Levítico 3:17 - Qheshwa Biblia DC

¹⁷ Kayqa ley jina unaypaj churasqa sapa kuti ruwanapaj miraymanta miraykama kanampaj. Maypichá tiyakunkichej chaypi amapuni wirata, nitaj yawartapis mikhunkichejchu.

DIOSPA QHELQACHISQAN DEUTEROCANONICAL

¹⁷ Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.

DIOSPA QHELQACHISQ

¹⁷ Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.

Levítico 3:17 Referans Kwoze

Génesis 9:4

Uj imallata mana mikhunaykichejchu tiyan: Yawarniyoj aychata, imaraykuchus chay yawarpi kausayqa kashan.

San Mateo 26:28

Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj.

Deuteronomio 15:23

Yawarniyojtaqa amapuni mikhunkichejchu, manachayqa jallp'aman yakuta jina jich'ankichej.

Deuteronomio 12:23

Yawartaqa ni ima kashajtin mikhunkichejchu, imaraykuchus yawarqa kausaymin. Ajinaqa amapuni yawartaqa aychawan khuska mikhunkichejchu.

Levítico 7:23

Ajinata niy israelitasman: Ama mikhunkichejchu waka wirata, oveja wirata, nitaj cabra wirata, nispa.

Deuteronomio 12:16

Yawartaqa amapuni mikhunkichejchu, manachayqa jallp'aman suruykuchinkichej yakuta jina.

Levítico 17:7

Amaña jayk'ajpis rikuchikusninkuta jaywanqankuchu chay supaykunaman, mayqenkunatachus yupaychanku, mayqenkunanejtachus juchachakunku. Kay kamacheyqa wiñaypaj kanqa, qankunapaj, tukuy mirayniykichejpajpis.

Levítico 6:18

Qhepamanqa wiñaypaj tukuy qharis Aarompa mirayninmanta kajkuna kay mikhunasmanta chayaqenkuta mikhuyta atenqankupuni; Señorpaj ruphachisqa rikuchikusmanta, imaraykuchus kayqa kanqa uj ley jina. Pillapis, chaypi imallapis kay rikuchikusman chayajqa llimphuchasqa kanqa.

Levítico 3:16

Chaymantataj chaykunata sacerdote tukuyninta altar patapi ruphachenqa Señorpaj mikhuna rikuchikuta jina. Chay ruphachispa jaywasqampis q'apaynenqa Señorpaj allin kanqa. Uywaj tukuy wirasnenqa Señorpaj kachun.

Efesios 5:26

Kayta Cristo ruwarqa juchamanta t'aqaspa, palabranwan mayllaspataj llimphucharqa yakuwan jina.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Ezequiel 44:15

Aswampis, Sadocpa mirayninmanta levitasmanta kaj sacerdotes wasiypi imachus ruwanasta waqaycharqanku, Israel ayllu noqamanta karunchakusharqanku chaypacha. Chayrayku paykunaqa ñaupaqeyman qayllamuspa imatapis ruwapuwanqanku. Chantá ñaupaqeypipuni kanqanku untu wirasta, yawartawan jaywanawankupaj, nin Señorqa.

Ezequiel 33:25

Chayrayku paykunaman niy: Señorqa kay jinata nin: Qankunaqa aychata yawarnintinta mikhunkichej, lantista yupaychankichej, runastataj wañuchinkichej. Jallp'atapis jap'ikapuyta yuyallankichejtajchu?

Deuteronomio 32:14

Uywasninkoqa qorqanku llujlluta, lechetawan. Wiran kaj ovejasta mikhorqanku, Basanmanta wiran kaj ovejasta, cabrastawan. Sumajnin kaj poqosqa trigota mikhorqanku. Sumaj uvasmanta vinota ujyarqanku.

Levítico 23:14

Ima p'unchaychus poqochisqasniykichejmanta Señorman rikuchikuta apanaykichejkamaqa, amaraj mikhunkichejchu t'antata, trigo jank'ata, nitaj llullu trigo espigastapis. Kay kamacheyqa wiñaypaj kanqa wawasniykichejpaj wawasninkama ruwanankupaj maypichá tiyakunkichej chaykunapi.

Levítico 7:36

Chayta Señorqa Israelitasta kamacherqa, sacerdotespaj t'aqasqas kasqankumantapacha chay imasta qonankupaj. Kayqa kamachisqa karqa junt'anankupaj tukuy miraykuna wiñaypaj.

1 Timoteo 4:4

Diospa tukuy ruwasqanqa walejmin. Mana qhesachanapajchu, sichus graciasta qospa mikhusun chayqa.

San Mateo 16:24

Chaypacha, Jesusqa yachachisqasninman nerqa: Pillapis noqawan riyta munajqa, pay kikinta qhesachakuchun, cruznin oqharisqataj qhatiwachun.

Ezequiel 44:7

Qankuna Diosta yupaychana wasiyta ch'ichichankichej, sonqompi, aychampipis mana circuncidasqa waj llajtayoj runasta wasiyman pusaykuspa paykuna chaypi kanankupaj, t'antayta, wirasta yawartawan jaywanawankupaj. Tukuy chay millay imasta ruwaspa tratoyta pampachankichej.

Nehemías 8:10

Chay jawa Esdrasqa nillarqataj: Riychej, sumaj sumajllata mikhumuychej, misk'i kaj vinotataj ujyarikamuychej; mana mikhuna chayasqayoj kajta wajyarikuychej, kay diaqa Señorpaj t'aqasqa kasqanrayku. Ama llakikuychejchu, imaraykuchus Señorpa kusikuynenqa kallpachawanchej, nispa.

