Levítico 16:31 - Qheshwa Biblia DC

³¹ Kay kamacheyqa wiñaypaj kanqa. Chay p'unchay qankunapajqa uj sumaj samarina p'unchay kashan. Chaypi sinch'itapuni sonqoykichejpi llakikunkichej ayunankichejtaj.

DIOSPA QHELQACHISQAN DEUTEROCANONICAL

³¹ Kay kamachisqaqa wiñaypaj kanqa. Chay p'unchay qankunapaj samarina p'unchay kanqa. Chay p'unchaytaj ayunankichej.

DIOSPA QHELQACHISQ

³¹ Kay kamachisqaqa wiñaypaj kanqa. Chay p'unchay qankunapaj samarina p'unchay kanqa. Chay p'unchaytaj ayunankichej.

Levítico 16:31 Referans Kwoze

Levítico 23:32

Chayqa qankunapaj kanqa uj samarikuna p'unchay, qankuna ayunanaykichejpaj, chay p'unchayta waqaychanaykichejpaj, chay killapi isq'on diaj ch'isiyayninmanta q'ayantin diaj ch'isiyayninkama.

Isaías 58:5

Noqaqa ajinatachu ayunota ruwanaykichejta munarqani, runa llakisqa kasqanta rikuchinan p'unchaypi? Qankunapajqa niytachu munan totora qhora jina k'umuykunata, chayri qhashqa p'achata churakuspa ushpha patapi puñunata? Chaytachu qankunaqa ayuno nispa sutichankichej, Señorpajtaj allin kananta yuyankichej?

Isaías 58:3

Imaraykutaj ninkichej: Noqaykoqa ayunayku, qantaj mana qhawariwaykuchu; noqaykoqa sonqoykuta llamp'uyachiyku, qantaj mana uyariwaykuchu, nispari? Qankunaqa ayunashaspa munasqaykichejta ruwankichej, chay p'unchaypipuni peonesniykichejtapis astawan llank'achej tukunkichej.

Levítico 25:4

Qanchis kaj watapitaj Señorpaj chay jallp'ata samarichinkichej. Chay watapi ama tarpunkichejchu chay jallp'api, nitaj uvas sach'astapis k'utunkichejchu.

Éxodo 35:2

Sojta p'unchayta llank'ankichej, qanchis kaj p'unchaypitaj Diosta yupaychaspa samarikunkichej, pillapis chay p'unchaypi llank'ajqa, wañonqa.

Éxodo 31:15

Sojta p'unchayta llank'allanqanku, qanchis kaj p'unchaypitaj samarikonqanku Señorta chay p'unchaypi yupaychaspa. Chayrayku pichus chay p'unchaypi llank'ajqa cheqamanta wañonqa.

Esdras 8:21

Chay qhepata Ahavá mayu qayllapi ayunota ruwanaykuta nerqani juchasniykumanta Diosniykoj ñaupaqempi k'umuykukunaykupaj, paymanta mañakunaykupaj, allillanta pusanawaykuta, familiasniykuta, jinallataj tukuy kapuwajniykutapis.

Daniel (hebreo) 10:12

Chaypacha niwarqa: Ama mancharikuychu, Daniel. Qanqa ñaupaj p'unchaymantapacha, mana entiendeyta atikoj imasta yachayta munaspa, Diosman k'umuykukuyta yuyaychakorqanki. Chaymantapacha, Dios uyarisorqa paymanta mañakusqaykita. Chayrayku noqa jamorqani.