San Lucas 6:23 - Qheshwa Biblia DC

²³ Kusikunkichej chaypacha, jatun kusiywan, imaraykuchus t'inkaykichejqa jatun kanqa janaj pachapi. Jinallatataj ñaupa runas ñak'arichej kanku profetasta.

DIOSPA QHELQACHISQAN DEUTEROCANONICAL

²³ Chaypacha jatun kusiywan kusikunkichej, imaraykuchus janaj pachapi t'inkaykichejqa may jatun kanqa. Ñawpa runakunapis kikillantataj Diosmanta sut'inchajkunata ñak'aricherqanku.

DIOSPA QHELQACHISQ

²³ Chaypacha jatun kusiywan kusikunkichej, imaraykuchus janaj pachapi t'inkaykichejqa may jatun kanqa. Ñawpa runakunapis kikillantataj Diosmanta sut'inchajkunata ñak'aricherqanku.

Quechua South Bolivia: Dios Parlapawanchej

²³ Chay p'unchaypi cusicuychej. Cusiywantaj phinquiriychej. Janaj pachapimin kancunapaj uj jatun kona tiyan. Unay tatasnincupis chay quiquillantataj Diospa unay willajcunata muchucherkancu.

San Lucas 6:23 Referans Kwoze

Apocalipsis 21:7

Pichus atipanqa chayqa, tukuy imata chayaqepaj jap'enqa. Noqataj Diosnin kasaj, paytaj waway kanqa.

Apocalipsis 3:12

Atipajtaqa uj pilarta jina sayachisaj Diosniypa wasimpi, ama jayk'aj jawaman llojsinampaj, Diosniypa sutintataj paypi escribisaj, Diosniypa llajtampa sutintawan. Chayqa mosoj Jerusalén. Chaytaj janaj pachamanta uraykamun, Diosniypamanta, mosoj sutiywantaj.

Apocalipsis 3:5

Ajinata atipajqa yurajwan p'achallikonqa, manataj kausay libromanta sutinta pichasajchu. Tataypa ñaupaqempi, angelesnimpa ñaupaqempitaj sutinta rejsichisaj.

Hechos 5:41

Apostolestaj juntamanta llojsispa, may kusisqas riporqanku, paykunata Jesuspa sutinrayku ñak'arichisqankumanta.

San Mateo 5:12

Kusikuychej jatun kusiywan, imaraykuchus jatunmin janaj pachapi t'inkaykichejqa. Ajinallatataj qankunamanta ñaupajta jamoj profetastapis, chejnispa ñak'aricherqanku.

Apocalipsis 2:26

Atipajmanqa, ruwasqasniyta tukukunankama waqaychajman ima, atiyta qosaj nacionesta kamachinampaj.

Apocalipsis 2:17

Ningriyoj kajqa uyarichun imatachus Espíritu iglesiasman nisqanta. Atipajmanqa pakasqa mana nisqata mikhuchisaj, juch'uy yuraj rumitataj qosaj. Chay juch'uy rumipitaj uj mosoj suti escribisqa. Chaytaqa mana pipis rejsinchu, astawanqa pichus chayta jap'ejlla rejsin.

Apocalipsis 2:7

Ningriyoj kajqa uyarichun imatachus Espíritu iglesiasman nisqanta. Atipajmanqa kausaj sach'amanta mikhuchisaj. Chaytaj Diospa paraisompi kashan.

1 Pedro 4:13

Astawanqa kusikuychej Cristoj ñak'arisqampi chayaqeyoj kasqaykichejmanta; payqa jatun kaynimpi rikhurimojtintaj, may kusiywan junt'asqa kanaykichejpaj.

Santiago 1:2

Hermanosníy, qankunaqa may sonqo junt'asqa kaychej, imaymana llakiykuna jamusojtiykichej.

Hechos 3:8

Suchu runataj patata phinkirispa sayaykorqa, puriytataj qallarerqa. Apostoleswan khuskataj temploman yaykorqa kusiywan purispa, phinkiykachaspa ima, Diosta yupaychaspa.

2 Crónicas 36:16

Jinapis paykunaqa asiykukorqanku Señorpa willarajkunasninmanta, nisqankuta qhesacharqanku, profetasninmantapis asiykukorqanku, Señorpa phiñakuyninta oqharichinankukama paykunaj contrankupi, manañataj chayta thasnuchiyta aterqankuchu.

2 Samuel 6:16

Señorpa trato ruwasqa cajonnin Davidpa llajtanman chayamojtintaj, Saulpa ususin Micalqa wasin ventananmanta qhawarimuspa, rey Davidta rikorqa tusushajta phinkiykachashajtataj Señorpa ñaupaqempi. Chayta rikuspa Micalqa sonqompi Davidta pisipaj qhawarqa.

Hebreos 11:26

Aswan jatun kapuypaj qhawarqa Cristoj k'umuykachakuyninkunasta, Egipto llajtayojkunaj qhapaj kapuyninkumanta nisqaqa. Payqa jamoj t'inkataña qhawasharqa.

Hebreos 11:6

Mana creespaqa, mana atinchejchu Diospa sonqonta kusichiyta; imaraykuchus Diosman qayllaykojqa, creenan tiyan Dios kasqanta, payta mask'ajkunamantaj t'inkachej kasqanta.

