San Lucas 21:34 - Qheshwa Biblia DC

³⁴ Qhawarikuychej, pajtataj sonqoykichej atipachikunman mikhunawan, machaykuywan, kay mundoj kusiyninwan ima. Jinallapitaj juicio p'unchay taripasunkichejman.

DIOSPA QHELQACHISQAN DEUTEROCANONICAL

³⁴ Qankunarí qhawarikuychej. Pajtataj anchata mikhunawan, machaykunawan, kay kawsaymanta phutikuykunawan ima sonqoykichej atipachikunman. Pajtataj chay p'unchay mana wakichisqata jap'isunkichejman.

DIOSPA QHELQACHISQ

³⁴ Qankunarí qhawarikuychej. Pajtataj anchata mikhunawan, machaykunawan, kay kawsaymanta phutikuykunawan ima sonqoykichej atipachikunman. Pajtataj chay p'unchay mana wakichisqata jap'isunkichejman.

Quechua South Bolivia: Dios Parlapawanchej

³⁴ ‘Kancuna quiquiyquichejta sumajta khawacuychej. Pajtataj sonkoyquichej rumiyapunman. Pajtataj millay causaywan, machaywan, cay pacha causay imasmanta llaquicuywanpis atipachicuwajchej. Pajtataj ajinapi chay p'unchay mana yuyayllata kancunaman chayamusunquichejman.

San Lucas 21:34 Referans Kwoze

Marcos 4:19

Chantá kay mundoj imasnimpi yuyaykuna, qhapajyayta munapayay, tukuy laya sajra imaspi yuyaykuna ima, runaj sonqonman yaykuspa Diospa palabranta k'irinchanku, manataj poqojta saqenkuchu.

San Lucas 12:40

Chaypaj qankunaqa wakichisqas kanaykichej tiyan, imaraykuchus mana yuyasqaykichej horapi Diospa Churenqa jamonqa.

Apocalipsis 3:3

Yuyariy ari imatachus jap'isqaykita, uyarisqaykitawan. Chaytaqa waqaychaytaj. Juchamanta kutirikuy. Manachus mana puñuspa qhawanki chayqa, suwa jina jamusqayki, nitaj ima horapichus jamunayta yachankichu.

2 Pedro 3:14

Chayrayku munasqa hermanosníy, chay imasta suyaspaqa, k'uchi k'uchilla mask'aychej Diospa ñaupaqempi tarisqa kayta mana juchayoj, sonqo tiyakuyniyojtaj.

1 Corintios 5:11

Chay cartapeqa nimorqaykichej ama tantakunaykichejta ni mayqenwan, hermano sutiyoj kashaspa qhenchachakojwan, mich'akojwan, chayri lanti yupaychajwan, runa masimpaj sajrata rimajwan, chayri machaykojwan, suwakojwan; chay jina runawanqa ama mikhullaychejpischu.

San Mateo 13:22

Khishka ukhuman t'akakoj mujutaj palabrata uyarejman rijch'akun. Mundo imaspi yuyaykuna, qhapajyayta munapayay ima, Diospa palabranta qonqachispa mana poqojta saqenkuchu.

Oseas 4:11

Qhenchachakuywan vinowan imaqa yuyayta chinkachin.

Isaías 28:7

Kaykunapis vinowan machaykuspa pantallarqankutaj, machana ujyanawan machaykuspa chankaykachanku, sacerdoteswan, profetaswanqa machaykuspa yuyayninkuta chinkachinku; chaymantataj aswan machachikoj ujyanasta ujyanku, imatachus mosqoypi jina rikusqankutataj pantasqata rikunku. Allinta cheqanchananku kashajtimpis paykunaqa machasqas kashanku.

San Lucas 21:8

Jesustaj nerqa: Allinta qhawakuychej, amataj ch'aukiyachikuychejchu, imaraykuchus ashkhas sutiypi jamonqanku, noqa Cristo kani, nispa. Kunanqa tiempoman qayllaña. Ama ari, qhepankuta riychejchu.

