Levítico 26:33 - Qheshwa Biblia DC

³³ Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.

DIOSPA QHELQACHISQAN DEUTEROCANONICAL

³³ Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

DIOSPA QHELQACHISQ

³³ Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

Levítico 26:33 Referans Kwoze

Zacarías 7:14

Chayrayku uj muyoj wayrawan jina tukuyninkuta ch'eqeracherqani mana rejsisqa llajtasman, chay qhepatataj chay llajtaqa ni pejpa tiyanan uj ch'in pampaman tukorqa. Chay jina k'acha llajtata llakiyta ch'inyarparicherqanku.

Ezequiel 20:23

Chantá jurallarqanitaj ch'in pampapi tukuy kay pachapi kaj llajtasman, paykunata ch'eqerachinayta.

Deuteronomio 4:27

Señorqa tukuy nacionesman ch'eqerachisonqachej, uj chhikallaña qhepakunkichej chay jallp'aspi. Maykunamanchus Señor pusasonqachej, chaypitaj qankunaqa runaj makinwan ruwasqa dioskunata yupaychankichej, k'aspismanta, rumismanta ruwasqa lantista; mana rikojkunata, mana uyarejkunata, mana mikhojkunata, mana muskhejkunata ima.

Ezequiel 22:15

Tukuy nacionesman ch'eqerachisqayki, tukuy jallp'asman wijch'usqayki, tukuynin juchasniykimantataj llimphuchasqayki.

Salmos 44:11

Qanqa jaywawarqayku, wañuchinapaj ovejaspis kaykuman jina, ch'eqerachiwarqaykutaj Diospi mana creej naciones ukhuman.

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.

Lamentaciones 4:15

Paykunaqa nej kanku: Jatariychej ch'ichi runas; ayqeychej, ayqeychej, ama llujchiychejchu, nispa. Paykunaqa ayqekusqanku, tukuynejman ch'eqerasqanku, manaña jayk'ajpis kaypeqa tiyanqankuchu kasqa, nisqalla tukuy nacionespeqa karqa.

Jeremías 9:16

Tatasninkoj mana rejsisqan llajtasman ch'eqerachisaj, chaypitaj makinkupi t'ojsinaswan qhatiykachachisaj, mana ujniyojta tukuchinankukama.

Lamentaciones 1:3

Judá llajtapi tiyakojkunaqa karuman apachisqas karqanku; chaypeqa may ñak'arichisqas kanku, mana ruway atina kamachipitaj. Waj nacionespa chaupimpi tiyakojqa, manataj samakuyta jap'iyta atinchu. Tukuynin enemigosnenqa ujllata qhatiykuspa, uj k'ullkupi jina jap'erparerqanku.

Santiago 1:1

Noqa Santiago, Diospa kamachin, Señor Jesucristojtawan, Israelpa chunka iskayniyoj ayllusnin ch'eqerasqasman napaykamuykichej.

2 Crónicas 7:19

Qankunataj noqamanta t'aqakuwankichej chayqa mana junt'aspa leykunasniyta, kamachiykunasniyta qankunaman qorqaykichej chaykunata, manachayqa waj dioskunata kasuwajchej, yupaychawajchejtaj, chaypacha qankunataqa qorqaykichej chay jallp'amanta orqhosqaykichej, wijch'usajtaj ñaupaqeymanta yupaychana wasiyta llimphucharqani chayta, ruwasajtaj tukuy tiempo tukuy naciones ukhupi asipayasqapuni kananta.

Nehemías 1:8

Yuyarikuy, kamachiyki Moisesnejta k'amiwasqaykuta, juchallikojtiykoqa kay pachanejpi tukuynejman qan ch'eqerachinawaykuta.

Salmos 106:27

Mirayninkutapis wañurachinampaj, waj nacionesman wijch'unampaj, paykunata ch'eqerachinampaj.

Isaías 1:7

Jallp'aykichejqa ch'inman tukun, llajtaykichejtaqa ninawan q'olaykuchinku, kikin qankunaj ñaupaqeykichejpi enemigosniykichej tarpusqasniykichejta mikhunku. Tukuy ima qhepakun ch'impacha, imaynatachus Sodoma chinkachisqa karqa jina.

Jeremías 7:34

Judá llajtapi jinallataj Jerusalén callespipis fiestaspi tusuykunata, takiykunata, jinallataj casarakupi takiykunatapis chinkachisaj. Tukuynin jallp'ataj ch'in pampaman tukuchisqa kanqa.

