Levítico 23:28 - Qheshwa Biblia DC

²⁸ Chay p'unchaypeqa amapuni imatapis ruwankichejchu, imaraykuchus chay p'unchayqa perdonta tarina p'unchay, mayqempichus Señorniykichej Diosmanta perdonta tarinkichej.

DIOSPA QHELQACHISQAN DEUTEROCANONICAL

²⁸ Chay p'unchayqa imachus ruwanaykichejmanta amapuni ni imata ruwankichejchu, imaraykuchus chay p'unchayqa Jucha Pampachana p'unchaymin. Chay p'unchayqa noqa Tata Dios juchaykichejta pampachasaj.

DIOSPA QHELQACHISQ

²⁸ Chay p'unchayqa imachus ruwanaykichejmanta amapuni ni imata ruwankichejchu, imaraykuchus chay p'unchayqa Jucha Pampachana p'unchaymin. Chay p'unchayqa noqa Tata Dios juchaykichejta pampachasaj.

Levítico 23:28 Referans Kwoze

Zacarías 3:9

Noqa churani Josuéj ñaupaqenman qanchis ladosniyoj uj rumita, noqa kikiytaj chayman qelqaykusaj. Chaymanta uj p'unchayllapi kay runaspa juchasninta pichasaj.

Levítico 16:34

Kay kamacheyqa wiñaypaj kanqa: Watapi uj kutita ruwankichej kay jinata juchasmanta perdonta tarinaykichejpaj, ima juchastachus israelitas ruwanqanku chaykunamanta. Kaykunaqa ruwakorqa imaynatachus Señorqa Moisesman kamachisqanman jina.

1 Juan 5:6

Kaymin yakuwan, yawarwan jamoj Jesucristoqa. Manataj yakullawanchu jamorqa, astawanqa yakuwan, yawarwan ima. Kay imasmanta kikin Espíritu willawanchej; imaraykuchus Espiritoqa cheqa kajmin.

1 Juan 4:10

Kaymá chay munakoyqa. Manaraj Diosta munakushajtinchej, payqa munakuwarqanchejña. Churintataj kachamorqa wañunampaj juchasninchejrayku.

1 Juan 2:2

Jesucristoqa wañorqa juchasninchejta pampachanampaj; manataj juchasninchejraykullachu, astawanqa tukuy runaspa juchasninkurayku.

Hebreos 10:14

Payqa uj sapan rikuchikullawan ajllasqasta wiñaypaj allincharqa.

Hebreos 10:10

Chay munaynimpi llimphuchasqa kanchej, Jesucristoj cuerpon wiñaypaj uj kutillata qosqa kasqanrayku.

Hebreos 9:26

Uj jinamantaqa sapa kutichari, kay jallp'aj qallariyninmantaña pay ñak'arinman karqa; manataj payqa ajinatachu. Kunan uj kutillata, kay p'unchaykunaj tukukuynimpi rikhurimorqa juchata qhechunampaj, pay kikimpa yawarninwan.

Hebreos 9:12

Manataj chivospa, nitaj waka uñaspa yawarninnejtachu, pay kikimpa yawarninnejta, uj kutillata llimphuchasqa jatun santuarioman yaykorqa, wiñaypaj salvacionta wakichispa.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Isaías 53:10

Chay tukuywampis, Señorqa ñak'arichiyta munarqa. Pay kikin kausayninta jucharayku rikuchikuta jina jaywaykukorqa. Chayrayku payqa mirayninta rikonqa, unaytataj kausanqa, paynejtataj Señorpa munaynenqa junt'akonqapuni.

Levítico 16:30

Imaraykuchus chay p'unchaypi juchasniykichejmanta perdonasqas kankichej Señorpa ñaupaqempi. Jinamanta qankunaqa chay juchasniykichejmanta llimphuchasqas kankichej.

Levítico 16:33

Jinamanta Diospa tiyakunan cheqata llimphuchanqa; jinallataj Dioswan tinkukuna toldota, altartapis. Jinaspataj perdonta tarenqa sacerdotespaj, jinallataj tukuy israelitaspajpis.