Levítico 4:21 - Qheshwa Biblia DC

²¹ Chaymantataj chay torillota jaramanta jawaman orqhospa ruphachimonqa, imaynatachus chay ñaupaj kaj torillowan ruwarqa, ajinata. Chay torilloqa ruphachisqa kanan tiyan tukuy israelitaspa juchasninkoj cuentanmanta.

DIOSPA QHELQACHISQAN DEUTEROCANONICAL

²¹ Chaymantataj ñak'asqa torillota jaramanta jawaman orqhospa, q'olachenqa, imaynatachus ñawpaj kaj torillowan ruwarqanku, ajinallatataj. Chayqa israelitakunaj juchallisqanku pampachasqa kananpaj jaywanamin.

DIOSPA QHELQACHISQ

²¹ Chaymantataj ñak'asqa torillota jaramanta jawaman orqhospa, q'olachenqa, imaynatachus ñawpaj kaj torillowan ruwarqanku, ajinallatataj. Chayqa israelitakunaj juchallisqanku pampachasqa kananpaj jaywanamin.

Levítico 4:21 Referans Kwoze

Levítico 16:15

Chaymantataj chay chivota ñak'anqa israelitaspa juchankumanta rikuchikuta Señorman jaywanampaj. Chay chivoj yawarnintataj veloj wasannejman apanqa. Chay ukhupitaj kirpanaj patanta ñaupajnintawan ch'ajchonqa, imaynatachus torilloj yawarninwan ruwarqa ajinata.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

Esdras 8:35

Chay qhepata presochasqamanta kutirimojkuna tukuynin israelitaspa sutimpi qorqanku, chunka iskayniyoj waka uñasta, isq'on chunka sojtayoj carnerosta, qanchis chunka qanchisniyoj corderostawan Israelpa Diosnimpaj q'olachinankupaj. Chunka iskayniyoj chivosta juchaj cuentanmanta jaywarqanku. Tukuyninta q'olacherqanku Señorta jatumpaj qhawaspa.

Levítico 16:21

Chay chivoj umanman makisninta churaykuspataj, nenqa israelitaspa tukuy juchasninkuta, Diospa contrampi oqharikusqankuta, tukuy ima sajra ruwasqasninkutawan. Chay jinamanta israelitaspa juchasninkuta chay chivoj uman pataman churanqa. Chaymantataj chay chivota uj kachawan apachenqa, ch'in pampaman kacharpayamunampaj.

Hebreos 13:11

Kuraj sacerdoteqa uywaspa aychanta, yawarninta ima, jucharayku santuarioman apaykuna, jaramanta jawapitaj uywaspa aychasnin ruphachisqa kanankupaj.

Levítico 4:13

Sichus tukuynin israelitas mana yachashaspalla juchallikunkuman, manataj mayqempis reparakunchu, Señorpa mayqen nisqasnimpa contranta juchallikusqankuta, jinamantataj juchallisqas rikhurinkuman chayqa, juchayoj kasqankuta reparakuytawanqa, uj torillota apamuchunku juchankoj cuentanmanta jaywasqa kanampaj. Chaytataj apamuchunku Dioswan tinkukuna toldo punkuman.

Levítico 4:20

Kay torillowanqa ruwakonqa, imaynatachus juchasapaj cuentanmanta kaj torillowan ruwarqanku ajinata. Sacerdoteqa ajinamanta chay rikuchikuta jaywanqa paykunaj juchasninkumanta. Juchasninkutaj pampachasqa kanqa.

Números 15:24

Tukuynin israelitaspis mana yachaspalla juchallinkuman chayqa, tukuyninku apamuwachunku uj novillota sumaj q'apashaj rikuchikuta noqapaj ruphachinankupaj, ch'aki mikhuy rikuchikusta, vinotawan khuska, imaynatachus kamachisqa kasqanman jina. Juchaj cuentanmanta apamullawankichejtaj uj chivota ruphachinapaj.

Éxodo 29:14

Aychantataj, qarantawan, wanusninta imaqa ruphachinki toldo jawapi, imaraykuchus chaykunaqa juchaj cuentanmanta jaywasqas.

Levítico 6:11

Chaymantataj sacerdoteqa p'achasninta lluch'ukuspa waj p'achasta churaykukuytawan, chay ushphata jaramanta jawaman uj llimphu cheqaman apanqa.

Levítico 6:23

Sacerdotespa rikuchiku qosqankoqa tukuynimpuni ruphachisqa kanqa, nitaj pipis chaymanta mikhonqachu.

Levítico 8:17

Uywaj wakin puchoj aychasnintataj, qaranta, wanuntawan jaramanta jawaman orqhospa Moisesqa ninawan ruphaykucherqa, Señorqa payman kamachisqanman jina.

Levítico 16:27

Chay torillowan, cabra chivowan juchaj cuentanmanta jaywasqa karqanku, yawarninkutaj Diospa tiyakunanman apasqa karqanku, chaykunaj qarasninta, aychanta, phusnusninta imaqa, jaramanta jawaman orqhospa ninawan ruphachimonqanku.

Ezequiel 45:22

Chay p'unchaypitaj jatun kamachejqa, uj uña wakata pay kikimpa juchasninmanta jaywanqa, jinallataj tukuynin aylloj juchasninmanta ima.