Levítico 19:28 - Qheshwa Biblia DC

²⁸ Ama wañusqaraykoqa ukhuykichejta k'irinchakunkichejchu, nitaj ima señalestapis ukhuykichejpi ruwakunkichejchu. Noqamin Señorqa kani.

DIOSPA QHELQACHISQAN DEUTEROCANONICAL

²⁸ Wañojkunamanta yuyarikunaykichejpaj ama ukhuykichejta q'allurakunkichejchu. Nillataj ukhuykichejpi ima marcatapis ruwakunkichejchu. Noqamin Tata Dios kani.

DIOSPA QHELQACHISQ

²⁸ Wañojkunamanta yuyarikunaykichejpaj ama ukhuykichejta q'allurakunkichejchu. Nillataj ukhuykichejpi ima marcatapis ruwakunkichejchu. Noqamin Tata Dios kani.

Levítico 19:28 Referans Kwoze

Deuteronomio 14:1

Qankunaqa Señor Diosniykichejpa wawasnin kankichej. Ukhusniykichejta ama khuchukunkichejchu, nitaj piniykichej wañupojtimpis chujchasniykichejta umaykichejpa ñaupaqenmanta ruthunkichejchu.

1 Reyes 18:28

Paykunataj jatunmanta qhaparerqanku, imaynachus paykuna ukhupi ruwana kasqanman jina, cuchilloswan, jatuchej cuchillospiwan t'ojsirakuspa, yawarpurulla kanankukama.

Levítico 21:5

Ama chujchasninkuta uj cheqallata k'utuchikuspa p'ajlayachenqankuchu, nitaj sunkhasninkutapis rasphachikonqankuchu, nillataj ukhusninkutapis k'irinchakonqankuchu.

Jeremías 16:6

Kay jallp'apeqa jatunkunamanta, juch'uykunamantapis wañonqanku; mana pipis paypaj kanqachu, nitaj waqanqankuchu, llakiykunatapis mana rikuchenqankuchu, ukhusninkuta maqakuspa, chayri chujchasninkuta q'ararakuspapis.

Levítico 21:1

Moisesman Señorqa parlarqa: Aarompa miraynin sacerdotesman niy: Ama ch'ichipaj qhawasqas kachunkuchu, mayqen ayllusninkoj ayasninraykupis.

Marcos 5:5

Tuta p'unchay qhaparispallapuni puriykachaj, sepulturaspi, orqo pataspi ima, rumiswan takakuspa.

Jeremías 48:37

Tukuyninku umasninkuta ruthukunku, tukuypa sunkhasninkupis q'arasllataj; tukuyninku makisninkuta khuchurakunku, qhasqa p'achaswantaj p'achallikunku.

Apocalipsis 20:4

Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.

Apocalipsis 19:20

Phiña animaltaj presochasqa karqa. Paymantaj llulla profeta, pichus chaypa ñaupaqempi señalesta ruwasqa, chay señaleswan animalpa marcanta apajkunata ch'aukiyarqa. Paykunataj lantinta yupaycharqanku. Chay iskaytataj kausashajta wijch'orqanku azufrewan larwashaj uj nina qochaman.

Apocalipsis 16:2

Ñaupaj kaj angeltaj rispa copasmanta jallp'aman jich'aykorqa. Uj asnaj, nanachej ch'upu onqoytaj runasman jamorqa, pikunachus phiña animalpa marcanwan karqanku, lantintapis yupaycharqanku chaykunaman.

Apocalipsis 15:2

Rikullarqanitaj vidriomanta jina uj mar qochata ninawan chajrusqata. Ajinallatataj rikorqani phiña animalta atipajkunata, lantintawan, marcantawan, sutimpa yupaynintawan vidriomanta mar qocha patapi sayashajta, Diospa arpasnin jap'irisqas.

Apocalipsis 14:11

Ñak'ariyninkoj q'osñintaj wiñaypaj wicharin. Chay phiña animalta, lantintapis yupaychajkunaqa, mana tuta p'unchay samankuchu, nillataj sutimpa marcanta churachikojkunapis.

Apocalipsis 14:9

Kinsa kaj angeltaj paykunata qhaterqa, qhaparispataj nerqa: Pillapis phiña animalta lantintapis yupaychanman, frentempitaj, chayrí makimpitaj marcata churachikunman chayqa, paypis Diospa phiñakuynimpa vinonmanta ujyallanqataj, chay mana imawan chajrusqa, jich'asqataj kashan phiñakuynimpa vasompi, chaymanta. Ajinallatataj ninawan, azufrewan ñak'arichisqa kanqa, ajllasqa angelespa ñaupaqempi, Corderoj ñaupaqempi ima.

San Juan 20:25

Yachachisqastaj payman nerqanku: Señorta rikuyku. Tomastaj paykunaman nerqa: Sichus makisnimpi clavospa jusk'usqanta mana rikusaj chayqa, mana creesajchu. Chantá manatajchus dedoyta clavospa jusk'usqanman sat'iykusaj, nillataj wajtannimpi lanzawan t'ojsisqaman makiyta churaykusaj chaypis, manapuni creesajchu.

Levítico 19:27

Chujchasniykichejtaqa ama muyullataqa k'utukunkichejchu, nitaj sunkhasniykichejpa puntasnintapis.

Levítico 19:29

Ama warmi wawaykita p'enqaypi rikhurejta saqenkichu, nitaj khuchi warmiman tukojtapis qhawallankichu. Ajinata ruwajtiykeqa tukuy llajta masisniyki qan kikillantaj ruwanayanqanku.

Levítico 21:11

Nitaj maypichus aya kashan chayman yaykonqachu, ni tatanrayku, nitaj mamanrayku, ama ajinamanta ch'ichipaj qhawasqa rikhurinampaj.