Levítico 25:17 - Qheshwa Biblia DC

¹⁷ Ni pipis ch'aukiyachunchu ni mayqen runa masintapis. Sapa ujpis Diosniykichejta manchachikuychej. Noqamin qankunaj Señor Diosniykichejqa kani.

DIOSPA QHELQACHISQAN DEUTEROCANONICAL

¹⁷ Ama pipis runa masiykichejta q'otiyankichejchu. Noqa Tata Diosniykichejta jatun respetowan maypaj qhawawaychej. Noqa Tata Diosmin Diosniykichejqa kani.

DIOSPA QHELQACHISQ

¹⁷ Ama pipis runa masiykichejta q'otiyankichejchu. Noqa Tata Diosniykichejta jatun respetowan maypaj qhawawaychej. Noqa Tata Diosmin Diosniykichejqa kani.

Levítico 25:17 Referans Kwoze

Levítico 19:32

Kuraj runastaqa sayarikuspa napaykuy, jinallataj Diosniykitapis jatunchay. Noqamin Señorqa kani.

Levítico 19:14

Ama joq'ara kajpa contranta maldicinkichu. Ama ni ima pantanata ciegoj purinanman churankichu. Diosniykita manchachikunki. Noqamin Señorqa kani.

Levítico 25:43

Chantapis ama sajra runa jina, paykunata ñak'arichinkichu; manachayqa Diosniykita manchachikunki.

Éxodo 20:20

Moisestaj paykunaman nerqa: Ama manchachikuychejchu; Diosqa qankunata imaynachus kasqaykichejta yachaj jamun, qankuna payta manchachikunaykichejpajpuni, paypa ñaupaqempi ama juchallikunkichejchu.

Génesis 42:18

Chay kinsa diamantataj nerqa: Noqaqa Diosta manchachikuni. Qankunataj kayta ruwaychej, chacharipusqaykichajtaj.

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

Romanos 11:20

Arí, paykunaqa mana creesqankurayku p'akirasqas karqanku, qanrí fenejta sayashanki. Amaña jatunchakuychu, astawanqa manchachikuy.

Romanos 3:18

Diosta manchachikoyqa mana kanchu, ñawisninkoj ñaupaqempi.

Hechos 10:2

Cornelioqa Diosta munakoj runa karqa, wasimpitaj tukuy familianwan khuska Diosta yupaychaj. Pay tukuy imapi yanapaj wajcha runasta, Diosmantataj mañakuspallapuni kaj.

Hechos 9:31

Ajinamanta iglesiaqa sonqo tiyasqalla kasharqa tukuy Judeapi, Galileapi, Samariapi ima. Creejkunataj kallpachakuspa yapakusharqanku, Señorta kasuspataj purisharqanku. Santo Espiritutaj paykunata yanaparqa sonqochaspa.

San Lucas 12:5

Noqa nisqaykichej pitachus manchachikunaykichejta. Manchachikuychej, pichus wañuchiytawankama, atiyniyoj kashan infiernoman wijch'unampaj, chayta. Arí, manchachikuychej payllata.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Jeremías 22:16

Payqa ñak'arejkuna wajchastapis yanapaj, chayrayku paytaqa tukuy imapi allin rerqa. Chaypi yachakun noqa Señorta rejsiwasqanqa. Noqa Señor chayta nini.

Proverbios 22:22

Ama wajchamantaqa qhechuychu wajchu kasqanraykoqa, juezkunaj ñaupaqempipis amaña k'umuykachachiychu.

Proverbios 1:7

Yachaypa qallarikuynenqa, Señorta manchachikuymin; wampu runasqa qhesachanku yachayta, yachachiytawan.

Salmos 19:9

Señorta manchachikoyqa ch'uwa, wiñaypajtaj qhepakun. Paypa nisqasnin cheqa, cheqantaj.

Nehemías 5:15

Noqamanta aswan ñaupaj kaj kamachejkunaqa tukuy aylluta llakicherqanku. Paykunaqa tawa chunka qolqesta sapa día pagachikoj kanku mikhunankupaj jinataj vinopajpis. Paykunata, ayllumanta kajkuna yanapajkunasninkuta munasqankuman jina llakiyta ruwaj kanku. Noqarí mana chayta ruwarqanichu Diosta manchachikusqayrayku.

Nehemías 5:9

Noqataj chaypi nerqani: Imatachus ruwashankichej chayqa mana walejchu kashan. Qankunaqa Diosninchejta manchachikunaykichej karqa. Ajinamanta chay enemigosninchej Diosta mana manchachikojkuna ama asipayanawanchejpaj.

2 Crónicas 19:7

Ajinaqa, Señorta manchachikoyqa qankunapi kachun, allintataj imatachus ruwashasqaykichejta qhawakuychej, imaraykuchus Señor Diosniykichejqa manamin mana allin kajtaqa qhawallanchu. Payqa mana ujllamanchu kutikun, nitaj lluk'ichikunchu.

1 Samuel 12:24

Qankunaqa Señorta manchachikuychej. Pay sapallanta yupaychaychej, cheqanta tukuy sonqowantaj, yuyarikuspa chay chhinka k'acha imasta qankunapaj Señor ruwasqanta.

Deuteronomio 25:18

Paykunaqa, chay ñanta sayk'usqas jamushajtiykichej qankunata maqaj sayaykamusorqachej mana Diosta manchachikuspa, qhaparikojkunatapis munasqanman jina maqasqanta.

Levítico 25:14

Sichus jallp'ata vendenkichej, chayri rantinkichej chayqa, ama ch'aukiyanakunkichejchu.

Génesis 39:9

Kay wasipeqa mana pipis imata ruwananchu tiyan, manachayqa noqalla cuentayoj kani. Chayrayku patronneyqa niwan tukuy imasninmanta dueño jina kanayta, qanllamanta mana ima ruwanaychu tiyan, imaraykuchus qanqa warmin kanki, chayrayku. Ajinaqa, imaynatataj noqa ruwasaj kasqa chay millaytari, juchallikusajtaj Diospa contrantari?

Génesis 22:12

Angeltaj nerqa: Ama makiykita oqhariychu, nitaj wawaykita imanaychu, yachaniña qan Diosniykita manchachikusqaykita. Manataj uj k'ata wawaykitapis mich'akunkichu qonawaykipaj.

Génesis 20:11

Chanta Abraham kuticherqa: Noqa yuyarqani qankuna Diosta mana manchachikusqaykichejta, jinamanta warmiyrayku wañuchinawaykichejta.

Proverbios 14:31

Wajcha runasta ñak'arichejqa, ruwajnimpa contranta juchallin. Wajcha runasta khuyakojrí ruwajnin Señorta jatunchan.

Levítico 19:13

Ama runa masiykita maytapuni llakichinkichu, nitaj paypata kajtapis suwankichu. Ama peonniykej pagonta q'ayantinkama waqaychakunkichu.

Levítico 25:36

Manusqaykimantapis ama ni ima laya reditosta mañankichu, manachayqa Diosniykita manchachikuspa wasiykiman wajyakuy qanwan tiyakunampaj.

Proverbios 16:6

Juchataqa, munakuywan cheqa kaywantaj perdonana; Señorta manchachikuspataj runaqa juchamanta t'aqakun.

Isaías 3:14

Señorqa ayllumpa kurajkunasnimpa contrampi cheqanchaj jamonqa, ayllunta kamachejkunaj contrampiwan. Qankunaqa uvas sach'asta chinkachinkichej, wajchasmanta suwasqaykichejtataj wasisniykichejpi jallch'ankichej.