Filipenses 4:6

Ama imamantapis llakikuychejchu, astawanqa Dios yachachun tukuy ima mañakusqaykichejta, majakuspa, graciasta qospataj.

San Lucas 17:3

Kankuna kikiykichejta qhawarikuychej. Wauqeyki qampaj juchallikojtenqa k'amiy; yuyayninman kutirikojtenqa juchasninmanta perdonapuy.

San Lucas 10:41

Jesustaj kuticherqa: Marta, Marta, ancha uma muyusqa kashanki; musphashankitaj chay chhika ruwanaswan.

San Lucas 8:14

Khishkas ukhuman urmajtaj, Diospa palabranta uyarejkunawan ninakun; paykunaqa kay pacha imaswan, qhapaj kaykunaswan, aychankoj munayninwan ima atipachikunku; chayraykutaj poqoyta mana apankuchu.

Marcos 13:9

Chayrayku qankuna sumajta qhawakuychej; imaraykuchus, jap'ichispa juntasninkuman pusasonqachej, sinagogaspitaj jasut'isonqachej. Noqarayku kuraj kamachejkunaman, reyesman ima pusasonqachej; noqamantataj parlankichej paykuna yachanankupaj.

Proverbios 21:4

Leqhoywan wapuykachaywan, juchasapaspa sajra unanchayninkuwanqa juchas kanku.

Hebreos 12:15

Allinta qhawakuychej, pajtá pipis Diospa yanapayninmanta karunchakunman; pajtá ima jaya saphipis p'utumuspa onqochisunkichejman, chaynejtataj ashkhas onqoyta chimpachikunkuman.

Salmos 35:8

Jinallapi llakiy jap'ichun, tojllankupitaj urmachunku. Llakiyman urmachunku.

1 Samuel 25:36

Abigailqa kuterqa maypichus Nabal kasharqa chayman. Rikorqataj uj jatun qarakuta reypaj jinapuni wasimpi ruwashasqanta. Payqa may kusisqa phiri machasqataj kasharqa. Chayrayku Abigailqa q'ayantinkama mana imatapis nerqachu.

Deuteronomio 29:19

Sichus mayqellampis kay juramentota uyarisqanmanta qhepata sumaj runa kasqanta yuyakuspa ninman: Allillampuni riwanqa tukuy imata munasqayman jina ruwajtiypis, nispa, chayqa, chay runanejta tukuyniykichej chinkachisqas kankichej.

2 Pedro 3:10

Señorpa p'unchaynenqa chayamonqa uj suwa jina. Chaypachataj, janaj pachakuna manchay jatun thuñikuywan tukuchisqas kanqanku, tukuy ima kajtaj larwaspa chinkarenqa; chaypacha tukuy ima ruwasqasninwan q'olasqa kanqa.

Génesis 19:32

Jina kajtenqa tatanchejta vinowan machaykuchina, jinaspataj paywan puñuykuna, jinamanta paynejta wawasniyoj kananchejpaj.

Proverbios 23:20

Amapuni machasqaswanqa tantakuychu, nitaj anchakamapuni mikhojkunawampis.

Eclesiastés 9:12

Runaqa kikin tiempontapis mana rejsinchu; imaynatachus challwasqa ch'ipapi ch'ipaykuchikunku; imaynatachus phawajkunaqa tojllaman urmanku, ajinata runaqa mana suyaspalla ch'ipaykuchikun, kaymanta jinalla chay tiempowan jap'ichikuytawan.

San Lucas 21:35

Chay p'unchayqa uj tojlla jina jamonqa tukuy kay mundopi kausajkunaman.

Génesis 19:35

Chay ch'isi tatankuman vinota ujyachillarqankutaj. Jinaspata sullk'a kajñataj tatanwan puñuykorqa. Tatan Lottaj mana reparakorqachu paywan puñusqanta, nitaj jatarisqantapis.

Génesis 27:14

Jacobqa usqhay usqhayta kachaykukuspa cabrasta aparqamorqa mamanman. Rebecataj aychapuruta sumaj q'apashajta wayk'orqa, Isaac qosan munasqanman jina sumaj misk'ejta mikhuykunampaj.