2 Timoteo 2:12

Paywan khuskachus ñak'arisun chayqa, paywan khuskallataj reinopi kamachisunchej. Sichus Cristota qhesachasun chayqa, paypis qhesachallawasuntaj.

Colosenses 1:24

Kunanqa kusisqa kani, qankunarayku ñak'ariypi rikukuspa. Kay jinamanta aychaypi junt'ashani imachus pisisqanta Cristoj ñak'ariyninman cuerponrayku, chaytaj iglesia.

2 Corintios 12:10

Chayrayku pisi kallpayoj kasqaypi kusikuni. Chantá kusikullanitaj k'amiykunapi, pisichikuypi, ñak'ariykunapi ima. Maypachachus pisi kallpayoj kani, chaypacha atiyniyoj kani.

Romanos 5:3

Mana chayllachu, astawanqa kusikullanchejtaj llakiykunapi yachaspa llakiykunaqa pacienciata qowasqanchejta.

Hechos 14:10

Sinch'ita qhaparispa suchuta nerqa: Sayariy, nispa. Suchutaj usqhayta jatarispa, puriyta qallarerqa.

San Lucas 6:35

Enemigosniykichejta munakuychej ari allinta ruwaspa; mañaychejtaj mana imata paykunamanta suyaspa; jinamanta jatun t'inkaykichejqa kanqa. Chaymantataj janaj pachapi kaj Diospa wawasnin kankichej. Payqa khuyan mana yuyarikojkunata, sajra sonqoyojkunata ima.

San Lucas 1:44

Napaykuwasqaykita uyarisqaytawan, wawaqa wijsay ukhupi kusiywan kuyurin.

San Lucas 1:41

Maríaj napaykusqanta Isabel uyarejtintaj, wawaqa wijsan ukhupi kuyurerqa. Isabeltaj Santo Espirituwan junt'a karqa.

Jeremías 2:30

Qhasillata wawasniykichejta jasut'erqani, yachachiykunasta paykunaqa mana kasuyta munarqankuchu. Kikin qankuna millay phiña leones jina, profetasniykichejta wañucherqankichej.

Isaías 35:6

Cojosqa tarukas jina phinkiykachanqanku, opapis parlarenqa. Chay jina ch'aki ch'in jallp'api ashkha correshaj yakus llojsimonqanku.

Nehemías 9:26

Chaywampis mana kasukojkuna karqanku, contraykipi oqharikorqanku, leyniykitataj qhesacharqanku. Chantaqa profetasniykita wañucherqanku sut'inta ch'ataykuspa, qanman kutirikamunankuta willasqankurayku. May millaytataj contraykipi juchallerqanku.

2 Reyes 6:31

Chanta reyqa nerqa: Sichus kunan p'unchaypacha Safatpa wawan Eliseota mana umanta qholusajchu chayqa, Señor jasut'iwachun, nispa.

1 Reyes 22:27

Ninkitaj, reyqa ajinata nin: Kaytaqa carcelman churaykuychej, chaypitaj pisi t'antawan pisi yakuwantaj kachiychej, allimpi noqa kutimunaykama.

1 Reyes 22:8

Josafatmantaj Israelpa reynenqa kuticherqa: Arí, uj kanraj, paynejta Señorta tapurinapaj, Imlaj wawan Micaías sutiyoj; payta noqaqa chejnini manapuni jayk'ajpis cheqanta sut'inchawasqanrayku, manachayqa sajrallatapuni. Josafattaj nerqa: Ama jinata parlaychu.

1 Reyes 21:20

Eliasmantaj Acabqa nerqa: Qan, enemigoychu tariwanki? Eliastaj kuticherqa: Arí noqa tariyki, imaraykuchus qan kikillaykitaj sajrata ruwaspa enqhaykukunki Señorpa ñaupaqempi.

1 Reyes 19:14

Eliastaj kuticherqa: Tukuy Atiyniyoj Señor Diosníy, noqaqa anchatapuni qanmanta sienteni; imaraykuchus israelitasqa tratota ruwasqaykita saqerparinku, altaresniykita urmachinku, profetasniykitapis espadawan wañurachinku; noqa sapallayña qhepakuni, chaywampis wañuchinawankupaj mask'ashawankuraj.

1 Reyes 19:10

Paytaj kuticherqa: Tukuy Atiyniyoj Señor Diosníy, noqaqa anchatapuni qanmanta sienteni, imaraykuchus israelitasqa tratota ruwasqaykita saqerparinku, altaresniykita urmachinku, profetasniykitapis espadawan wañurachinku; noqa sapallayña qhepakuni, chaywampis wañuchinawankupaj mask'ashawankuraj.

1 Reyes 19:2

Chaymantaqa Jezabelqa Eliaspaman ujnin kamachinta kacharqa, nichispa. Sichus q'aya kay horasta profetasta wañucherqanki chaykunata jina mana ruwasojteyqa, dioskunasniy jasut'iwachunku, nispa.

1 Reyes 18:4

Señorpa profetasninta Jezabel wañuchishajtin, Abiasqa pachaj profetasta chhanka jusk'usman pakaykamorqa, phishqa chunkamanta phishqa chunka. Chaypitaj paykunaman qoj mikhuyta yakutawan.

Salmos 58:11

Chaypachataj nenqanku: Walejpuni Diosta qhatikoyqa. Uj Dios tiyan, kay pachata cheqanchaj.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.