Levítico 13:46 - Qheshwa Biblia DC

⁴⁶ Chay lepra onqoyniyoj kashaspaqa mana llimphupajchu qhawasqa kanqa. Chantapis sapallan tiyakunan tiyan jaramanta jawapi.

DIOSPA QHELQACHISQAN DEUTEROCANONICAL

⁴⁶ Llejti onqoynin chinkanankama chay runa mana llimphupaj qhawasqa kanqa. Chantapis jaramanta jawapi sapallan tiyakunan tiyan.

DIOSPA QHELQACHISQ

⁴⁶ Llejti onqoynin chinkanankama chay runa mana llimphupaj qhawasqa kanqa. Chantapis jaramanta jawapi sapallan tiyakunan tiyan.

Levítico 13:46 Referans Kwoze

2 Reyes 7:3

Samaria llajtaj punkumpitaj tawa runas lepra onqoyniyoj karqanku. Chaykunataj paykuna ukhu ninakorqanku: Imapajtaj noqanchej kaypi kashanchej wañunanchejkamari?

2 Reyes 15:5

Señortajrí lepra onqoywan reyta onqoykucherqa, chay leprawantaj wañunankama onqosqallapuni karqa, uj sapan t'aqasqa wasipitaj tiyakorqa. Reypa wawan Jotamtaj israelitasta kamacherqa.

2 Crónicas 26:21

Rey Uziasqa wañupunankama lepra onqoyniyoj karqa, jinamanta reyqa sapan kausakorqa waj wasipi, Señorpa yupaychana wasinmantaj mana yaykunanta munarqankuchu, wawan Jonatantaj cuentanmanta kamacherqa, tukuy ayllutataj kamacherqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Apocalipsis 21:27

Chaymanqa mana ima ch'ichi kajpis yaykonqachu, nitaj millayta ruwajkuna, chayrí llullakojkunapis. Manachayqa Corderoj kausay librompi escribisqa kajkunalla yaykonqanku.

1 Timoteo 6:5

Kallantaj sajra runaspa qhasi mana kaj churanakuynin. Paykunaqa cheqa kajta mana rejsinkuchu, yuyankutaj Diosta yupaychayqa qolqeta jap'inallapaj kasqanta. [Paykunamanta karunchakuy.]

2 Tesalonicenses 3:14

Pichus kay cartapi nisqaykuta mana kasunmanchu chayqa, paymanta allinta qhawakuychej, amataj paywan tantakuychejchu, ajinamanta p'enqakunampaj.

2 Tesalonicenses 3:6

Kunanqa, hermanos, qankunata kamachiyku Señorninchej Jesucristoj sutimpi, mayqen hermanopis mana allinta purejmanta, kamachisqaykutapis mana jap'ejmanta ima, t'aqakunaykichejta.

1 Corintios 5:5

Chay runata supayman jaywaychej, aychan chinkachisqa kanampaj; almantaj salvasqa kanampaj Señor Jesuspa p'unchaynimpi.

San Lucas 17:12

Uj ranchoman qayllaykushajtintaj, chunka runas lepra onqoyniyoj payta taripaj llojsimorqanku. Paykunataj karullapi sayaykukorqanku.

Lamentaciones 1:8

Jerusalenqa anchatapuni juchallikorqa. Chayrayku qharqosqa karqa. Tukuy payta sumajpaj qhawajkunaqa qhesacharqanku, q'alallata rikusqankurayku. Chaynejta kunan payqa qhepaman kutirispa jik'un jik'unta waqashan.

Lamentaciones 1:1

Jerusalén llajtaqa chay chhika runayoj kashaspa ch'impacha qhepakun! Tukuy llajtasmanta chay chhika jatun llajta kashaspa viudaman jina tukun! Chay llajtaj muyuynimpi kaj suyusta kamachej llajtaqa impuestota paganan tiyan!

Proverbios 30:12

Wakin runasqa llimphus kasqankuta yuyakunku, manataj millay ch'ichi kasqankumanta llimphuchakuspapis.

Levítico 13:47

Sichus ima p'achapi, millmamanta, chayri linomanta ruwasqapi, qorwariyay rikhurinman chayqa, chayri ima awasqapi, linomanta, chayri millmamanta, chayri qaraspi, chayri qaramanta ima ruwasqapipis; sichus chay imaspi qorwariyayqa q'omeryasqa, chayri pukayasqa kanman chayqa, chay qorwariyayqa ch'ichichay qorwariyay kashan. Chaypachaqa chayta apaspa sacerdoteman rikuchikamuchun.

Levítico 14:3

Sacerdotetaj jaramanta jawaman llojsenqa chay onqosqata qhawanampaj. Sichus sacerdoteqa rikun chay runaj lepra onqoynin thañishasqantaña chayqa, sacerdoteqa apachimonqa iskay kausashaj p'isqosta, chaykunataj llimphus kananku tiyan; uj cedro maderatawan, puka q'aytuta, hisopo nisqa qhoratawan.

Levítico 23:29

Pichus chay p'unchayta mana allimpajchu qhawanqa ayunaspa chayqa, pipis kachun ayllusnin ukhumanta chinkachisqa kanqa.

2 Samuel 3:29

Juchachasqa kayqa urmachun Joabpa patanman, jinataj tukuy ayllumpa patanman, kunanqa wasimpi kajkunaqa onqollachunkupuni yawar apaywan, lepra onqoywan, chayri wist'u chaki kaywan, wañuchisqas kachunku chayri yarqhaymanta ñak'arichunku!

Lamentaciones 4:15

Paykunaqa nej kanku: Jatariychej ch'ichi runas; ayqeychej, ayqeychej, ama llujchiychejchu, nispa. Paykunaqa ayqekusqanku, tukuynejman ch'eqerasqanku, manaña jayk'ajpis kaypeqa tiyanqankuchu kasqa, nisqalla tukuy nacionespeqa karqa.