Levítico 11:13 - Qheshwa Biblia DC

^13-19 Lijrasniyoj phawaykachajkunamanta ama mikhunkichejchu, millaypaj qhawankichej kaykunata: Ankasta, tullu p'aki ankasta, yaku ankasta, suwintusta, imaymana laya mamanista, imaymana laya q'arqañasta, surista, ch'useqasta, gaviotasta, imaymana laya gavilanesta, jukusta, cormoranista, ibiskunata, jatun kunkayoj pilista, jatun chhuruyoj yaku pilista, suweq'arasta, cigüeñasta, imaymana laya garzasta, abubilla nisqa p'isqosta, ch'iñista ima.

DIOSPA QHELQACHISQAN DEUTEROCANONICAL

¹³ Phuruyoj animalkunamantarí kaykunata ama mikhunkichejchu, manachayqa ch'ichipaj qhawasqa kasqanta qhawankichej: Ankata, kunturta, yaku ankata,

DIOSPA QHELQACHISQ

¹³ Phuruyoj animalkunamantarí kaykunata ama mikhunkichejchu, manachayqa ch'ichipaj qhawasqa kasqanta qhawankichej: Ankata, kunturta, yaku ankata,

Levítico 11:13 Referans Kwoze

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

San Mateo 24:28

Maypichá wañusqa kashan, chayman q'arqañas tantakonqanku.

Habacuc 1:8

Caballosninkupis tigresmanta aswan usqhayta purinku ch'in pampapi atojkunamantapis aswan manchachikuna, phiña animales kanku. Caballospi correjkunasninkupis ashkhamanta, sinch'itataj correrqanku, karumantapachataj jap'ej phinkiykorqanku imaynatachus águila jap'ej imamampis phinkiykun jinata.

Oseas 8:1

Waqachiy pututusniykita, imaynatachus uj qhawajqa Señorpa ayllunta mana puñuspa qhawan jinata, imaraykuchus noqawan tratonkuta p'akinku.

Lamentaciones 4:19

Noqaykuta tukuchinawaykupaj qhatiykachajkunaqa, ankasmantapis astawan sinch'ita phinkiykachanku. Tukuy orqospi mask'awayku, jap'inawaykupajtaj tukuy ch'inkunaspi misk'anasta churanku.

Jeremías 48:40

Señorqa nerqa: Moab runaspa enemigon anka jina lijrasnin kicharisqa paypa contrampi kachaykukun.

Jeremías 4:22

Israel aylloyqa ancha wampu, mana rejsiwanchu, nin Señorqa. Mana yuyayniyoj wawas kanku, mana allintachu unanchakunku. Juchata ruwanankupajqa churasqas kanku, manataj allin kajta ruwayta yachankuchu.

Jeremías 4:13

Qhawariychej, enemigosqa phuyu jina jamurishanku; ch'ajwapaj wakichisqa carretasninkoqa jatun muyoj wayraman rijch'akunku, caballosninkutaj ankasmantapis aswan sinch'i chakis kanku. Ay, imachus noqanchejqa chinkasqas kanchej!

Job 38:41

Pitaj q'arqañasman mikhuchin, irpasninku mikhunata mask'ashajtinku, chay jinata qhaparispa mañakushawajtinku?

Job 28:7

Chay ñantaqa ni ima p'isqo rikunchu, ni mamanis, nitaj suwintuspis.

Levítico 11:11

Chay aychasta ama mikhunkichejchu, millay uywaspaj qhawankichej, ni llujchirillankichejpischu may jina munana aychantapis.

Levítico 11:12

Yakupi tukuy kajkunamanta mana aletasniyoj, nitaj escamasniyoj kajkunamanta ama mikhunkichejchu. Kaykunaqa millay animalespaj qhawasqas kanku.

Zacarías 5:9

Ujtawan qhawarejtiytaj iskay warmis rikhurimorqanku lijrasniyoj. Wayrallataj paykunata apaykachasharqa. Lijrasninkoqa cigüeñaj lijrasnin jinas karqanku, chay medinatarí phawachispa apaykachasharqanku.