Jeremías 13:24

Chayraykumin qankunataqa ch'eqerachisqaykichej, ch'in pampaspi ichhusta wayra apan ajinata.

Jeremías 15:4

Kay pachapi tukuy naciones kajkunata mayta mancaharichisaj imastachus paykunata ruwasaj chaywan, Judamanta Ezequiaspa wawan Manasés Jerusalempi imatachus ruwasqanrayku.

Jeremías 31:10

Naciones Señorpa palabranta uyariychej, mar qochaj karu cantosnimpi willaramuychej, nimuychejtaj: Señorqa Israel ayllunta ch'eqeracherqa. Jinapis tantaykamonqa, waqaychanqataj imaynatachus uj michejqa ovejasninta waqaychan ajinata.

Ezequiel 5:2

Llajtata muyupayana junt'akojtintaj kinsaman t'aqasqa chujchasmanta uj kajta llajta chaupipi nanawan ruphachinki. Uj cuchillota jap'iy, chaywantaj chay kinsa t'aqamanta uj kaj t'aqa chujchasta llajtaj muyuynimpi k'uturanki. Uj kaj t'aqa chujchastataj wayrawan apachinki. Paykunaj qhepantataj noqa espada oqharisqa risaj.

Amós 9:4

Waj llajtasmanchus enemigosninkunejta apachisqas kanqanku chayqa, chayman espadayta kachasaj wañurachimunampaj. Ñawisniywantaj paykunata qhawasaj mana chinkachispa sajrapaj, manataj allin rinampajchu.

1 Reyes 8:46

Sichus contraykipi juchallinkuman, imaraykuchus mana kanchu uj runallapis mana juchallejqa, paykunaj contrankupi phiñakuspataj enemigosninkoj makisninkuman paykunata jaywaykuwaj, presosta waj llajtaman apanankupaj, karuman kajtin qayllaman kajtimpis.

2 Reyes 25:9

Chaypi ninawan enqhaykorqa Señorpa wasinta, reypa wasintawan, Jerusalén llajtapi tukuynin wasista, kurajkunaspa wasisninkutawan, chay tukuytapuni enqhararqa.

Nehemías 1:3

Niwarqankutaj: Wijch'usqa kaymanta ayqerqanku chaykunaqa qhepakorqanku chay provincia llajtapi. Paykunaqa may llakiypi may p'enqaypitaj kashanku. Jerusalén llajtaj perqasnin pampachasqas kashanku, punkusnintaj ninawan q'olasqas kashanku, nispa.

Ester (hebreo) 3:8

Chaymanta Amanqa rey Asueroman nerqa: Reyníy, uj ayllu kashan t'aka t'akalla maymantapachachus kamachishanki chay ukhupi, kamachisqasniykitapis mana kasushankuchu, paykunaj kamachiykunasninkoqa waj jinataj. Chaytaj qampajqa mana allinchu kashan jinata kausajta saqenaykeqa.

Salmos 44:12

Yanqhallata aylluykitaqa venderparinki, vendespataj ni imatapis tarinkichu.

Isaías 6:11

Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Jeremías 8:3

Kay millay runasmanta qhepakojkunataj, mayllapipis ch'eqerachisqaymanta qhepakojkunaqa astawan wañuytaraj munanqanku kausaymanta nisqaqa. Noqa Tukuy Atiyniyoj Señormin chayta nini.

Lamentaciones 1:1

Jerusalén llajtaqa chay chhika runayoj kashaspa ch'impacha qhepakun! Tukuy llajtasmanta chay chhika jatun llajta kashaspa viudaman jina tukun! Chay llajtaj muyuynimpi kaj suyusta kamachej llajtaqa impuestota paganan tiyan!

Lamentaciones 4:16

Señorpa k'ajaj phiñakuynin paykunatqa tukuynejman ch'eqerachin, manaña astawan qhawarerqachu. Chaypi kaj sacerdotestapis mana manchachikorqankuchu, manataj chaypi kaj machu runastapis khuyakorqankuchu.

Ezequiel 12:20

Tukuynin llajtas runasniyoj kajkunaqa t'unasqas kanqanku, jallp'ataj mana imayoj t'ajra pampa qhepakonqa. Chaypacharaj qankunaqa noqa Señor kasqayta rejsiwankichej.

Oseas 9:6

Paykunaqa chinkachisqas kanamanta ayqenku. Egiptotaj jap'ikaponqa, Menfispitaj p'ampasqas kanqanku. Qolqe jallch'anasninkupirí itapallu qhoraslla junt'aykonqanku, jarasninkupipis khishkaslla junt'aykonqanku.