San Lucas 21:25 - Qheshwa Biblia DC

²⁵ Chaypacha intipi, killapi, qoyllorkunapi ima, señales kanqa. Jallp'a patapitaj kanqa runakuna ukhupi manchay llakiy, ñak'ariy ima; musphaykachanqankutaj mancharisqas, mar qhollchoqeyaspa yaku moqos oqharikusqanmanta.

DIOSPA QHELQACHISQAN DEUTEROCANONICAL

²⁵ Chaypacha intipi, killapi, ch'askakunapi ima runaj mana jayk'aj rikusqan t'ukuna rikhurillanqataj. Kay pachapipis tukuy runakuna manchayta llakikuspa, musphaykachanqanku, mama qochaj qhollchoqeyasqanta rikuspa, yaku moqo oqharikusqanta uyarispa ima.

DIOSPA QHELQACHISQ

²⁵ Chaypacha intipi, killapi, ch'askakunapi ima runaj mana jayk'aj rikusqan t'ukuna rikhurillanqataj. Kay pachapipis tukuy runakuna manchayta llakikuspa, musphaykachanqanku, mama qochaj qhollchoqeyasqanta rikuspa, yaku moqo oqharikusqanta uyarispa ima.

Quechua South Bolivia: Dios Parlapawanchej

²⁵ ‘Cutimuyniypaj ricuchinas canka intipi, quillapi, ch'askaspiwan. Cay pachapi runaska mayta llaquiconkancu jatun kochaj ch'ajwaskanmanta khallacuskanmantawan. Manchachicuymantataj musphankancu.

San Lucas 21:25 Referans Kwoze

Isaías 13:10

Chayrayku janaj pachapi kaj qoyllurkuna, imaschus k'anchajkuna ima manaña k'anchanqankuchu. Inti llojsimuytawan laqhayaykonqa, killapis manaña k'anchanqachu.

Daniel (hebreo) 12:1

Chaypacha aylluykita qhawaj kuraj ángel Miguelqa rikhurimonqa. Chaypachataj may llakiy kanqa. Chay jinaqa manapuni jayk'ajpis karqachu runas kasqankumantapacha. Chay tiempo chayamojtintaj aylluykimantaqa libropi sutisnin qelqasqa kajkunalla salvasqas kanqanku.

Isaías 24:23

Jerusalempi Sión orqopi Tukuy Atiyniyoj Señor kamachiyta qallarejtin, intiwan killawan laqhayaykonqanku. Chay llajtamanta kurajkunataj Señorpa atiyninta rikonqanku.

Apocalipsis 20:11

Rikorqanitaj uj jatun yuraj tronota, chaypi tiyasqa kashajtawan. Paypa ñaupaqenmantataj kay pacha, janaj pachapis ayqerqanku, manañataj ni mayman riyta aterqankuchu, chinkarerqankutaj.

Hechos 2:19

Janaj pachapi t'ukunata ruwasaj. Kay pachapitaj milagrosta ruwasaj: Yawar kanqa, nina larway, wausi q'osñitaj.

Isaías 51:15

Noqa kani Señor Diosniyki, suteyqa Tukuy Atiyniyoj Señor. Noqa Señormin mar qochataqa aytiykachachini, maytataj qhollchoqeyachini.

Marcos 13:26

Chaypacha Runaj Churinta rikonqanku phuyupi jamushajta, jatun atiywan, k'anchaywan ima.

Marcos 13:24

Chay ñak'ariy p'unchaykunaj qhepanta inti laqhayaykonqa, killapis manaña k'anchamonqachu.

San Mateo 24:29

Ñak'ariy tiempo tukukojtintaj, inti laqhayaykaponqa; killapis manaña k'anchanqachu, qoyllurkunataj urmaramonqanku; janaj pacha atiykunataj kuyurenqanku.

Salmos 46:3

mar yakupis phiñakuspa wajtaykachakuchumpis, phiñakuyninwan orqos kharkatejtinkupis.

Marcos 15:33

Chaupi día kashajtin, tukuy jallp'ata laqhayaykamorqa kinsa horakama.

Jeremías 4:23

Jallp'ata qhawarqani, rikorqanitaj ch'impachata, mana allin rijch'ayniyojtataj. Janaj pachata qhawarerqani, manataj k'anchayta rikorqanichu.

Isaías 5:30

Chay nacionqa chay p'unchaypi chayamuspa manchayta Israelpa contranta sonanqa mar qocha jina; pillapis jallp'ata qhawarejqa llakiywan laqhayaykushajta rikonqa, cielopi k'anchajkunatapis laqhayaykushajta.

San Mateo 27:45

Tukuynin jallp'apitaj laqhayaykorqa, chaupi p'unchaymanta samay horakama.

Miqueas 7:4

Paykuna ukhumanta allimpaj qhawasqa kajqa uj khiska jinamin; aswan honrado kajpis uj itapallu jina. Jinapis jamun uj p'unchay chayman jina jasut'isqas kananku, chay qhawaj chayta nerqaña jamunanta chay p'unchay. Chaypacha paykuna ukhupi q'ala ch'ipanaku kanqa.

Isaías 17:12

Ashkha llajtaspa ch'ajwasqanku uyarikun, mar qochaj sonaynin jina, chayqa ashkha nacionespa ch'ajwayninku, ashkha yakuspa sonaynimpis kanman jina.

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.

San Lucas 21:26

Runakuna uj jinayanqanku manchariywan, imachus kay mundopi kasqanmanta, imaraykuchus janaj pacha atiykuna chaypacha kharkatirenqanku.