Levítico 19:12 - Qheshwa Biblia DC

¹² Amamin sutiypi llullakuspaqa jurankichejchu, imaraykuchus jinamanta qankunaqa sutiyta qhesachawajchej. Noqamin Señorqa kani.

DIOSPA QHELQACHISQAN DEUTEROCANONICAL

¹² Amamin sutiypi tiluspa llullakunkichejchu, imaraykuchus Diosniykichejpa sutinta pisipaj qhawawajchej. Noqamin Tata Dios kani.

DIOSPA QHELQACHISQ

¹² Amamin sutiypi tiluspa llullakunkichejchu, imaraykuchus Diosniykichejpa sutinta pisipaj qhawawajchej. Noqamin Tata Dios kani.

Levítico 19:12 Referans Kwoze

Éxodo 20:7

Ama qhasimanta oqharinkichu Señor Diosniykej sutinta. Diosqa jasut'enqapuni pischus sutinta qhasimanta oqharejtaqa.

Deuteronomio 5:11

Ama qhasimanta Señor Diosniykej sutinta oqharinkichu. Diosqa manapuni saqenqachu mana jasut'ispa pischus sutinta qhasimanta oqharejtaqa.

Levítico 18:21

Amapuni Moloc nisqa lantiman wawasniykita mayqentapis rikuchikuta jina qonkichu. Ama chay jinamanta Diosniykej sutinta qhesachankichu. Noqamin Señorqa kani.

Santiago 5:12

Hermanosníy, amapuni juraychejchu, ni janaj pacharayku, nitaj kay pacharaykupis, nitaj waj juramentowampis. Maypachachus arí, ninkichej, arí kachun; maypachachus, mana ninkichej, mana kachun, ama juchachasqa kanaykichejpaj.

Levítico 24:11

Chay israelita warmej wawanqa Diospa contranta rimarqa, Diospa sutinta maldicispa. Chayrayku Moisesman pusamorqanku.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Zacarías 5:4

Tukuy Atiyniyoj Señor nin: Noqa kachamuni kay maldiciontaqa, pischus suwanku, pistajchus qhasimanta sutiypi juranku chaykunaj wasinman yaykunampaj. Chay maldiciontaj chaypi qhepakonqa, k'aspis jinataj rumis ni uj puchuyoj kanankama, nispa.

Salmos 15:4

Pichus sajrata ruwaj runata chejnin, pichus Señorta manchachikoj runatataj jatunchan. Mana allin rejtimpis imatachus nisqanta junt'an.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Jeremías 34:16

Chay qhepamanrí uj jinamantaj yuyayniykichejta tukucherqankichej, sutiypa jatun kayninta t'aqarqankichej, watejmanta kamachista wata runas jinaña kacharisqas kasqankumantaña.

Zacarías 5:3

Paytaj niwarqa: Chaypi tukuy jallp'aj maldicionninmanta qelqasqa kashan. Puraj ladopi escribisqa kasqanman jinaqa, pipis suwajqa chayri pipis qhasimanta jurajqa, mana jasut'isqapunichu kanqa.

Levítico 20:3

Noqa chay runaj contran kasaj, chinkachisajtaj ayllusnin chaupimanta, tiyakunayta jinallataj santo sutiytapis ch'ichichasqanmanta wawanta, Molocman jaywaspa.

Isaías 48:1

Jacobpa ayllun, kayta uyariy. Israelpa sutinwan sutichasqa runas, Judá ayllumanta mirasqas kajkuna, Señorpa sutinta oqharispa parlajkuna, Israelpa Diosninmanta yuyarikojkuna. Chaywampis, chayta ruwankichej mana cheqa kaywanchu, nitaj cheqan sonqowanchu.

Jeremías 5:2

Señorpa kausayninrayku jurajkunapis, llullakuspa juranku.