Levítico 11:40 - Qheshwa Biblia DC

⁴⁰ Pichus chay wañusqa animalpa aychanta mikhojqa, p'achasninta t'ajsakonqa, ch'isiyaykukamataj ch'ichichasqa kanqa. Pichus chay wañusqa animalta aysarejpis p'achasninta t'ajsakonqa, ch'isiyaykuykamataj ch'ichichasqa kanqa.

DIOSPA QHELQACHISQAN DEUTEROCANONICAL

⁴⁰ Pichus wañusqa animalpa aychanta mikhojqa p'achanta t'ajsakonqa, ch'isiyaykuykamataj mana llimphupaj qhawasqa kanqa. Jinallataj pichus wañusqa animalta orqhojqa p'achanta t'ajsakonqa, chantá ch'isiyaykuykama mana llimphupaj qhawasqa kallanqataj.

DIOSPA QHELQACHISQ

⁴⁰ Pichus wañusqa animalpa aychanta mikhojqa p'achanta t'ajsakonqa, ch'isiyaykuykamataj mana llimphupaj qhawasqa kanqa. Jinallataj pichus wañusqa animalta orqhojqa p'achanta t'ajsakonqa, chantá ch'isiyaykuykama mana llimphupaj qhawasqa kallanqataj.

Levítico 11:40 Referans Kwoze

Ezequiel 44:31

Sacerdotesqa mana mikhonqankuchu, kikinmanta wañusqa uywaj aychanta, nitaj lijrayojkunaj wañusqaspa aychantapis, nillataj ima millay animalpa wañuchisqantapis.

Levítico 22:8

Wañusqa uywaj aychanta mana mikhunanchu tiyan, chayri sajra animalpa jap'isqan puchoj aychata, ama chaywan ch'ichichasqa rikhurinampaj. Noqamin Señorqa kani.

Deuteronomio 14:21

Wañupoj animalesta amapuni mikhunkichejchu, imaraykuchus qankunaqa Señor Diosniykichejpa ajllakusqan kankichej. Qankunaj llajtaykichejpi tiyakoj karu llajtayojkunaman chay aychasta qoyta atinkichej, paykunaqa atillanku mikhuyta. Atillankichejtaj vendeyta karumanta jamojkunaman. Ñuñushaj cabra uñastaqa ama mamampa lechempi chayachinkichejchu.

Ezequiel 4:14

Noqa payman kuticherqani: Way, Señorníy. Manapuni jayk'ajpis kausayniypeqa ima millaytapis llankharerqanichu. Mana jayk'ajips pay kikinmanta wañusqa uywaj aychanta mikhuykunichu, nitaj millay animalespa sarwichasqan aychasta, nitaj millay aychatapis llamiriyta yachanichu, nispa.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

1 Corintios 10:21

Mana atiwajchejchu Señorpa copanmanta ujyayta, supaypa copanmantapis. Manataj atiwajchejchu Señorpa mesanmanta mikhuyta, supaykunaj mesanmantapis.

1 Corintios 6:11

Ajina karqankichej qankunamanta wakin; kunanrí mayllasqasña kankichej, juchamanta llimphuchasqasña, allinyasqastaj Señor Jesuspa sutinrayku, Diosninchejpa Espiritunnejta ima.

Zacarías 13:1

Jaqay tiempopeqa, yaku juturi kicharisqa kanqa, Davidpa ayllusnin jinataj Jerusalempi tiyakojkunajpa millay juchasninku pichasqa kanampaj.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Isaías 1:16

Llimphuchakuychej, mayllakuychejtaj. Ñawisniymanta chinkarichiychej sajra ruwayniykichejta. Saqeychej sajra ruwayta.

Números 19:19

Chaytaqa ch'ajchumonqa pichus llimphupaj qhawasqa kajlla, ujta kinsa kaj diapi, ujtataj qanchis kaj diapiwan. Chay qanchis kaj diapi ch'ajchuchikoj runataj, kutimuspa p'achasninta t'ajsakonqa, jinallataj ukhuntapis pay kikin mayllakonqa; jinamanta ch'isimpaj llimphupaj qhawasqa kanqa.

Levítico 16:28

Pichus chaykunata rupachimojqa p'achasninta t'ajsakuchun, ukhusnintawan yakuwan mayllakuchun. Chaymantaraj jaramanqa yaykuyta atenqa.

Levítico 16:26

Pichus chay chivota aparqa ch'in pampaman kacharpayamunampaj Azazelpaman chayqa, p'achasninta, ukhusninta ima yakuwan mayllakonqa. Chaymantataj jaramanqa yaykuyta atenqa.

Levítico 15:27

Pillapis chay imasta llankhajqa mana llimphupaj qhawasqachu kanqa. Chay llankhajqa p'achasninta t'ajsakunan tiyan. Paypis yakuwan mayllakunan tiyan. Ch'isiyaykamataj mana llimphupajchu qhawasqa kanqa.

Levítico 11:28

Kikillantaj pillapis chay uywas wañusqata oqharejqa, p'achasninta t'ajsakonqa, ch'isiyaykuykama ch'ichipaj qhawasqa kanqa. Qankunaqa chay animalesta ch'ichipaj qhawanaykichej tiyan.

Levítico 11:25

Pillapis chay wañusqa animalesta oqharejqa p'achasninta t'ajsakonqa, ch'isiyaykuykama ch'ichipaj qhawasqa kanqa.

Éxodo 22:31

Qankunaqa noqaman sonqoykichejta qowankichej, ama mikhunkichejchu monte animalespa jap'isqan sarwi aychata, chaykunataqa alqosman qopunkichej.

Levítico 11:39

Sichus mikhunaykichej kaj uywa wañunman chayqa, chaytataj pipis llankhajqa, ch'isiyaykuykama ch'ichichasqa kanqa.

Levítico 14:46

Pillapis chay wasiman yaykojqa, sacerdote qanchis p'unchayta wisq'achispa kashajtin chayqa, chay runa mana llimphupaj qhawasqachu kanqa ch'isiyaykuykama.

Levítico 15:15

Sacerdotetaj chaykunamanta ujninta rikuchikuta jina jaywanqa, runaj juchasninmanta, ujnintataj ruphachenqa. Ajinata sacerdoteqa Señorpa ñaupaqempi chay mujun suruchikoj runapaj ruwanqa, llimphupaj qhawasqa kanampaj.