Levítico 4:35 - Qheshwa Biblia DC

³⁵ Chaymantataj ovejaj tukuy wirasninta wirachanqa, imaynatachus ruwanku allinyakuy rikuchiku wiraswan ajinata. Sacerdoteqa chay wirasta altar patapi ruphachenqa, Señorman rikuchikus qosqa karqa chaykunatawan khuska. Ajinamanta chay sacerdoteqa chay rikuchikuta jaywanqa chay runaj juchasninmanta. Juchasnintaj pampachasqa kanqa.

DIOSPA QHELQACHISQAN DEUTEROCANONICAL

³⁵ Chantá ñak'asqa ovejaj tukuy wiranta wirachanqa, imaynatachus k'achata kawsakuy jaywana uywa ñak'asqawan ruwanku, jinallatataj. Jinaspataj, sacerdoteqa Tata Diosman ch'aki mikhuy jaywanaj patanpi wirata altarpi q'olachenqa. Sacerdoteqa ajinata ruwaspa, runaj juchallisqan pampachasqa kananta tarenqa. Chay runaj juchantaj pampachasqa kanqa, nispa.

DIOSPA QHELQACHISQ

³⁵ Chantá ñak'asqa ovejaj tukuy wiranta wirachanqa, imaynatachus k'achata kawsakuy jaywana uywa ñak'asqawan ruwanku, jinallatataj. Jinaspataj, sacerdoteqa Tata Diosman ch'aki mikhuy jaywanaj patanpi wirata altarpi q'olachenqa. Sacerdoteqa ajinata ruwaspa, runaj juchallisqan pampachasqa kananta tarenqa. Chay runaj juchantaj pampachasqa kanqa, nispa.

Levítico 4:35 Referans Kwoze

Levítico 4:26

Chivoj tukuynin wirasnintataj altar patapi ruphachenqa, imaynatachus allinyakuy rikuchiku wirawan ruwanku ajinata. Sacerdoteqa ajinamanta chay rikuchikuta jaywanqa, kuraj kajpa juchasninmanta, juchasnintaj pampachasqa kanampaj.

Levítico 4:20

Kay torillowanqa ruwakonqa, imaynatachus juchasapaj cuentanmanta kaj torillowan ruwarqanku ajinata. Sacerdoteqa ajinamanta chay rikuchikuta jaywanqa paykunaj juchasninkumanta. Juchasninkutaj pampachasqa kanqa.

Levítico 14:18

Chaymantataj makimpi puchoj aceitewan sacerdoteqa jawenqa llimphuchakoj runaj umanta. Ajinamanta sacerdoteqa chay rikuchikuwan Señormanta perdonta tarenqa juchachakoj runapaj.

Levítico 6:7

Jinamanta sacerdoteqa Señormanta perdonta tarenqa chay runapaj mayqen juchallanmantapis. Juchasnintaj pampachasqa kanqa.

1 Juan 2:2

Jesucristoqa wañorqa juchasninchejta pampachanampaj; manataj juchasninchejraykullachu, astawanqa tukuy runaspa juchasninkurayku.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

1 Pedro 2:24

Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej.

1 Pedro 2:22

Cristoqa mana jayk'ajpis juchallerqachu, nitaj llulla parlaypis simimpi tarikorqachu.

Hebreos 7:26

Chay jina jatun sacerdotepuni allin kanan karqa noqanchejpaj; ajllasqa mana juchayoj, llimphu, juchasapakunamanta t'aqasqa, janaj pachamanta nisqapis, aswan jatumpaj churasqa.

Hebreos 4:14

Chayrayku, kuraj sacerdoteyoj kaspa, pichus janaj pachaman yaykorqa; Jesús, Diospa Churimpi creesqanchejpi allinta sayananchej tiyan.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Colosenses 1:14

Paypi kacharisqas kanchej, juchasninchejtaj pampachasqas kanku.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

Romanos 10:4

Leypa tukukuynenqa Cristomin, tukuy paypi creejkuna Diospaj cheqan runas kanankupaj.

Romanos 8:1

Kunanqa mana ima juchachaypis kanchu, Cristo Jesuspi kajkunapaj; [pikunachus mana purinkuchu aychaman jina, astawanqa Espirituman jina.]

Romanos 4:25

Pay juchasninchejrayku wañunampaj qosqa karqa, kausarimorqataj mana juchachasqas kananchejpaj.

Números 15:25

Chaymantaqa sacerdote chay uywata Señorman jaywanqa tukuynin israelitaspa cuentanmanta, juchasninkumanta perdonasqas kanankupaj. Noqataj paykuna mana yachaspalla juchallisqonkumanta perdonasaj, imaraykuchus paykuna rikuchikusninkuta apamuwanku juchasninkoj cuentanmanta ruphachisqa kanampaj.

Levítico 14:53

Jinaytawantaj chay kausashaj p'isqetuta llajtamanta jawapi kachariponqa. Ajinamanta chay sacerdoteqa chay rikuchikuwan chay wasita llimphuchanqa. Chay wasitaj llimphupaj qhawasqa kanqa.

Levítico 12:8

Sichus chay warmejta mana tiyakunchu corderota apamunampaj chayqa, apamuchun iskay jurk'utasta, chayri iskay irpa palomasta. Ujnin kajqa Señorpaj sumaj q'apashajta ruphachinapaj kanqa, ujnintaj juchasnimpa cuentanmanta rikuchikuta ruphachinapaj kanqa. Chaymantaqa sacerdote chay rikuchikuta jaywasqanrayku warmej juchasnin pampachasqa, llimphuchasqataj kanqa.

Levítico 9:7

Chaymanta Moisesqa Aaronman nerqa: Altarman qayllamuy, Señormantaj juchasrayku rikuchikuta jayway, chay uj uywatawan, juchasniykej cuentamanta, israelitaspa juchasninkoj cuentanmantawan jaywanayki tiyan chayta, ruphachisqa kanampaj. Jaywallaytaj israelitaspa rikuchikunkuta juchasninku pampachasqa kanampaj, Señorpa kamachisqanman jina.

Levítico 5:13

Ajinamanta sacerdoteqa chay runaj ima jucha ruwasqasninmantapis perdonachenqa. Kay rikuchikumanta puchojqa sacerdotespaj kanqa, imaynatachus ch'aki mikhuy rikuchikuswan ruwakorqa ajinata. Chayqa juchaspa cuentanmanta rikuchiku.

Levítico 5:10

Ujnin kajtataj sacerdoteqa ruphachenqa kamachisqa kasqanman jina. Sacerdoteqa ajinamanta chay rikuchikuta chay runaj juchasnin pampachasqa kanampaj jaywanqa.

Levítico 5:6

Chay juchampa cuentanmanta Señorman apamuchun china ovejata, chayri china cabrata. Sacerdoteqa chay rikuchikuta jaywanqa. Chaywantaj chay runaj juchasnin pampachasqa kanqa.

Números 15:28

Chay cabritataj sacerdoteqa jaywanqa chay runaj juchanmanta, jinamanta perdonasqa kanqa.

Levítico 15:15

Sacerdotetaj chaykunamanta ujninta rikuchikuta jina jaywanqa, runaj juchasninmanta, ujnintataj ruphachenqa. Ajinata sacerdoteqa Señorpa ñaupaqempi chay mujun suruchikoj runapaj ruwanqa, llimphupaj qhawasqa kanampaj.

Levítico 19:22

Sacerdoteqa chay corderota rikuchikuta Señorman jaywaspa, perdonta tarenqa chay juchachakoj runapaj. Jinamanta perdonasqa kanqa chay jucha ruwasqanmanta.