Levítico 2:13 - Qheshwa Biblia DC

¹³ Señorman qonaykipaj chay tukuy rikuchikusman kachita churankipuni. Kacheqa runata yuyarichin Dioswan tratota ruwasqanta. Tukuy rikuchikusniykimanqa kachita churankipuni.

DIOSPA QHELQACHISQAN DEUTEROCANONICAL

¹³ Tata Diosman ch'aki mikhuymanta tukuy ima jaywanaykimanqa kachita churankipuni, ama qonqankichu. Tata Dios qanwan trato ruwasqanmanta kacheqa tukuy jaywanaykipi kanantapuni tiyan. Tata Diosman tukuy jaywanaykimanqa kachita churankipuni.

DIOSPA QHELQACHISQ

¹³ Tata Diosman ch'aki mikhuymanta tukuy ima jaywanaykimanqa kachita churankipuni, ama qonqankichu. Tata Dios qanwan trato ruwasqanmanta kacheqa tukuy jaywanaykipi kanantapuni tiyan. Tata Diosman tukuy jaywanaykimanqa kachita churankipuni.

Levítico 2:13 Referans Kwoze

Ezequiel 43:24

Kaykunata Señorman jaywanki, sacerdotestaj chay uywa ñak'asqaman kachinchanqanku, chantá ruphachispa Señorman jaywanqanku.

San Mateo 5:13

Qankunaqa mundopaj kachi jina kankichej. Kachichus laqayanman chayqa, imawantaj kachichakonqari? Mana imapaj walejñachu; manachayqa jawaman wijch'unallapajña, runa sarunampajtaj.

Colosenses 4:6

K'acha misk'i simiwan parlaychej, kachiwan kachinchasqata jina. Chaymantaqa yachaychej imaynatachus sapa ujman kutichinaykichej kasqanta.

2 Crónicas 13:5

Qankunaqa manachu yachankichej, Israelpa Señor Diosnenqa reinota Davidman, chanta mirayninmampis wiñaypaj qosqanta, mana p'akinapaj nisqa tratopi?, nispa.

Números 18:19

Israelitaspa tukuy sumaj ofrendasta Señorman apamusqankoqa, qampaj, qanwan tiyakushankuraj chay qhari wawasniykipaj, warmi wawasniykipajwan kanqa. Kay leyqa unaypaj churasqa kanqa. Kay tratotaqa ni pi p'akiyta atinchu. Unaypaj kanqa, chaytaqa noqa qanwan ruwani, jinallataj mirayniykiwampis.

Esdras 7:22

Kinsa waranqa kinsa pachajniyoj kilo qolqeta, iskay chunka iskayniyoj waranqa kilo trigota, iskay waranqa iskay pachajniyoj litro vinota, iskay waranqa iskay pachajniyoj litro aceiteta ima. Kachitataj mashkhatachus mañasqanta qonkichej.

Éxodo 30:35

Chaykunamanta wakichiy uj sumaj q'apashaj inciensota, allin llimphuchasqatataj, sumajta tukuyninta chajruspa, imaynatachus q'apashaj jawinasta ruwajkuna ruwanku ajinata.