Levítico 26:30 - Qheshwa Biblia DC

³⁰ Noqataj t'unarasaj lomas patapi lantista yupaychana wasisniykichejta, incienso altaresniykichejtapis. Qankunaj ayasniykichejta chay mana kausayniyoj lantisniykichej pataman churamusaj. Ajinamanta chejniyniyta rikuchisqaykichej.

DIOSPA QHELQACHISQAN DEUTEROCANONICAL

³⁰ Noqataj orqo patapi lanti yupaychana wasiykichejta thuñirasaj, incienso q'oshñichina altarniykichejtapis loqherasaj. Qankunaj ayaykichejtaqa mana kawsayniyoj lantiykichejpa patanman tawqasaj. Qankunamantataj millachikusqaykichej.

DIOSPA QHELQACHISQ

³⁰ Noqataj orqo patapi lanti yupaychana wasiykichejta thuñirasaj, incienso q'oshñichina altarniykichejtapis loqherasaj. Qankunaj ayaykichejtaqa mana kawsayniyoj lantiykichejpa patanman tawqasaj. Qankunamantataj millachikusqaykichej.

Levítico 26:30 Referans Kwoze

2 Reyes 23:20

Chantapis chay lomas pata altaresmanta sacerdotes kajkunata chay altaresllapitaj wañuracherqa. Chay altares patallapitaj runa tullusta ruphaykucherqa. Chaymantataj Jerusalenman kutiporqa.

Isaías 27:9

Ajinamanta Jacobpa millay juchasnenqa perdonasqa kanqa. Chaytaj ruwasqa kanqa kay jinata ruwanan kajtin: Tukuy altaresninta cal rumista jina jallp'aman tukuchinan kajtin, amaña yupaychana k'ulluspis kachunchu, amataj intiman rijch'akoj lantispis.

Ezequiel 6:13

Maypachachus runa wañurasqasta rikunkichej lantisniykichej chaupipi, altarespa muyuynimpi, chantá alto lomas patapi, lomaspa kinraykunasnimpi, jinallataj q'omer sach'as urapi, encinas nisqa thansarara sach'as urapi, chantá maypichus tukuy lantisniykichejman inciensota jaywarqankichej chay tukuynejpitaj, chaypacharaj yachankichej noqa Señorqa kasqaytaqa.

Jeremías 14:19

Señor, Judataqa qhesachasqatapunichu qhesachapunki? Sayk'upunkiñachu Sión llajtamantaqa? Imaraykutaj maqawarqaykuri thañiyta mana atinaykupajri? Suyarqayku allin sonqo tiyasqa tiyakuyta, mana imapis mana allin kajmantaqa jamorqachu. Suyarqayku kausayta, mancharikuyllataj kashan.

Salmos 89:38

Chaywampis, qanqa ajllakusqaykita qhesachanki, pisipitaj qhawarqanki, paywantaj phiñakorqanki.

2 Crónicas 31:1

Chay tukuyta ruwaytawanqa chaypi tukuy israelitas kajkunaqa, Judapi kaj tukuy llajtasman rerqanku, chay lanti rumistataj phirerqanku, Aseraman rijch'akoj lantistapis, lomas patapi lanti churana wasista, altarkunatawan. Tukuy chaykunatataj tukucherqanku Judá jallp'api Efraimpi, Manasespipis. Chaymantataj tukuy israelitas llajtasninkuman kutiporqanku, sapa ujpis wasisninkuman.

2 Crónicas 23:17

Chaymantataj tukuyninku rerqanku Baalpa yupaychana wasinman, phirirparimorqankutaj, t'unaraspa altaresninkuta, lantisninta ima. Baalpa sacerdoten Matantataj altarespa ñaupaqempi wañucherqanku.

