San Lucas 6:48 - Qheshwa Biblia DC

⁴⁸ Chay runaqa rijch'akun wasita ruwakojman; pichus ñaupajta sumaj ukhuta allan chhankata taripanankama, chaypitaj rumi cimientota churan. Yaku chayamojtintaj, mayoqa manchayta junt'aykuspa wasiman wajtakamorqa, manataj waseqa imanakorqachu, imaraykuchus chhanka patapi ruwasqa karqa.

DIOSPA QHELQACHISQAN DEUTEROCANONICAL

⁴⁸ Chay runa rijch'akun, pichus wasinta ruwayta qallarinanpaj, ñawpajta sumaj ukhuta allasqa chhankata taripanankama, chayman. Chantá chay patapi rumimanta cimientota churasqa. Chaymanta sinch'ita parajtin, mayoqa wasarispa wasiman wajtakamusqa. Chaywanpis waseqa mana imanakusqachu, chhanka patapi ruwasqa kasqanrayku.

DIOSPA QHELQACHISQ

⁴⁸ Chay runa rijch'akun, pichus wasinta ruwayta qallarinanpaj, ñawpajta sumaj ukhuta allasqa chhankata taripanankama, chayman. Chantá chay patapi rumimanta cimientota churasqa. Chaymanta sinch'ita parajtin, mayoqa wasarispa wasiman wajtakamusqa. Chaywanpis waseqa mana imanakusqachu, chhanka patapi ruwasqa kasqanrayku.

Quechua South Bolivia: Dios Parlapawanchej

⁴⁸ chay runaka uj sumaj wasichaj runaman rijch'acun. Chay wasichajka ñaupajta allin uqhuta allarka. Sinch'i rumi patapitaj wasita sayacherka. Mayuta yacu wasarispa callpawan chay wasiman chayarka. Wasita mana cuyurichiyta aterkachu rumi patapi sumaj sayachiska caskanraycu.

San Lucas 6:48 Referans Kwoze

Salmos 62:2

Payllapuni salvakunay, pakakunay chhankataj. Mana urmasajchu, imaraykuchus paypi pakakuni.

Isaías 28:16

Chayrayku Señorqa nin: Sión orqopi uj rumita sayachisaj. Chaytaj uj sumaj ajllasqa rumi, k'acha esquinasniyoj, wasi cimientopaj sumaj rumi. Pichus chaypi atienekojqa mana kuyurenqachu.

Judas 1:24

Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta.

Isaías 26:4

Wiñaypaj Señorllapipuni atienekuychej, imaraykuchus payllamin wiñaypaj pakakunanchejqa.

Efesios 2:20

Qankuna apostolespa, profetaspa wakichisqanku patapi sayachisqas kankichej; chay kuraj kaj rumitaj kikin Jesucristo.

1 Juan 2:28

Kunanqa, wawitasníy, Cristowan ujlla kakuychej; qhepa kaj jamuynimpi pay rikhurimojtintaj, mana manchachikuspa, nitaj p'enqakuspa, ñaupaqenman qayllaykunaykichejpaj.

2 Timoteo 2:19

Diospa cimiento churasqanqa sumajta sayan, kay jina selloyoj: Señorqa paypata kajkunata rejsin. Juchamanta t'aqakuchun pichus Señorpa sutinta oqharejqa.

Salmos 32:6

Chayrayku, llakisqa kajtinku qhatisojkuna qanmanta mañakonqanku. Sinch'i mayu yaku wasarejtimpis, mana paykunakama chayanqachu.

2 Samuel 22:32

Pitaj Dios, Señormanta jawarí? Pitaj Dios kasqa chhanka jina waqaychanawanchejpajrí?

Proverbios 10:25

Imaynatachus muyoj wayra chinkarin, ajinata sajra runaqa chinkarin; cheqan runarí kikimpipuni wiñaypaj sayan.

2 Samuel 22:47

Jatunchasqa kachun Señor! Waqaychawajneyqa bendicisqa kachun! Jatunchasqa kachun, salvawaj, waqaychawaj Diosneyqa!

Isaías 59:19

Inti chinkaykuymantapacha naciones Señorpa sutinta manchachikonqanku, jinallataj inti llojsimuymantapacha k'anchayninta manchachikonqanku. Enemigosqa yaku mayu jina manchayta jamonqanku, Señorpa Espirituntaj bandera jina ñaupaqenkupi contrankupi sayaykonqa.

2 Pedro 1:10

Chayrayku hermanos, wajyasqas ajllasqastaj kasqaykichejpi sumajta sayaychej. Chaykunata ruwaspa mana jayk'ajpis urmankichejchu.

Hechos 14:22

Chay llajtaspitaj creejkunata sonqocharqanku, creesqankupi sinch'ita sayanankupaj, nerqankutaj: Noqanchejqa tukuy imasta ñak'arinanchejpuni tiyan, Diospa reinonman yaykunanchejpaj.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

Nahúm 1:8

Jinapis imaynatachus yaku junt'aykuspa q'alata apakapun ajinatamin tukuy Paywan churanakojkunataqa pichaponqa, may llakiykunaswan laqhayaylla qhatirenqa tukuy enemigosnintapis.

Salmos 95:1

Jamuychej Señorman; kusiywan takisunchej; takisunchej jark'aj salvawajninchejman.

2 Samuel 22:5

Wañoyqa qhollchuqeyayninwan mayt'uykuwan; mancharikorqanitaj chay chhika wañuchejkuna jamuwajtinku.

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.

2 Samuel 23:3

Israelpa Diosnin parlan; Israelpa waqaychajnin niwan: Pichus kamachenqa runasta justiciawan, pichus kamachenqa Diosta manchachikuypi, sut'iyaymanta k'anchay llojsimoj jina kanqa, mana phuyusniyoj paqarimpi intej k'anchaynin jina, para pasayta qhorata wiñachej, ajina kanqa.

2 Samuel 22:2

Kay jinata nerqa: Señor, qanllamin pakawajniy chhankaqa kanki, pakakunay lugartaj, kacharichiwajniytaj.

1 Samuel 2:2

Mana qan jina pipis santoqa kanchu Señor! Mana waj kanchu qanmanta nisqaqa, nitaj waj pakakuna chhankapis Diosniyku jinaqa.

Deuteronomio 32:31

Jark'ajninku chhankaqa, mana jark'awajninchej chhanka jinachu. Chaytaqa enemigosninchej yachanku.

Deuteronomio 32:18

Israel qanqa qonqapunki jark'akusoj tataykimanta. Kausayta qosoj Diosniykimanta.

San Lucas 6:47

Pichus noqaman jamun, palabrasniytataj uyarin, ruwantaj, chayta nisqaykichej pimanchus rijch'akusqanta.

San Lucas 6:49

Pitajchus nisqayta uyarishaspa mana ruwanchu chayqa, rijch'akun t'iyu patapi wasita ruwakojman; mayutaj chayamuspa wasiman wajtakamorqa, urmacherqataj. Chay thuñikuynenqa manchay karqa.