaj churanakuspa.

Filipenses 4:18

Noqaqa tukuy imata jap'erqaniña. Ashkhaña kapuwan. Junt'asqa kani. Epafroditomanta jap'erqani apachimuwasqaykichejta, k'acha q'apayniyojta jina, allin rikuchikuta jinataj, Diospajtaj allin qhawasqata.

Romanos 15:16

Jesucristoj kamachin kaspa, Diospa evangelionta gentilesman willanaypaj, paykuna sumaj rikuchiku jina, llimphuchasqas Santo Espiritunejta kanankupaj.

Romanos 12:1

Ajinaqa, hermanos, mañakuykichej, Diospa khuyakuyninrayku kausanaykichejta, kausashaj rikuchikuta jina jaywanaykichejpaj, llimphuta, Diosta kusichejta. Chaymá cheqan yuyaywan Diosta yupaychayniykichejqa.

San Lucas 1:10

Pay inciensota q'osñichinankamataj, runasqa jawapi Diosmanta mañakusharqanku.

Malaquías 1:14

Maldicisqa kachun nejqa mana onqosqa uywata jaywanawanta, nishaspa, chantá onqosqa kajtataj jaywawajqa. Noqaqa jatun Reymin kani, tukuy llajtaspa respetasqantaj kani. Ajinata Tukuy Atiyniyoj Señorqa nin.

Sofonías 3:9

Chay p'unchay chayamojtin llimphuchasaj tukuy runaspa parlayninta, tukuyninku noqata qhaparikunawankupaj, tukuy runastaj noqata uj sonqolla sirvinawankupaj.

Sofonías 2:11

Señorqa may manchachikuna kanqa paykunaj contrankupi. Chay llajtapi tukuynin lantista t'unaykonqa. Tukuynejpi paylla yupaychasqa kanqa. Qocha chaupi churuspi runaspis paytaqa yupaychanqanku.

Miqueas 5:4

Reyqa jatarikonqa michinampaj chay Israel ayllunta tukuy atiywan, Señor Diospa jatun kaynimpitaj, paykunataj sonqo tiyasqa kaypi tiyakonqanku, imaraykuchus Señor jatunchasqa kanqa tukuy jallp'aj cantosninkama.

Amós 9:12

Edommanta puchojkuna, tukuy llajtasmantawan puchojkuna noqajta karqa, chaypi Israelqa watejmanta llajtachakonqa. Señormin ajinataqa nin, chaytaj junt'akonqapuni.

Isaías 59:19

Inti chinkaykuymantapacha naciones Señorpa sutinta manchachikonqanku, jinallataj inti llojsimuymantapacha k'anchayninta manchachikonqanku. Enemigosqa yaku mayu jina manchayta jamonqanku, Señorpa Espirituntaj bandera jina ñaupaqenkupi contrankupi sayaykonqa.

Salmos 113:3

Inti llojsimuynejmanta, inti yaykuynejkama, Señorpa sutenqa yupaychasqa kachun.

San Mateo 8:11

Niykichej ari: Ashkha runakuna jamonqanku inti llojsimuynejmanta, inti yaykuynejmanta ima. Janaj pachapitaj Diospa reinompi mikhonqanku Abrahamwan, Isaacwan. Jacobwan ima.

2 Tesalonicenses 1:12

Ajinamanta, Señorninchej Jesucristoj sutin qankunapi yupaychasqa kachun, qankunataj paypi, Diosninchejpata Señorninchej Jesucristojtawan khuyakuyninrayku.

Números 7:74

Chantapis qollarqataj qorimanta uj jatun cucharata inciensoyojta, pesarqataj pachaj chunkayoj gramos.

Salmos 45:17

Noqa sutiykita yuyarichillasajpuni, tukuy runa mitapi, tukuy llajtaspitaj wiñaypaj yupaychasonqanku.

