Levítico 19:26 - Qheshwa Biblia DC

²⁶ Ama ni ima aychata yawarnintinta mikhunkichejchu. Ama adivino kayta yachaychejchu, nitaj qhepaman imaschus kanantapis yachaychejchu.

DIOSPA QHELQACHISQAN DEUTEROCANONICAL

²⁶ Ama imatapis yawarniyojta mikhunkichejchu. Ama adivinaj kankichejchu, nillataj layqapis.

DIOSPA QHELQACHISQ

²⁶ Ama imatapis yawarniyojta mikhunkichejchu. Ama adivinaj kankichejchu, nillataj layqapis.

Levítico 19:26 Referans Kwoze

2 Reyes 17:17

Qhari wawasninkuta warmi wawasninkutawan ninaman ruphachispa layqa imasman adivinayman churakorqanku. Señorpa qhawaynimpitaj millay ruwaykunasmampuni churakorqanku, ajinapi Señorta mayta phiñachispa.

2 Crónicas 33:6

Jinataj Ben-hinom vallepi wawasninta jaywanata jina ruphacherqa, wañusqa runaspa espiritunta wajyaj, suertesta qhawaj, p'ajpaku jina ruwaj, layqasta, aysiristapis tapurej. Señorpa ñaupaqempi sinch'i sajrapuni ruwasqasnenqa karqa, Señorta sinch'ita phiñachinankama.

2 Reyes 21:6

Wawantapis ninapi ruphachispa jaywaykorqa, sajra espiritusta wajyayman churakorqa, suerte qhawayman, wañusqasta tapuyman layqeriosman ima. Ajinapi ashkha sajra imastapuni ruwaspa Señorta phiñaricherqa.

Deuteronomio 12:23

Yawartaqa ni ima kashajtin mikhunkichejchu, imaraykuchus yawarqa kausaymin. Ajinaqa amapuni yawartaqa aychawan khuska mikhunkichejchu.

Levítico 7:26

Maypichá qankuna tarikunkichej chaypi, amapuni mikhunkichejchu ni ima p'isqoj yawarninta, nitaj uywajtapis.

Levítico 3:17

Kayqa ley jina unaypaj churasqa sapa kuti ruwanapaj miraymanta miraykama kanampaj. Maypichá tiyakunkichej chaypi amapuni wirata, nitaj yawartapis mikhunkichejchu.

Jeremías 10:2

Señorqa nin: Ama waj nacionespa ruwasqasnillantataj ruwaychejchu, nillataj cielopi ima t'ukunas kajtin mancharikuychejchu, waj nacionespi jinaqa.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Daniel (hebreo) 2:10

Yachayniyojkunataj kutichispa nerqanku: Kay pachapi mana kanchu pipis imatachus reyqa yachayta munashan chayta willayta atinampajqa. Waj jinamantaqa, mana jayk'ajpis, manataj ayqen reypis may atiyniyoj kasqampiwan, kayman rijch'ajtaqa imatapis mañarqachu. Manapuni mayqen aysirimanta, nitaj yatirimantapis, nillataj yachayniyojkunamantapis.

1 Samuel 15:23

Señorpa contrampi oqharikoyqa layqa juchawan ninakun, Señorta mana kasuytaj lanti yupaychana juchawan ninakullantaj. Imaynatachus qan qhesacherqanki chay kamachisqasninta ajinallatataj paypis qanta qhesachasunki manaña rey kanaykipaj.

Éxodo 8:7

Tukuy layqaspis kikillantataj ruwaspa k'aylankulasta junt'aykucherqanku Egipto llajtankuman.

Éxodo 7:11

Faraontaj wajyacherqa yachajkunasninta, yatirisnintawan; paykunapis jamuspa kikillantataj ruwarqanku tukuy atiyninkuwan;

Hechos 15:20

Manachayqa escribina kachun: Ama qhasi dioskunaman jaywasqasta mikhunankuta, ama qhenchachakunankuta; ama jeq'eqasqa animalesta mikhunankuta, nitaj yawartapis.

Génesis 9:4

Uj imallata mana mikhunaykichejchu tiyan: Yawarniyoj aychata, imaraykuchus chay yawarpi kausayqa kashan.

Levítico 19:25

Phishqa watamantataj mikhunkichej chay poqoykunata. Ajinamanta chay sach'asqa aswan sumajta poqopusonqachej. Noqamin kani Señor Diosniykichejqa.

Deuteronomio 12:16

Yawartaqa amapuni mikhunkichejchu, manachayqa jallp'aman suruykuchinkichej yakuta jina.

Deuteronomio 15:23

Yawarniyojtaqa amapuni mikhunkichejchu, manachayqa jallp'aman yakuta jina jich'ankichej.

1 Samuel 14:32

Atipaspaña soldadosqa rerqanku enemigosninkumanta qhechusqanku uywasta jap'ej, ovejasta, wakasta, waka uñasta ima. Chaykunata pampapi ñak'araspa mikhorqanku yawarnintinta.

1 Samuel 14:33

Chay wakinkunataj Saulman willamorqanku kay jinata: Runasqa juchallishanku Señorpa contrampi, aychata yawarnintillanta mikhushanku, nispa. Chaypacha Saulqa nerqa: Qankunaqa juchallikunkichej, tanqaspa kayman apamuwaychej uj jatun rumita.