Levítico 25:43 - Qheshwa Biblia DC

⁴³ Chantapis ama sajra runa jina, paykunata ñak'arichinkichu; manachayqa Diosniykita manchachikunki.

DIOSPA QHELQACHISQAN DEUTEROCANONICAL

⁴³ Chantapis ama mana sonqoyoj runa jina paykunata ñak'arichinkichu, manachayqa Diosniykita may jatun respetowan qhawaspa manchachikunki.

DIOSPA QHELQACHISQ

⁴³ Chantapis ama mana sonqoyoj runa jina paykunata ñak'arichinkichu, manachayqa Diosniykita may jatun respetowan qhawaspa manchachikunki.

Levítico 25:43 Referans Kwoze

Colosenses 4:1

Patrones, kamachisniykichejwan cheqata, cheqan kajtataj ruwaychej, yachaspa qankunapis janaj pachapi patronniyoj kasqaykichejta.

Levítico 25:46

Chaykunatataj wawasniykichejman saqenkichej uj chayaqeta jina mayk'ajchus wañupunkichej chaypacha. Chaykunata qankunaqa kamachisniykichejpaj wata runasta jina jap'ikunkichej. Chaywampis ni mayqenniykichej qankuna israelitasqa, mayqen israelita masiykichejtapis kamachinkichejchu, sajramanta nitaj millayta phiñakuspapis.

Levítico 25:17

Ni pipis ch'aukiyachunchu ni mayqen runa masintapis. Sapa ujpis Diosniykichejta manchachikuychej. Noqamin qankunaj Señor Diosniykichejqa kani.

Efesios 6:9

Qankunapis kamachejkuna, kikillantataj kamachisniykichejwan allinta kausakuychej, ama paykunata manchachispa. Yachaychej, qankunatapis paykunatapis janaj pacha Señor kamachin, imaraykuchus payqa mana runaj rijch'aynillantachu qhawan.

Ezequiel 34:4

Tulluyajkunata mana kallpachankichejchu, onqosqastapis mana jampinkichejchu. Chakin p'akisqastapis mana trapowan mayt'uykunkichejchu. T'aqarakojkunata mana tropaman kutirichimunkichejchu, nitaj chinkasqastapis mask'amunkichejchu. Astawampis oveja tropataqa munayniykichejman jina ñak'arichispa sinch'iwan sajra sonqowantaj qhatiykacharqankichej.

Levítico 25:53

Qhawanan tiyan uj watapaj mink'asqa llank'aj runata jina. Ama saqenkichu ñak'arichispa llank'achinanta.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Isaías 58:3

Imaraykutaj ninkichej: Noqaykoqa ayunayku, qantaj mana qhawariwaykuchu; noqaykoqa sonqoykuta llamp'uyachiyku, qantaj mana uyariwaykuchu, nispari? Qankunaqa ayunashaspa munasqaykichejta ruwankichej, chay p'unchaypipuni peonesniykichejtapis astawan llank'achej tukunkichej.

Isaías 47:6

Noqaqa mayta phiñakorqani Israel aylluypaj. Chaypacha Israel nacionniytaqa mana allimpajchu qhawarqani, makiykimantaj jaywarqayki. Qantaj mana khuyarispa ñak'arichipuwarqanki; kurajkunaj much'usninman qanqa chay chhika llasa yugoykita churarqanki.

Deuteronomio 25:18

Paykunaqa, chay ñanta sayk'usqas jamushajtiykichej qankunata maqaj sayaykamusorqachej mana Diosta manchachikuspa, qhaparikojkunatapis munasqanman jina maqasqanta.

Éxodo 5:14

Maytapuni jasut'erqanku faraompa capatazkunasnin israelitas ukhupi capatazkuna churasqas karqanku chaykunata, nispa: Imaraykutaj mana mashkhatachus ruwaj kankichej chay chhikallatataj adobesta ruwankichejchu, ni qayna, nitaj kunampisri?

Éxodo 3:9

Noqa uyarini Israelpa wawasnin maytapuni mañakusqankuta, chantá rikullanitaj egipcios paykunata maytapuni ñak'arichisqankuta.

Éxodo 3:7

Señortaj nillarqapuni: Cheqamanta noqa rikuni imaynatachus aylluy Egiptopi ñak'arisqanta. Uyarini mayta qhaparikusqankuta capatazkuna jasut'isqankurayku; allinta yachani ñak'arisqankuta.

Éxodo 2:23

Watas pasasqanman jina Egiptopi reyqa wañorqaña. Israelitastaj chaykama may jasut'isqas sinch'i llank'ayllapipuni kasqankumanta mayta waqarqanku Diosman willakuspa. Diostaj chay jinata waqasqankumanta mañakuyninkuta uyarerqa, chay ñak'ariypi kasqankuta rikuspa.

Éxodo 1:21

Onqochejkuna Diosta manchachikusqankurayku Diosqa mayta paykunata yanaparqa israelitas astawan miranankupaj.

Éxodo 1:17

Onqochej warmistaj Diosta manchachikuspa Egipto reypa nisqanta mana kasorqankuchu, saqellarqanku qhari wawas kausajta.

Génesis 42:18

Chay kinsa diamantataj nerqa: Noqaqa Diosta manchachikuni. Qankunataj kayta ruwaychej, chacharipusqaykichajtaj.

Levítico 25:42

Paykunaqa noqaj kamachisniy, noqa Egiptomanta orqhomorqani. Chayrayku paykunataqa mana vendekuyta atinkuchu wata runasta jina.

Levítico 25:44

Sichus munanki warmi kamachisniyoj, chayri qhari kamachisniyoj kayta chayqa, muyuyniykipi kaj nacionesmanta rantikuy.

2 Crónicas 28:10

Chay jawa qankunaqa munashankichej, qharismanta, warmismantapis kamachisniykichejta ruwakuyta Judamanta kajkunata, Jerusalenmanta kajkunatawan qharista, warmistapis. Jinapis manachu qankunapis Señor Diosniykichejpa contrampi juchallikullankichejtaj?

Job 31:13

Maypachachus kamachisniy imatapis mañakuwaj kanku chaypacha, paykunata uyarejpuni kani.

Job 31:14

Mana jina kajtenqa imaynamantataj Diospa ñaupaqenman riyman karqari?