Números 19:21

Kay leyqa wiñaypaj churasqa kanqa. Pichus llimphuchakuy yakuwan wajta ch'ajchojqa p'achasninta t'ajsakunan tiyan. Jinallataj chay yakuta llankhajpis ch'isiyanankama ch'ichipaj qhawasqa kanqa.

Levítico 16:34

Kay kamacheyqa wiñaypaj kanqa: Watapi uj kutita ruwankichej kay jinata juchasmanta perdonta tarinaykichejpaj, ima juchastachus israelitas ruwanqanku chaykunamanta. Kaykunaqa ruwakorqa imaynatachus Señorqa Moisesman kamachisqanman jina.

Éxodo 27:21

Chaymanta cuentayojqa kachunku Aaronwan wawasninwan, chay k'anchachinas tukuy tuta k'anchanankupaj, paykuna ima kajtapis ruwachunku, jinamanta Señorpa ñaupaqempi k'anchanampaj; velomanta jawapi, maypichus Señorpa leynimpa cajonniy kashan chaypi. Kayta israelitasqa sapa kuti ruwanqanku, jinallataj mirayninkupis uj kamachiy wiñaypaj churasqata jina.

Levítico 4:1

Señorqa Moisesman parlarqa kay jinata: Israelitasman ninki. Sichus pipis mana reparakushaspalla Señorpa mayqen nisqasnimpa contranta juchallikunman chayqa, mana ruwana kajtataj ruwanman chayqa, kay jinata ruwakonqa.

Levítico 6:22

Chay kikin rikuchikuta jaywallanqataj. Aarompa mirayninmanta jawisqaqa kuraj kaj sacerdote kanampaj. Chay rikuchikoqa Señorpatapuni kanan tiyan, tukuynintaj ruphachisqa kanqa.

Levítico 7:34

Allinyakuy rikuchiku ofrendasta israelitas qowasqankumantaqa, noqa t'aqani uj sumajnin kaj ofrendata pecho aychanta, pierna aychantawan, sacerdote Aaronman, mirayninmanwan qonaypaj. Chaykunaqa paykunapajpuni wiñaypaj kanan tiyan.

Levítico 10:15

Pierna aycha qankunaman qosqa kajqa, pecho aychantawan sumajnin kaj rikuchiku kashan, chayqa apasqa kachun Señorpa ñaupaqenman. Chayta jaywaychej uj sumaj richuchikuta jina, ruphachisqa kanampaj apamunku chay wirastawan khuska. Chayqa qampaj, wawasniykipajwan kanqa Señorpa kamachisqanman jina.

Levítico 16:29

Kay kamacheyqa qankunapaj wiñaypaj kanqa: Qanchis kaj killapi chunka días kashajtin sinch'itapuni tukuy sonqoykichejpi llakikunkichej ayunankichejtaj. Chay p'unchaypeqa ni imata ruwankichejchu, ni kikin llajtayoj israelitas, nitaj karu llajtayojkuna qankunawan tiyakojkunapis.

Levítico 23:21

Chay kikin diallapitaj qankunapis ruwankichej sumaj tantakuyta, chaypachataj ama imatapis ruwankichejchu. Kay kamacheyqa tukuy mirayniykichejpaj wiñaypaj kanqa, maypichá tiyakunkichej chaypi.

Levítico 24:3

Chay k'anchaykunata allinta Aaronqa ch'isiyaymanta sut'iyaykama, Señorpa ñaupaqempi k'anchanallankupajpuni, Dioswan parlana toldopi, Diospa tratonwan kaj cajón qayllapi, velomanta jawapi. Kay kamacheyqa tukuy mirayniykichejpaj wiñaypaj kanqa.

Éxodo 28:43

Chay p'achasta churarakuspa Aarón, jinallataj wawasnimpis Diospaj tiyakunan toldoman yaykonqanku, chayri altarman qayllaykunankupaj rikuchikusta jaywanankupaj Diospaj t'aqasqa cheqapi, ama juchallikunankupaj, amataj wañunankupaj. Kay leyqa unaypajpuni kanqa, jinallataj mirayninkupajpis.

Levítico 6:15

Ujnin kaj sacerdotetaj aceiteyoj k'ispiña jak'uta, inciensota ima altarpi ruphachenqa yuyarikunapaj rikuchikuta jina. Chay rikuchikoj q'apaynenqa Señorpaj allin kanqa.

Levítico 19:26

Ama ni ima aychata yawarnintinta mikhunkichejchu. Ama adivino kayta yachaychejchu, nitaj qhepaman imaschus kanantapis yachaychejchu.

Levítico 24:9

Kay t'antasqa Aaronmpata wawasnimpatawampuni kashan. Chanta chaykunata paykuna mikhukapunanku tiyan, Diospaj nisqa llimphu cheqapi. Ofrendasqa Señorpaj ruphachisqasmantaqa aswan sumajpuni kayqa.

Deuteronomio 12:24

Manachayqa yawarta jallp'aman yakuta jina suruykuchinkichej.

2 Crónicas 29:35

Q'olachinasta jaywanaqa ashkhawanraj karqa, jinataj allinyakuy jaywanasmanta wiraswan, vinowan chay q'olachinaswan khuska jaywanaspiwan. Jinamanta Señorpa wasimpi yupaychaykunasta qallaricherqanku.