Levítico 26:25 - Qheshwa Biblia DC

²⁵ Qankunaj pataykichejman maqanakuta apachimusaj, tratonchejta p'akisqaykichejrayku. Qankunataj ayqekunkichej llajtasniykichejman pakakoj. Noqataj chayman onqoykunata apachimusqaykichej, jinamanta qankunaqa enemigosniykichejpa makisninkuman urmankichej.

DIOSPA QHELQACHISQAN DEUTEROCANONICAL

²⁵ Trato ruwasqayta mana kasusqaykichejmanta maqanakupi wañuchisqaykichej. Qankunaqa llajtaykichejman pakakoj ayqekunkichej chaypis, noqa chayman onqoyta kachaykamusqaykichej. Qankunataj awqaykichejpa makinkuman urmankichej.

DIOSPA QHELQACHISQ

²⁵ Trato ruwasqayta mana kasusqaykichejmanta maqanakupi wañuchisqaykichej. Qankunaqa llajtaykichejman pakakoj ayqekunkichej chaypis, noqa chayman onqoyta kachaykamusqaykichej. Qankunataj awqaykichejpa makinkuman urmankichej.

Levítico 26:25 Referans Kwoze

Números 14:12

Noqa paykunaman apachimusaj uj wañuchej onqoyta. Chayqa mana saqenqachu chay jallp'aman tiyaj yaykunankuta. Qanmantaqa aswan jatun aylluta ruwasaj, paykunamanta aswan atiyniyojta.

Ezequiel 5:17

Noqapuni apachimusqaykichej yarqhayta, onqoyta, wañuyta ima. Sajra animalestataj kachamusqaykichej mana wawasniyojta saqesunaykichejpaj, saqesajtaj qankunamanta ashkhas ch'ajwapi wañuranaykichejta. Noqa Señormin chaytaqa nini.

Ezequiel 29:8

Chayrayku Señorqa kay jinata nin: Egipto llajta, contraykipi espadata apamushani, runasniykita, uywasniykita ima wañurachisaj.

Ezequiel 20:37

Noqa allinta qhawarisqaykichej, imaynatachus uj michejqa ovejasninta yuparqon ajinata, tratomantaj churasqaykichej purinaykichejpaj.

Ezequiel 14:17

Sichus chay nacionman ch'ajwata chayachimuyman, kamachiymantaj runas, jinallataj animalespis wañuranankuta. Chay kinsa runas chaypi kausashankuman chaypis, manapuni salvayta atinkumanchu, qhari wawasninkuta, nitaj warmi wawasninkutapis, paykunalla kinsantinku salvakunkuman. Noqa Señormin kausayniyrayku jurani.

Jeremías 24:10

Paykunaman maqanakuta, yarqhayta, onqoytapis apachimusaj, mana ujniyoj kay jallp'api tukukunankukama, may jallp'atachus paykunaman, chantá ñaupa tatasninkumampis qorqani chaypi.

Deuteronomio 32:25

Guerra chayamojtin callespi wawasninkoqa wañonqanku, wasi ukhuspitaj manchay manchachikuy kanqa. Jinata wañonqanku waynas, sipaskuna, machu runas, ñuñoj wawas ima.

San Lucas 21:11

Kallanqataj manchay jallp'a kuyuykuna, yarqhaykuna, imaymana onqoykuna ima tukuynejpi; cielomanta jatuchaj señales, mancharikuykuna ima kanqanku.

Amós 4:10

Uj jasut'ita apachimorqaykichej imaynatachus Egiptoman apachimorqani jinata; saqerqani wayna runasniykichejta maqanakupi wañuchinankuta; saqerqani enemigos caballosniykichejta apakapunankuta; muskhicherqaykichejtatj wañusqaspa asnasqankuta. Qankunataj mana kutirimuwarqankichejchu. Ajinata nin Señorqa.

Lamentaciones 2:21

Kaynejpi jaqaynejpi wijch'u wijch'ulla espadawan wañuchisqas kashanku, wawas, machu runas, sipaskuna, wayna runas ima. K'ajaj phiñakuyniyki p'unchaypi wañuracherqanki, ñak'ararqankitaj mana khuyakuspa.

Jeremías 9:16

Tatasninkoj mana rejsisqan llajtasman ch'eqerachisaj, chaypitaj makinkupi t'ojsinaswan qhatiykachachisaj, mana ujniyojta tukuchinankukama.

Salmos 94:1

Señor Dios, vengakoj Dios kasqaykita rejsichikuy.

2 Samuel 24:15

Chaypacha Señor apachimorqa Israelman uj onqoyta chay paqarinmantapacha mayk'ajkamachus kanan karqa chaykama, Dan chaynejmantapacha Beersebakama qanchis chunka waranqa runas wañorqanku.

Deuteronomio 32:41

Sumaj lliphipishaj espadayta filoyachejtiytaj, cheqanchaytataj qallarejtiy, chaypacha enemigosniyman aynita kutichipusaj. Chejniwajkunaman ruwasqankuman jina qopusaj.

Deuteronomio 32:35

Ayniyta kutichina diapaj, chaypi ruwasqankuman jina qopunayaj urmanqanku chaypacha. Chinkananku diaqa chayamushanña. Ñapis qayllamushanña.

