Levítico 16:22 - Qheshwa Biblia DC

²² Ajinamanta chay chivoqa israelitaspa tukuy juchasninkuta ch'in pampaman apanqa. Chayman chay apaj runaqa kacharpayamonqa.

DIOSPA QHELQACHISQAN DEUTEROCANONICAL

²² Ajinata chivoqa israelitakunaj tukuy juchankuta ch'inman apanqa.

DIOSPA QHELQACHISQ

²² Ajinata chivoqa israelitakunaj tukuy juchankuta ch'inman apanqa.

Levítico 16:22 Referans Kwoze

1 Pedro 2:24

Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

San Juan 1:29

Juantaj q'ayantin, Jesusta payman jamushajta rikuspa, nerqa: Kaymá Diospa Corderon, runaspa juchanta qhechojqa.

Gálatas 3:13

Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

Miqueas 7:19

Ujtawan khuyarikullaytaj noqaykumanta, juchasniykutataj p'ampaykapuy. Mama qochaj ukhunman juchasniykuta wijch'uykapuy.

Salmos 103:12

Ama noqamanta karunchakuychu, Diosníy, usqhayta jamuy yanapariwaj.

Salmos 103:10

Enemigosniy wañuchiyta munawanku, paykuna pura parlanakunku, contraypitaj wakichikunku.

Ezequiel 18:22

Noqataj tukuy juchallikusqanmanta mana yuyarikusajchu. Payqa kausanqa cheqan kajta ruwasqanrayku.

Levítico 16:21

Chay chivoj umanman makisninta churaykuspataj, nenqa israelitaspa tukuy juchasninkuta, Diospa contrampi oqharikusqankuta, tukuy ima sajra ruwasqasninkutawan. Chay jinamanta israelitaspa juchasninkuta chay chivoj uman pataman churanqa. Chaymantataj chay chivota uj kachawan apachenqa, ch'in pampaman kacharpayamunampaj.

Levítico 16:23

Chaymantataj Aaronqa Dioswan tinkukuna toldoman yaykonqa. Chaypitaj linomanta ruwasqa p'achasninta lluch'ukonqa, mayqenkunatachus churakorqa Diospa tiyakunanman yaykunampaj, chay kikimpitaj saqeponqa.

Ezequiel 4:4

Qantaj lloq'emanta puñuykunki, Israel aylloj juchasnintataj pataykiman churaykukunki. Mashkha p'unchaykamachá puñunki chaykamataj, chay aylloj juchasninta pataykiman apanki.

Levítico 14:7

Chaymantataj qanchis kutita chay yawarwan ch'ajchonqa lepramanta llimphu kaj runata. Jinamanta nenqa lepramanta llimphuña kasqanta. Jinaspataj chay kausashaj p'isqota kachariponqa.