San Lucas 23:2 - Qheshwa Biblia DC

² Chaypitaj ch'ataykuyta qallarerqanku, nispa: Kaytaqa taripayku runasta ch'ajwachishajta; manataj munanchu kamachejman impuestota qonata. Pay kikintaj nin Cristo reytaj kasqanta.

DIOSPA QHELQACHISQAN DEUTEROCANONICAL

² Chaypitaj Jesusta ch'ataykuyta qallarerqanku: Kay runataqa runakunata ch'ajwachishajta taripayku, imaraykuchus nin kuraj kamachej Cesarman impuestota mana paganata. Nillantaj pay Diospa kachamusqan Cristo kasqanta, jinallataj kuraj kamachej jina kamachinanta, nispa.

DIOSPA QHELQACHISQ

² Chaypitaj Jesusta ch'ataykuyta qallarerqanku: Kay runataqa runakunata ch'ajwachishajta taripayku, imaraykuchus nin kuraj kamachej Cesarman impuestota mana paganata. Nillantaj pay Diospa kachamusqan Cristo kasqanta, jinallataj kuraj kamachej jina kamachinanta, nispa.

Quechua South Bolivia: Dios Parlapawanchej

² Paypa ñaupakenpitaj tumpayta kallarerkancu. Nerkancutaj: —Cay runapi tarerkaycu llajtaycuta romano camachejpa contranpi ch'ajwachej caskanta. Camachejman impuestota konaycuta jarc'an. Nicunpis pay camachej Cristo caskanta, —nispa.

San Lucas 23:2 Referans Kwoze

San Juan 19:12

Chaymantapacha Pilatoqa Jesusta kachariyta munasharqa; judiostaj qhaparerqanku: Chay runatachus kacharinki chayqa, mana Cesarpa amigonchu kanki; pillapis rey ruwakojqa, Cesarpa contrampi.

San Lucas 23:14

Paykunamantaj nerqa: Kay runata pusamuwarqankichej, runa cha'jwachejta jina, ñaupaqeykichejpi tapusqayman jinaqa mana ima juchatapis tarinichu, chay juchata tumpasqaykichejmanta.

Hechos 24:5

Noqayku yachayku kay runaqa sajra kasqanta. Tukuy llajtaspitaj judiosta ch'ajwachin. Paytaj nazarenospa t'aqanta umachan.

San Juan 18:30

Paykunataj kutichispa nerqanku: Manachus sajrata ruwanman karqa chayqa, mana qanman pusamuykumanchu karqa.

Marcos 12:17

Cesarpata kajtaqa Cesarman qopuychej; Diospata kajtataj Diosman, nispa. Paykunataj t'ukorqanku Jesusmanta.

San Mateo 22:21

Paykunataj kuticherqanku: Cesarpata, nispa. Chaypachataj paykunaman nerqa: Cesarpata kajtaqa, Cesarman qopuychej; Diospata kajtataj, Diosman qopuychej.

Zacarías 11:8

Uj killallapi kinsa michejkunata wijch'orqani, manaña pacienciay paykunapaj kapuwasqanrayku, chejniwasqankuraykutaj.

Jeremías 38:4

Chaypacha chaypi kurajkuna reyman nerqanku: Kay runata wañuchinachej, imaraykuchus chay tukuy nisqasninwanqa llajtanchejpi qhepakunkuraj chay soldadosta iskayrayachin, jinataj chay tukuy runastapis. Kay runasqa mana kay aylloj allin kaynintachu mask'an, manachayqa mana allin kaynillantapuni.

Jeremías 20:10

Uyarini contraypi runas chhichinakushajta, tukuynejpi manchachikuykunas tiyan, nispa. Jamuychej ch'ataykusunchej, chay jawa kausaqesniypis suyanku imapi pantanayta. Chantaqa nillankutaj: Ichapis ch'aukiyachikunman, chaywanqa atipaykusunchej, vengakusunchejtaj, nispa.

Salmos 62:4

Urmachiwayllapi yuyankichej, llullakuyllata munakunkichej. Siminkuwan allinta parlapayawanku, sonqonkupitaj maldiciwanku.

Hechos 24:13

Nillataj atinkumanchu nisuyta pichus rikuwasqanta chay tumpawasqankumanta.

San Lucas 23:5

Paykunataj astawan atipakusharqanku nispa: Tukuy runasta Judeapi ch'ajwachishan, Galileamanta qallarispa kaykama chayamun.

San Mateo 17:27

Chaywampis, ama rimanankupaj; qochaman rispa anzuelota choqamuy. Ñaupajta chhallmamoj challwatataj orqhoy, siminta kicharispataj tarinki uj estatero qolqeta; chaytataj qanmanta noqamantawan qomuy.

Amós 7:10

Betel sacerdote Amasías uj willajta kacharqa Israelpa reynin Jeroboamman, kay jinata nispa: Amosqa, Israel runa, ukhupi purishan qampa contraykita parlaspa. Runasqa manaña paypa parlasqanta uyariyta munankuchu.

Salmos 35:11

Sajra testigos sayaykunku, mana yachasqaymantataj tapuwanku.

1 Reyes 18:17

Acabqa Eliasta rikhuspa, nerqa: Qanchu kanki Israelta musphachejqa?, nispa.

San Mateo 27:11

Jesusta Pilatoj ñaupaqenman pusarqanku, paytaj taporqa: Qanchu judiospa reynin kanki?, nispa. Jesustaj kuticherqa: Qan chayta ninki.

Marcos 15:2

Pilatotaj Jesusta taporqa: Qanchu judiospa Reynin kanki? Jesustaj kutichispa nerqa: Arí, qan ninki.

San Juan 18:29

Chaypacha Pilato llojsimuspa, paykunata taporqa: Imamantataj kay runata ch'atankichejri?, nispa.

Romanos 13:7

Tukuy manuykichejta junt'aychej: Pimanchus tasata qonaykichejmanqa tasata qopuychej. Impuestota qonaykichejmantaj impuestota qopuychej. Pitachus kasunaykichej tiyan, chaytaqa kasuychej. Pitachus jatumpi qhawanaykichejtapis allimpaj qhawaychej.