Levítico 20:6 - Qheshwa Biblia DC

⁶ Sichus pipis wañusqasta tapojkunaman, layqasmanwan rinman, chayta qhatispataj ch'ichichakunman chayqa, noqa sayarisaj paypa contranta, chinkachisajtaj ayllun chaupimanta.

DIOSPA QHELQACHISQAN DEUTEROCANONICAL

⁶ Sichus pipis aysirikunata, chayrí layqakunata tapukoj rinman, paykunaj nisqankutataj ruwaspa ch'ichichakunman chayqa, noqa paypa contranta sayaykuspa, llajtanmanta chinkachisaj.

DIOSPA QHELQACHISQ

⁶ Sichus pipis aysirikunata, chayrí layqakunata tapukoj rinman, paykunaj nisqankutataj ruwaspa ch'ichichakunman chayqa, noqa paypa contranta sayaykuspa, llajtanmanta chinkachisaj.

Levítico 20:6 Referans Kwoze

Levítico 19:31

Ama wañusqasta tapojkunamanqa qayllaychejchu, nitaj layqasmampis. Ama chaykunaman tapukuspataj ch'ichichakuychejchu. Noqa Señor Diosniykichejqa kani.

Isaías 8:19

Sichus chay runas nisonqachej: Tapuriychej wañusqaspa almasninta, chhichinakuspa parlaj layqasta ima, nispa chayqa, niychej: Manachu runasqa Diosnillankuta tapurikunkuman? Wañusqastarajchu kausajkunamanta tapurikunkuman?, nispa.

Levítico 20:27

Sichus uj qhari, chayri uj warmi wañusqasta tapunman, chayri layqakunman chayqa, rumiswan ch'anqasqa wañonqa. Chay wañunampajtaj paylla juchayoj kanqa.

Salmos 73:27

Pikunachus qanmanta karunchakojkuna, wañonqanku. Qanta mana qhatisojkunatataj pampachanki.

Oseas 4:12

Aylloyqa k'aspi lantisllata tapurakunku; chay llant'a k'aspiswantaj adivinaranku, qhenchachakuywan atipachikuspa. Aylloyqa pantay ñanninta rishan, qhenchachakuypi jinamanta t'aqakuspa Diosmanta.

Ezequiel 6:9

Chay nacioneswan ayqekojkunaqa noqamanta yuyarikuwanqanku. Yuyarikullanqankutaj imaynatachus noqa paykunata ñak'arichisqayta noqawan mana allinta purisqankurayku, lantista yupaychanankupaj noqamanta karunchakuspa. Paykuna kikinku p'enqachikonqanku tukuy sajra ruwayninkumanta, tukuy ima khuchiriosta ruwasqankumanta ima.

Números 15:39

Ajinamanta chay flecosnejta yuyarikunkichej tukuy kamachiykunasniyta qosusqaymanta, junt'ankichejtaj. Ajinata munayniykichejwan mana atipachikunkichejchu, chay mana allinta ruwaspa qhatinawaykichejmanta.

Levítico 19:26

Ama ni ima aychata yawarnintinta mikhunkichejchu. Ama adivino kayta yachaychejchu, nitaj qhepaman imaschus kanantapis yachaychejchu.

Hechos 16:16

Uj p'unchaytaj Diosmanta mañakoj rishajtiyku, uj kamachi sipas taripamuwarqayku. Payqa sajra layqa espirituyoj kaspa adivinaj. Ashkha qolqeta qoj patronesninman, runaspa suertenta qhawaspa.

Éxodo 22:18

Layqa warmista cantomanta wañurachinki.

Levítico 17:10

Noqaqa pichus yawarta mikhojpa contrampi kasaj. Ni pi israelitas, nitaj karu llajtayojkuna qankunawan tiyakojkunapis yawarta mikhuyta atinkuchu ni imaynamanta. Chay mikhoj runaqa, ayllun ukhumanta chinkachisqa kanqa.

Jeremías 44:11

Chayrayku noqa Israelpa Tukuy Atiyniyoj Señor Diosnin niykichej: Qankunaj pataykichejman sajra kajkunata apachimusaj, jinallataj tukuy Judata chinkachinayta nini.

Éxodo 22:17

Sichus chay sipaspa tatasnin mana entregayta munankuchu chayqa, chay qhari qonan tiyan qolqeta, qharita manaraj rejsej sipaskunamanta qonapuni yachasqa kasqanman jina.