2 Reyes 23:16

Josiastaj kutirikuspa chay lomas patapi aya p'ampanata rikorqa, chayman kachaspa runa tullusta orqhochimorqa, chay tullustataj chay altarespi ruphacherqa, ch'ichipaj qhawasqa kanampaj, imaynatachus Diospa runan sut'inchasqanman jina junt'akunampaj.

2 Reyes 23:8

Tukuynin Judá llajtamantataj sacerdotesta wajyacherqa, chantá tukuynin loma patapi altaresta ch'ichichaykusqa Gebamanta Beerseba chaynejkama, maykunapichus sacerdotes inciensota q'osñichej kanku chaykunata. Urmachillarqataj llajtata kamachej Josuejpa punkun chaynejpi kaj altaresta. Chaykunaqa llajtaman yaykuna lloq'ennejpi kasharqanku.

1 Reyes 13:2

Paytaj chay altarpa contrampi qhaparerqa, Señorpa kamachisqanman jina: Altar, altar, Señorqa ajinata nin: Davidpa ayllunmanta uj wawa Josías sutiyoj nacenqa, qampa pataykipi ñak'aspa jaywanqanku loma pata wasispi sacerdotesta, qampa pataykipi inciensota ruphachinku chaykunata, runa tullusta ima pataykipi ruphachenqa.

Levítico 20:23

Qankunaqa runaspa ususninkuta ama ruwankichejchu, mayqenkunatachus qankunaj ñaupaqeykichejmanta qharqosaj, chaykunajta. Paykuna chay tukuy imasta ruwarqanku, chayrayku noqaqa manaña aguantayta aterqanichu.

Génesis 19:13

Noqayku kay tukuy llajtata chinkachisqayku. Imaraykuchus ashkhaña quejas tiyan Diospa ñaupaqempi kay llajtayojkunaj contrampi, chayrayku Señorqa kachamuwayku kay llajtata chinkachinaykupaj.

Deuteronomio 32:19

Chayta rikuspa Señorqa mayta phiñarikorqa, qhesacharqataj qhari wawasninta, warmi wawasninta ima.

1 Reyes 13:32

Imaraykuchus Señorpa palabrannejta paypa tukuynin ima nisqasnenqa cheqamanta junt'akonqapuni, Betelpi altarpa contrampi parlasqan, Samaria llajtaspi lomas patapi yupaychana wasispa contrampiwan.

Salmos 106:40

Chayrayku Señorqa ayllumpa contranta phiñakorqa, paykunatataj qhesacharqa.

Amós 6:8

Pay kikinmanta Señorqa juran. Tukuy Atiyniyoj Señor Diosqa ajinata nin: Jacobpa ayllun wapuykachasqanta chejnini, palaciosninta mana rikuyta munanichu, enemigosman llajtata jaywasaj, imasninchá tiyan chaytawan.

Amós 7:9

Isaacpa sumaj altaresnin thuñisqas kanqanku, Israelpa Diospa yupaychana wasisnin urmachisqas kanqanku. Espadata oqharisaj Jeroboampa ayllumpa contrampi.

Jeremías 16:18

Jinapis, ñaupajtaqa uj jinatawan pagachikusaj tukuy sajra ruwasqasninkumanta, jinataj juchasninkumantapis, imaraykuchus jallp'ayta ch'ichicharqanku chay millay wañusqa lantisninkuwan, paykuna ruwarqanku chay mana munasqay imasta, chayaqepaj jina qorqani chay tukuy jallp'api.

Ezequiel 16:39

Paykunaj makinman saqesqayki, qhenchachakunayki cheqasta, lantista yupaychanayki cheqastawan thuñiykunankupaj. Chantá p'achasniykita lluch'usonqanku walqasniykita ima qhechususpa, q'alallata saqerpayasonqanku.

Oseas 10:2

Israelpata sonqonqa iskayman t'aqasqa kashan, kunantaj juchasninrayku paganqa. Chay altaresninta Señor phirenqa, chay t'aqasqanku k'acha rumistataj q'alata urmaykuchenqa.