Números 16:49

Chaykamaqa chunka tawayoj waranqa qanchis pachajniyoj runasña wañorqanku. Corewan khuska wañojkunaqa wajlla karqa.

Levítico 26:6

Qankunaman qosqaykichej allin kakuyta chay jallp'api, manataj pata patallatachu puñunkichej; noqa chay jallp'ata jark'asaj sajra monte animalesmanta, jinallataj ch'ajwasmanta.

Números 31:3

Chaymanta Moisesqa israelitasman nerqa: Wakinniykichej madianitaswan maqanakunaykichejpaj wakichikuychej, maqaspa aynita kutichiychej Señorpa sutimpi.

Jueces 15:11

Kayta uyarispataj Judá ayllumanta kinsa waranqa runas Etam chhanka jusk'uman rerqanku, chaypitaj Sansonman nerqanku: Manachu yachanki filisteospa kamachimpi kashasqanchejta? Imatataj kayta ruwawaykuri? Sansón paykunaman kuticherqa: Imaynatachus paykuna ruwawarqanku jinallatataj noqapis ruwani.

1 Reyes 8:33

Sichus kay llajtayki enemigosninwan atipachikunman, contraykipi juchallikusqankurayku, chanta juchankumanta kutirikuspa sutiykita oqharinkuman, kay wasipitaj tukuy sonqo mañakusunkuman chayqa, janaj pachamanta uyarimunki perdonankitaj Israel llajtaykej juchasninta, ñaupa tatasninkuman jallp'a qosqaykimantaj paykunata kutichimpunki.

1 Reyes 8:37

Sichus kay jallp'api kanman yarqhay, chajra qhawiy, chajraspi onqoy, langostas, t'una khuruspis; sichus enemigosninku llajtasninkuta muyuykuspa maqaj sayaykunkuman, ima llakiyllapis onqoypis jamojtenqa, tukuy imata mayta mañakusqankuta mayqennillankupis, chayri tukuynin Israel llajtaykipis, pillapis sonqompi phutisqa kaspa, makisninta kay wasiman aysarisqa jamusunkiman chayqa, qan janaj pachamanta uyarimunki ari, maypichus tiyakunki chaymantapacha, perdonankitaj, sapa ujninkuman kausasqankuman jina qospa, imaraykuchus qanllamin tukuy runaspa sonqonkuta, tukuy yuyasqankutapis rejsinki.

Jeremías 50:28

Babiloniamanta ayqempojkunaqa Sión orqoman willaspa chayamunku, imaynatachus Señor Diosninchej Babiloniaman aynita kutichisqanrayku, imaynatachus Diosta yupaychana wasita ruwasqanman jina.

Jeremías 51:11

Señorqa Babiloniata tukuchiyta munan, Media nacionmanta reykunastapis ajinallatataj yuyachin. Chaymin Señorpa aynita kutichiynenqa, yupaychana wasinta imatachus ruwasqankuman jina. Wach'inasniykichejta wakichikuychej. Allinta jap'iychej jark'achikunaykichejta.

Éxodo 5:3

Paykunataj nerqanku: Hebreospa Diosnin taripawayku, chayrayku rinaykupuni tiyan ch'in pampaman kinsa día puriyta, chaypi rikuchikuta Señorniyku Diosman jaywamunaykupaj, ama ima onqoypis jamuspa wañuchinawaykupaj, chayri ima espadanejtapis wañunaykupaj.

2 Reyes 17:3

Asiriospa reynin Salmanasartaj Oseaspa contrampi llojsimorqa; Oseastaj kamachinman tukorqa, tasatataj chay reyman pagaj.

2 Crónicas 24:24

Siriamantaqa pisi soldadoslla chayamusqankupis, jinapis chaykunaman Señorqa may ashkha soldadosta jaywaykorqa, ñaupa tatasninkoj Señor Diosninta qonqarparipusqankurayku. Jinamanta Joasqa juchanman jina jasut'isqa karqa.

Isaías 1:20

Manapuni kasukuyta munankichejchu chayqa, espadawan wañuchisqas kankichej. Kikin Señormin chaytaqa nin.

Isaías 65:12

Chayrayku, noqapis qankunaman espadata kachaykamusqaykichej. Tukuyniykichej ñak'asojkunaman qonqorikunkichej. Chhikata wajyashajtiy qankunaqa mana uyariwankichejchu. Qankunaqa parlapayashajtiy astawanraj mana uyarej tukunkichej, rikunayta tukuy ima sajrata ruwankichej. Imachus noqaman mana allinchu rijch'awan, chaytapuni qankunaqa ajllakunkichej.

Jeremías 19:7

Kay cheqapi noqaqa Judáj, jinataj Jerusalempa imatachus yuyasqasninta chinkachisaj. Saqesajtaj chay wañuchejkunaj enemigosnin atipaykunankuta, wañurachinankutataj. Chay ayasninkurí aycha mikhu phawajkunaj mikhunankupajtaj kanqanku.

Oseas 11:6

T'ojsina espadas llajtasninku pataman urmaykonqa, pakakuna sinch'i wasisninkutataj tukuchenqa, munasqankuman jinalla ruwasqankuraykutaj phirisqas kanqanku.

Habacuc 3:5

Paypa ñaupaqempi chayamunku millay onqoykunas chay qhepantataj q'oñi onqoywan wañuy.