Levítico 27:28 - Qheshwa Biblia DC

²⁸ Sichus mayqellampis kapuyninmanta wiñaypaj Señorman qopunman: Runasta, uywasta, jallp'asninta ima chayqa, chaykunata mana vendekuyta, nitaj watejmanta rantikapuytapis atinchu. Chaykunaqa Señorpaj t'aqasqaña.

DIOSPA QHELQACHISQAN DEUTEROCANONICAL

²⁸ Sichus pipis kapuyninmanta Tata Diospaj t'aqanman uj runata, uywata, chayrí chayaqe jallp'anta chayqa, chaykunata mana vendeyta, nitaj preciota pagaspa kacharichiyta atenqachu. Chaykunaqa Tata Diospajpuni t'aqasqa kanqanku.

DIOSPA QHELQACHISQ

²⁸ Sichus pipis kapuyninmanta Tata Diospaj t'aqanman uj runata, uywata, chayrí chayaqe jallp'anta chayqa, chaykunata mana vendeyta, nitaj preciota pagaspa kacharichiyta atenqachu. Chaykunaqa Tata Diospajpuni t'aqasqa kanqanku.

Levítico 27:28 Referans Kwoze

Éxodo 22:20

Pikunachus lantisman rikuchikusta jaywajkuna, Señorllaman jaywanankumanta nisqaqa, chaykunapis wañonqanku.

Levítico 27:21

Maypachachus kacharina watapi chay jallp'a libre qhepakonqa chayqa, Señorllapaj kanqa. Sacerdotetaj chayta jap'ikaponqa.

Deuteronomio 25:19

Chayrayku, Señor Diosniykichej qayllaykichejpi kaj tukuy enemigosniykichejmanta librasojtiykichej, ima jallp'apichus chayaqeykichejta qopusonqachej chaypi, chaymanta amalecitata chinkachinkichej. Amapuni qonqankichejchu.

1 Samuel 15:18

Señorqa kamachisuspa kachamusorqa, chay juchasapa amalicitasta tukuchinaykipaj mana ujniyojta. Imaraykutaj Señorpa kamachisusqantaqa mana kasorqankichuri, chay enemigosmanta qhechusqaykita jap'ikapuspari? Jinamanta qanqa Señorpa ñaupaqempi mana allintachu ruwarqanki, nispa.

Josué 7:1

Judáj ayllunmanta ujnintaj Acán sutiyoj, Carmej wawan Zabdej allchhin, Zaraj allchhimpa wawan, wakin imasta pakaykorqa Señorman jaywasqa phirikuman kasharqa chay imasmanta. Chaynejta tukuynin israelitas juchayoj rikhurerqanku Señorpa ñaupaqempi, phirikunan imasta oqharisqankumanta. Chayrayku Diospa phiñakuynenqa paykunaj contrankuta k'ajarerqa.

Josué 6:26

Chaypacha Josueqa uj juramentota ruwarqa: Maldicisqa kanqa Señorpa ñaupaqempi, pichus watejmanta Jericó llajtata sayarichiyta munajqa. Pichus sayarichiyta munajqa kuraj wawampa patampi sayarichichun, punkustataj sullk'a wawampa patampi, nispa.

Números 18:14

Tukuy ofrendasta israelitas apamuwasqasninkoqa qanllapajpuni kanqa.

Gálatas 3:13

Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

Gálatas 3:10

Moisespa leynimpi confiajkunaqa maldicisqas kanku. Escribisqaman jina, imachus leypa librompi escribisqa kashan chayta, mana pipis junt'ajqa, maldicisqa kanqa.

1 Corintios 16:22

Pichus Señor Jesucristota mana munakojqa, maldicisqa kachun. Señor jamushanña.

Romanos 9:3

Noqa kikiy munayman maldicisqa kayta, Cristomanta t'aqakuspa wauqesniyta munakusqayrayku; pikunachus aychaman jina ayllusniy kanku.

San Mateo 25:41

Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima.

1 Samuel 15:3

Chayrayku paykunawan maqanakoj riy; tukuy paykunata jinataj tukuy kapuyninkutapis chinkachimunaykipuni tiyan, ama ni uj chhikanta paykunamanta khuyarikuspa. Wañurachiy qharista warmista, wawasta, chay ñuñoj wawastapis, ajinallatataj wakasninkuta, ovejasninkuta, camellosninkuta, burrosninkuta ima.

Jueces 21:18

Jinapis noqanchejqa warmi wawasninchejta mana qoyta atinchejchu paykunawan casarakunankupajqa, imaraykuchus jurarqanchej warmi wawasninchejta benjaminitasman mana qonanchejta, mana junt'ajtinchejtaj maldicisqas kananchejpaj.

Jueces 21:5

Tapunakorqankutaj: Pistaj tukuy noqanchejmanta Señorpa ñaupaqempi tantakuyninchejman mana rerqachuri? Imaraykuchus jurasqanku wañuchinankuta pischus chay Mizpapi tantakuyninkuman mana rejkunata.

Josué 7:25

Chaypitaj Josueqa taporqa: Ima nispataj qanqa kay tukuy llakiykunastaqa apamuwaykuri? Kunanqa qampa pataykimanñataj urmachimuchun Señor kay tukuy llakiykunasta. Chayta nisqantawan tukuynin israelitas Acantaqa rumiwan ch'anqaspa wañorparicherqanku, tukuy imasnintawan khuska; jinaytawantaj ninawan ruphaykucherqanku.

Levítico 27:27

Sichus mana llimphupaj qhawasqa animal kanman chayqa, rantikapuyta atenqa maychus valesqanman jina, yapaspa sapa phishqamanta ujtawan. Sichus mana rantikapunmanchu chayqa, vendekunan tiyan mashkhatachus ninku kananta chayman jina.

Levítico 27:29

Ni pipis rantikapuyta atinmanchu, uj runata wiñaypaj Señorman qosqantaña. Chay runaqa wañunampuni tiyan.

Deuteronomio 7:26

Qankunaqa amapuni wasiykichejman apakapunkichejchu ima millay kajllatapis, ama chinkachisqas kanaykichejpaj. Chay tukuy imasninkoqa chinkachinapaj nisqaña. Chayrayku chaykunasta chejninaykichej tiyan.

Ezequiel 44:29

Juchamanta jaywasqasta, uywa ñak'asqata ima paykuna mikhonqanku. Tukuy imasta Israel runakuna noqaman qowasqankoqa paykunajta kanqa.

Ezequiel 48:14

Kay jallp'aqa tukuynejmanta aswan sumajnin kaj kanqa. Manapuni uj chhikallantapis vendeyta atenqankuchu, chayri chhalayta, chayri waj runaman pasachiytapis, imaraykuchus Señorman qosqamin.

Levítico 21:22

Chay Diospa t'antanmanta, may jina llimphuchasqamanta, Diospaj t'aqasqa imasmantapis mikhuyta atenqa.

2 Crónicas 31:14

Inti yaykuynejta qhawajqa, Imnaj wawan levita Coré karqa. Payqa kikinmanta jaywanasta Diospaj apamusqankumanta, jinataj Diospaj nisqa imasta rak'inampaj, Diospaj t'aqasqa imastawan qhawanampaj churasqa karqa.