San Lucas 23:5 - Qheshwa Biblia DC

⁵ Paykunataj astawan atipakusharqanku nispa: Tukuy runasta Judeapi ch'ajwachishan, Galileamanta qallarispa kaykama chayamun.

DIOSPA QHELQACHISQAN DEUTEROCANONICAL

⁵ Paykunatajrí nishallarqankupuni: Payqa yachachisqanwan runakunata ch'ajwachishan, Galileamanta qallarispa Judeakama, nispa.

DIOSPA QHELQACHISQ

⁵ Paykunatajrí nishallarqankupuni: Payqa yachachisqanwan runakunata ch'ajwachishan, Galileamanta qallarispa Judeakama, nispa.

Quechua South Bolivia: Dios Parlapawanchej

⁵ Paycunarí sinch'ita nisharkancu: —Tucuy Israel jallp'api Galilea jallp'amanta kallarispa caycamapis yachachispa ch'ajwachishallanpuni, —nispa.

San Lucas 23:5 Referans Kwoze

San Juan 2:11

Jesús kay milagrosta ruwayta qallarerqa Galilea Caná llajtapi. Ajinamanta atiynimpa lliphipiyninta rikucherqa; yachachisqasnintaj paypi creerqanku.

San Juan 1:43

Q'ayantintaj, Jesusqa Galileaman llojsishaspa, Felipeta tarerqa, nerqataj: Qhatiway.

Marcos 1:14

Chay qhepata, Juanta carcelman wisq'achisqankumantaña, Jesús rerqa Galileaman, willaspa Diospa evangelionmanta, nispa: Tiempo junt'akapunña, Diospa reinontaj kayllapiña kashan. Juchasniykichejta saqerpayaspa Diosman kutiriychej, evangeliopitaj creeychej.

San Mateo 4:23

Jesús muyumorqa tukuynin Galileata; yachachispa sinagogasninkupi, predicaspa reinoj evangelionta. Llajtapitaj runasta thañichej, tukuy laya onqoykunamanta, nanaykunamantawan.

Hechos 23:10

Chay jinatapuni jap'inakojtinkutaj, comandanteqa manchachikorqa Pablota wañuchinankuta. Chayrayku soldadosta kamacherqa, chay runa chaupimanta orqhomuspa ujtawan cuartelman Pablota pusaykunankuta.

Hechos 10:37

Qankuna yachallankichejtaj tukuy Judeapi imachus kasqanta, Galileamantapacha qallarispa, Juan bautismomanta willasqanmanta qhepaman.

Hechos 7:57

Manchayta qhaparispataj ningrisninkuta lluphaykorqanku, tukuyninkutaj ujllata correykorqanku Estebanman.

Hechos 7:54

Jatun juntapi Kuraj kamachejkunaqa, Estebampa parlasqanta uyarispa, maytapuni phiñakorqanku sonqosninkupi, kirusninkutataj k'arurakorqanku paypa contranta.

Hechos 5:33

Chayta uyarispa phiñarikuytawan, apostolesta wañuchiyta munarqanku.

San Juan 19:15

Paykunataj qhaparerqanku: Amaña, amaña, cruzpi chakatallayña!, nispa. Pilatotaj paykunaman nerqa: Reyniykichejtachu cruzpi chakatasaj? Kuraj sacerdotestaj kuticherqanku: Mana waj reyniyku kanchu kamachejmanta astawanqa.

San Juan 7:52

Chaymantaj paykuna kuticherqanku: Galileamantachu qampis kanki? Escribisqapi allinta qhaway, chaypi allinta yachanki Galileamanta ni pi profeta jatarisqanta. [

San Juan 7:41

Wakintaj nerqanku: Kaypuni Cristoqa. Wajkunataj nerqanku: Galileamantachu Cristoqa jamunman?, nispa.

San Lucas 23:23

Paykunaqa qhaparillarqankupuni, chakatachinanta munaspa; chay jinatapuni paykuna qhaparerqanku sacerdotesninkutapis atipanankukama.

San Lucas 11:53

Jesús kay imasta nejtintaj, leymanta yachachejkuna, fariseoswan phiñarikuspa, tukuy imamanta tapuraspataj parlananta munarqanku, imaymanamanta jap'iyta munaspa, ima nisqallampipis ch'ataykunankupaj.

San Mateo 27:24

Pilatotaj, runasta mana atipayta aterqachu; astawanraj ch'ajwa jatarisharqa. Yakuta apachimuspataj, makisninta mayllakorqa, runakunaj ñaupaqempi, nispa: Mana noqaqa juchayojchu kani, kay cheqan runaj yawarninmanta; qankunallaña imatapis ruwaychej.

Salmos 69:4

Ashkha kanku qhasillamanta chejnikuwajkunaqa, umaypi chujchasniymantapis astawan. Yanqhallamanta chejnikuwaj runasqa, aswan atiyniyojman tukunku. Mañawankutaj mana suwasqayta qopunayta.

Salmos 57:4

Kausaynenqa leones chaupipi kashan. Ninata wijch'oj runaspa chaupimpi wijch'usqa kashani. Kirusninkoqa lanzas jina, flechas jinataj. Qallunkutaj filochasqa espada jina.

Salmos 22:16

Alqos jina, uj sajra runas tropa muyuykuwanku, chakisniyta makisniytataj jusk'urawanku.

San Mateo 2:1

Jesús nacikorqa Belempi; chaytaj karqa Judea jallp'api rey Herodes kamachishajtin. Chaypacha, inti llojsimuynejmanta yachaysapa runas Jerusalenman chayamorqanku.

San Mateo 11:1

Jesús, chunka iskayniyoj yachachisqasninman yachachiyta tukuytawan, riporqa yachachej, predicajtaj chay llajtaspi.

San Lucas 23:6

Pilatotaj kayta uyarispa taporqa paykunata, cheqatachus chay runa Galileamanta kasqanta.