Salmos 48:10

Diosníy, tukuynejpi yupaychasqa kanki, jatun sutiykiman jina. Qan justiciata ruwanki atiyniykiwan.

Salmos 111:9

Pay llajtanta kacharicherqa, trato ruwasqantataj wiñaypaj sayacherqa. Diosninchejqa santo Dios, manchachikunataj.

Isaías 12:4

Chaypacha ninkichej: Señorman graciasta qoychej, sutinta jatunchaychej, imatachus ruwasqasninta runasman willamuychej, yuyarichiychej sutenqa may jatun kasqanta.

Isaías 12:5

Señorman takiychej, imaraykuchus payqa sumaj imasta ruwan; chaytataj tukuy mundontimpi runas yachachunku.

Isaías 66:18

Rejsini paykunaj ruwasqasninkuta, imatachus yuyasqankutapis. Uj p'unchay chayamonqaña tukuy nacionesta, ima parlayniyojchus kajkunatapis ujllaman tantanapaj. Chaypi jamuspa noqaj k'anchayniyta rejsenqanku.

Jeremías 10:6

Señor, mana pipis qan jina kanchu: Qanqa jatun kanki, sutiykeqa may jatun atiyniyojtaj.

Jeremías 10:7

Pitaj qanta mana manchachikusonqachu nacionespa reynintari? Qanqa manchachikunapaj nisqa kanki. Tukuy yachayniyojkunamanta, reyesmantapis manapuni qan jinaqa kanchu.

Daniel (hebreo) 2:45

Chaytamin niyta munan reypa rikusqan rumi mana pejpa tanqarimusqallan orqomanta choqakamojqa. Chay rumitaj fierrota, bronceta, t'uruta, qolqeta, qoritapis ñut'u polvoman tukucherqa chayqa. Jatun Diosqa rikuchin reyman, imachus kananmanta qhepa p'unchaykunapi. Mosqokusqaykeqa cheqamin, sut'inchaynimpis cheqapunitaj.

1 Crónicas 16:25

Señorqa may jatunmin, sinch'i yupaychanapaj jinapuni. Tukuy dioskunamanta nisqaqa aswan manchachikuna.

Salmos 48:11

Sión orqoqa kusikuchun. Tukuy Judá llajtaspis kusikuywan phinkiykachachunku, cheqanta ruwasqaykimanta.

Salmos 65:9

Qanqa jallp'ata watukunki, parachinkitaj. Mayta qhapaj kayniykiwan qhapajyachinki. Qanqa mayuspi yakusniykiwan trigostapis wiñachipunki, munayniykiman jina.

Salmos 86:9

Señor, tukuy nacionesta qan sayachinki, tukuyninkutaj qanta yupaychasonqanku, sutiykitataj jatunchanqanku.

Salmos 96:8

Señorpa sutinta yupaychaychej, pationmantaj jaywanasta aparisqa yaykuychej.

Salmos 138:5

Señorta yupaychanqanku sumajta yuyasqanrayku, imaraykuchus Señorpa k'anchaynenqa jatunmin.

Isaías 19:21

Chaypacha Señorqa egipcioswan rejsichikonqa, paykunataj Señortaqa rejsenqanku, yupaychanqanku ima, uywata wañuchispataj jaywanqanku, chantá rikuchikusta ima. Paykuna Señorta sirvisaj nenqanku, junt'anqankutaj.

Isaías 30:27

Señorqa pay kikin karumantapacha jamun; uyanqa nina larway imatapis ruphaykoj jina; simimpis manchay phiñakuywan junt'a kashan; qalluntaj q'olaykoj nina jina kashan.

Malaquías 3:3

Señor tiyakonqa Levéj wawasnin sacerdotesta sumajta llimphuchanampaj, imaynatachus ninapi qolqeta qoritapis llimphuchanku ajinata. Chanta paykuna Señorman ofrendankuta jaywayta atenqanku, imaynachus jaywana kaj ajinata.