Levítico 14:46 - Qheshwa Biblia DC

⁴⁶ Pillapis chay wasiman yaykojqa, sacerdote qanchis p'unchayta wisq'achispa kashajtin chayqa, chay runa mana llimphupaj qhawasqachu kanqa ch'isiyaykuykama.

DIOSPA QHELQACHISQAN DEUTEROCANONICAL

⁴⁶ Sichus pipis sacerdote wasi wisq'asqa kananta kamachishajtin yaykunman chayqa, chay runa ch'isiyanankama mana llimphupaj qhawasqa kanqa.

DIOSPA QHELQACHISQ

⁴⁶ Sichus pipis sacerdote wasi wisq'asqa kananta kamachishajtin yaykunman chayqa, chay runa ch'isiyanankama mana llimphupaj qhawasqa kanqa.

Levítico 14:46 Referans Kwoze

Levítico 17:15

Mayqen israelitallapis, chayri karu llajtayoj qankunawan tiyakoj ima uywaj wañusqa aychanta mikhojqa, chayri ima sajra animalpa jap'isqampa puchu aychanta mikhojqa, p'achasninta t'ajsakunan tiyan, jinallataj ukhusnintapis yakuwan mayllakunan tiyan. Ch'isiyaykukamataj mana llimphupaj qhawasqa kanqa. Chaymantataj llimphuchasqa kanqa.

Levítico 15:10

Pillapis chay runaj tiyasqanta llankhan chayqa, chay llankhajqa ch'isiyanankama mana llimphupaj qhawasqachu kanqa. Chanta pillapis chay onqoyniyoj tiyasqa imasta apaykachajqa, p'achasninta t'ajsakunan tiyan, jinallataj paypis yakuwan mayllakunan tiyan. Ch'isiyaykamataj mana llimphupajchu qhawasqa kanqa.

Levítico 11:28

Kikillantaj pillapis chay uywas wañusqata oqharejqa, p'achasninta t'ajsakonqa, ch'isiyaykuykama ch'ichipaj qhawasqa kanqa. Qankunaqa chay animalesta ch'ichipaj qhawanaykichej tiyan.

Levítico 14:47

Pillapis chay wasipi mikhojqa, chayri puñojqa p'achasninta t'ajsanan tiyan.

Levítico 11:27

Ima tawa chakiyoj uywasllapis chaki plantasninkuwan purinku chayqa, chay animalesta qhawankichej ch'ichi uywapaj. Chanta pillapis chay wañusqa uywasta llankhajqa, ch'isiyaykuykama ch'ichipaj qhawasqa kanqa.

Levítico 11:31

Tukuy animalesmantaqa chaykunata ch'ichipaj qhawankichej. Pillapis chay wañusqa animalesta llankharejqa ch'isiyaykuykama ch'ichipaj qhawasqa kanqa.

Levítico 11:32

Jinallataj imamanchus chay wañusqas urmaykonqanku, chaypis ch'ichillapajtaj qhawasqas kanqanku. Tukuy ima maderamanta, p'achas, qaras, costales, llank'anapaj herramientaspis yakuman churasqas kanqanku, ch'ichipajtaj qhawasqas kanqanku ch'isiyaykuykama, chaymantataj llimphuman tukonqanku.

Levítico 11:39

Sichus mikhunaykichej kaj uywa wañunman chayqa, chaytataj pipis llankhajqa, ch'isiyaykuykama ch'ichichasqa kanqa.

Levítico 11:40

Pichus chay wañusqa animalpa aychanta mikhojqa, p'achasninta t'ajsakonqa, ch'isiyaykukamataj ch'ichichasqa kanqa. Pichus chay wañusqa animalta aysarejpis p'achasninta t'ajsakonqa, ch'isiyaykuykamataj ch'ichichasqa kanqa.