Levítico 26:26 - Qheshwa Biblia DC

²⁶ Maypachachus mikhunaykichejta pisiyachisaj chaypacha chunka warmis uj hornollapi t'antata chayachenqanku. Paykunaqa qankunaman may pisi t'antata qosonqachej, manataj sajsakunkichejchu.

DIOSPA QHELQACHISQAN DEUTEROCANONICAL

²⁶ Maypachachus mikhunaykichejta qhechusqaykichej chaypachaqa, chunka warmikuna uj hornollapi t'antata chayachenqanku. Qankunamantaj pisimanta pisi t'antata qosonqachej, manataj sajsakunkichejchu.

DIOSPA QHELQACHISQ

²⁶ Maypachachus mikhunaykichejta qhechusqaykichej chaypachaqa, chunka warmikuna uj hornollapi t'antata chayachenqanku. Qankunamantaj pisimanta pisi t'antata qosonqachej, manataj sajsakunkichejchu.

Levítico 26:26 Referans Kwoze

Miqueas 6:14

Mikhuspapis mana sajsakunkichu, yarqhayllawampuni ñak'arinki; cosechasta oqharinki, chaywampis manataj ni imata salvayta atinkichu, imata salvawaj chaypis maqanakupi phirikunanta nisaj.

Isaías 3:1

Qhawaychej allinta! Tukuy Atiyniyoj Señorqa Jerusalenmanta, Judamantawan tukuy ima kausanapaj kajta qhechukaponqa: Mikhuykunata yakutawan, wapu kajta, ch'ajwapi maqanakojta, cheqanchajta, profetata, yachajta, kuraj runasta, soldadosta kamachejta, allin runata, yuyaychajta, jampirita, layqata ima.

Ezequiel 5:16

Noqa yarqhayta qankunaman apachimusqaykichej manchayta t'unaykoj flechasta jina. Arí, yarqhaywan ch'ayñachisqaykichej, mikhuykunasta pisiyachisaj.

Salmos 105:16

Chay jallp'amantaj yarqhayta chayachimorqa, tukuy mikhunatataj qhechorqa.

Hageo 1:6

Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Ujyankichej, chaywampis ch'akichikullankichejpuni. P'achata churakunkichej, manataj q'oñikunkichejchu. Jornal llank'ajtaj, pagonta jap'ispa jusk'u wayaqaman churaykun.

Ezequiel 4:16

Chaymanta niwarqa: Jerusalempi mikhunata pisichisaj. Mikhunaqa pakasqa kanqa, llakikuspa mikhonqanku, yakupis tupusqa kanqa, manchachikuspataj ujyanqanku.

Isaías 9:20

Sapa uj paña ladomanta mikhonqa, chaywampis yarqhasqallapuni qhepakonqa. Lloq'e kajmanta mikhonqanku, manataj sajsanqankuchu.

Oseas 4:10

Paykunaqa qonqapunku Señorta sirviyta, chayrayku mikhuspapis mana sajsakonqankuchu; ujwantaj ujwantaj qhenchachakuspapis mana wawasniyojchu kanqanku.

Ezequiel 4:10

Señalasqa horapi sapa p'unchay mikhunki khuskan librata.

Jeremías 14:12

Ashkha ayunostapis ruwachunku mana uyarisajchu chay mañawasqasninkuta. Apamuchunkupis rikuchikusta, jinataj poqoykunasmanta ofrendasta, manapuni allimpajchu chaykunatapis qhawasaj. Paykunata maqanakupi tukuchisaj, chanta yarqhaywan onqoywan ima.

Levítico 26:27

Ajina kashajtimpis manapuni kasukunkichejchu, manachayqa contrallaypipuni kankichej chayqa, noqapis qankunaj contraykichejpi kasaj. May phiñakuywantaj qanchis kutitawan jasut'isqaykichej juchasniykichejrayku.

2 Reyes 6:25

Chay jinata muyuykojtinku Samaria llajta ukhupi manchay yarqhay karqa. Jinamanta burro umatapis pusaj chunka qolqewan ranterqanku, paloma wanumanta khuskan kaj librata phishqa qolqeswan rantej kanku.

Isaías 5:10

Kinsa hectárea uvasmanta uj yuru vinolla kanqa. Chunka carga trigo mujumanta uj kargu trigollata poqonqa.

Ezequiel 4:17

Yakoqa paykunapaj pisiyanqa, jinallataj mikhuypis, ujkuna ujkunaqa may manchasqas qhawanakonqanku. Juchasninkurayku kausayninkupi chinkayman renqanku.

Isaías 9:19

Tukuy Atiyniyoj Señorpa phiñakuynenqa jallp'ata manchayta kharkatichin, runasqa nina enqhampaj llant'a jina kanku. Runaqa, runa masinta mana khuyanchu, sapa ujtaj mikhunakunku.