Levítico 26:17 - Qheshwa Biblia DC

¹⁷ Noqapis qankunaj contraykichejpi kasaj, enemigosniykichejtaj atipasonqachej. Chay enemigosniykichej qankunata kamachisonqachej, qankunataj mana pi ima nishajtillan ayqekunkichej.

DIOSPA QHELQACHISQAN DEUTEROCANONICAL

¹⁷ Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

DIOSPA QHELQACHISQ

¹⁷ Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Levítico 26:17 Referans Kwoze

Proverbios 28:1

Juchaspaqa ayqen mana pi qhatiykachashajtillan; mana juchayoj kajrí k'achata tiyakun mana imamanta dakuspa, uj león jina.

Levítico 17:10

Noqaqa pichus yawarta mikhojpa contrampi kasaj. Ni pi israelitas, nitaj karu llajtayojkuna qankunawan tiyakojkunapis yawarta mikhuyta atinkuchu ni imaynamanta. Chay mikhoj runaqa, ayllun ukhumanta chinkachisqa kanqa.

Salmos 53:5

Mana imapis manchachikunapaj kashajtimpis, paykunaqa manchachikuywan kharkatenqanku. Diosqa ayllumpa enemigosnimpa tullusninta t'akaranqa. Paykunaqa p'enqaypi rikhurenqanku Dios qhesachasqanrayku.

Deuteronomio 28:25

Chanta Señorqa qankunata enemigosniykichejwan atipachisonqachej. Qankuna uj ñannejllata enemigosniykichejwan maqanakoj rinkichej, waj ñannejtataj ch'eqerasqas kayman jaqayman ayqenkichej. Kay pachamanta tukuy nacionestaj t'ukuspa manchachikuywan qhawasonqachej.

Jeremías 19:7

Kay cheqapi noqaqa Judáj, jinataj Jerusalempa imatachus yuyasqasninta chinkachisaj. Saqesajtaj chay wañuchejkunaj enemigosnin atipaykunankuta, wañurachinankutataj. Chay ayasninkurí aycha mikhu phawajkunaj mikhunankupajtaj kanqanku.

Jueces 2:14

Chayrayku Señorqa israelpa contrampi sinch'ita phiñakorqa, tukuy kapuyninkuta suwaswan qhechurparicherqa, chay qayllasninmanta kaj enemigosnintaj maqanakupi atipaykorqanku, paykunataj mana kutichikuyta aterqankuchu.

Lamentaciones 1:5

Enemigosninkoqa kamachejkuna kanku, chay chejnejkunasninkoqa mayta qhapajyanku. Jerusalentaqa Señorpuni chay jinata llakichin, chay chhikata juchallikusqanrayku. Wawasnenqa enemigosninnejta karuman apasqas karqanku.

1 Samuel 31:1

Filisteosqa israelitaswan maqanakoj rerqanku, israelitastaj filisteospa ñaupaqenkumanta ayqerqanku. Gilboa orqopitaj ashkhas wañorqanku.

1 Samuel 4:10

Filisteosqa maqanakorqanku atiparqankutaj israelitasta. Kaykunataj jarankuman ayqekaporqanku. Chaypacha may ashkhatapuni wañuracherqanku, chay maqanakojkuna israelitasmantaqa kinsa chunka soldados wañorqanku.

Génesis 4:12

Kunanqa llank'ashajtiykipis jallp'aqa manaña poqosqanta jinachu poqonqa. Qanqa mundontimpi muyuskiri kanki, mana jayk'aj samarikuyta tarejtaj.

Josué 7:4

Jinataj kinsa waranqa runas jinalla wicharerqanku Hai llajtata jap'imunankupaj. Haimanta kajkunataj israelitastaqa atipaykorqanku, imata jina ayqecherqanku.

1 Reyes 8:33

Sichus kay llajtayki enemigosninwan atipachikunman, contraykipi juchallikusqankurayku, chanta juchankumanta kutirikuspa sutiykita oqharinkuman, kay wasipitaj tukuy sonqo mañakusunkuman chayqa, janaj pachamanta uyarimunki perdonankitaj Israel llajtaykej juchasninta, ñaupa tatasninkuman jallp'a qosqaykimantaj paykunata kutichimpunki.

Salmos 44:10

Enemigosniykuwan ayqechiwarqayku. Chejnikuwayku chaykunaqa suwawayku, munasqankumantaj apawayku.

Jeremías 44:11

Chayrayku noqa Israelpa Tukuy Atiyniyoj Señor Diosnin niykichej: Qankunaj pataykichejman sajra kajkunata apachimusaj, jinallataj tukuy Judata chinkachinayta nini.

Ezequiel 15:7

Noqa paykunaj contrampi sayarisaj. Ninamanta ayqenqanku, waj ninañataj paykunata q'olaykonqa. Noqa paykunaj contrankupi sayarejtiy, qankunaqa, noqa Señor kasqayta rejsiwankichej.

Jueces 3:8

Chayraykutaj Señorqa paykunaj contrampi sinch'ita phiñakorqa, Mesopotamiamanta rey Cusan-risataimwantaj saqerqa atipachikojta. Pusaj wata junt'a israelitasqa rey Cusan-risataimta sirverqanku.

Jueces 3:14

Chunka pusajniyoj watasta israelitasqa rey Eglonta sirverqanku.

Jueces 6:2

Madianitas astawan astawan israelitasta ñak'arichisqankurayku, israelitasqa madianitasta manchachikuspa orqosnejpi pakakunasta ruwakamorqanku, chay chhanka jusk'usnejpi, runas mana purinasnimpi jinataj.

1 Samuel 12:15

Sichus qankuna mana Señorta kasunkichejchu, kamachisqasnintataj qhesachankichej chayqa, Pay qankunata jasut'isonqachej, jinataj reyniykichejtapis.

2 Reyes 13:3

Señorpa sinch'i phiñakuynintaj Israelpa patanman jamorqa, Siriamanta rey Hazaelman, wawan Ben-adadmanwan unaypaj jaywaykorqa.

2 Reyes 13:7

Joacazpata manaña ashkhachu runas karqa, imaraykuchus Siriamanta rey Hazael tukuyninkutapuni wañuykucherqa, pampapitaj jallp'ata jina saruykorqa. Paypataqa tiyaporqaraj phishqa chunka soldados caballospi rejkuna, chunka carretas, chunka waranqa soldadospiwan.

Salmos 53:6

Ichapis Sión orqomanta, Israelpaj salvacionnin chayamunman, Señor ayllunta kacharichispa pusakampojtin. Jacobpa mirayninmanta kajkuna, Israel ayllumanta kajkunapis kusikonqanku.

Isaías 30:17

Uj enemigota rikuspalla waranqa runas ayqekunkichej, phishqa enemigosta rikuytawan tukuyniykichej ayqekunkichej, uj orqopi sapan sayashaj k'aspi jinalla qhepakunaykichejkama, chayrí uj lomapi uj wiphayla jina qhepakunaykichejkama.

Isaías 63:10

Chaywampis paykunaqa mana kasukuspa, Santo Espiritunta phiñacherqanku; chayrayku paykunaj contranta phiñarikorqa, paykuna kikinwan maqanakuspa.

Lamentaciones 2:4

Enemigopis kanman jina Señorqa wach'inanta sumajta mat'iykurin, paña makinwantaj chayta jap'iykun enemigo jina. Chaywantaj mashkha sumaj kajtapis tukuyninta chinkarichin. Sión llajtapi ninata jina k'ajaj phiñakuyninta kachaykun.