Levítico 10:6 - Qheshwa Biblia DC

⁶ Chaymantataj Moisesqa Aaronman, Eleazarman, Itamarmanwan nerqa: Ama q'ara umalla kaychejchu, nitaj p'achasniykichejtapis llik'ikuychejchu, wañusqarayku llakisqa kasqaykichejta rikuchispa, ama qankunapis wañunaykichejpaj, amataj qankunarayku Dios astawan sinch'i phiñakuyninta israelitasman rikuchinampaj. Manachayqa tukuynin ayllu masiykichej israelitasqa Señormin wañojkunata ninawan ruphachisqanmanta waqallachunku.

DIOSPA QHELQACHISQAN DEUTEROCANONICAL

⁶ Chaymanta Moisesqa Aaronta, chantá Eleazarta, Itamartawan ima nerqa: Ama mana ñajch'asqaqa kaychejchu, nitaj p'achaykichejtapis llik'ikuychejchu wañusqakunarayku llakisqa kasqaykichejta rejsichispa. Sichus chayta ruwankichej chayqa, qankunapis wañuchisqallataj kankichej, Tata Diostaj israelitakunapaj k'arajta phiñakonqa. Ayllu masiykichej israelitakunalla Tata Dios Nadabta, chantá Abiutawan ima ninawan ruphachisqanmanta waqachunku.

DIOSPA QHELQACHISQ

⁶ Chaymanta Moisesqa Aaronta, chantá Eleazarta, Itamartawan ima nerqa: Ama mana ñajch'asqaqa kaychejchu, nitaj p'achaykichejtapis llik'ikuychejchu wañusqakunarayku llakisqa kasqaykichejta rejsichispa. Sichus chayta ruwankichej chayqa, qankunapis wañuchisqallataj kankichej, Tata Diostaj israelitakunapaj k'arajta phiñakonqa. Ayllu masiykichej israelitakunalla Tata Dios Nadabta, chantá Abiutawan ima ninawan ruphachisqanmanta waqachunku.

Levítico 10:6 Referans Kwoze

Josué 22:18

Manachu chaywanqa wanankichej, imapajtaj kunan qankunapis Señormanta t'aqakunkichejrí? Kunanqa qankuna Señorpa contranta juchallikusqaykichejrayku, q'aya Señorqa israelitaspa contranta phiñarikonqa.

Josué 7:1

Judáj ayllunmanta ujnintaj Acán sutiyoj, Carmej wawan Zabdej allchhin, Zaraj allchhimpa wawan, wakin imasta pakaykorqa Señorman jaywasqa phirikuman kasharqa chay imasmanta. Chaynejta tukuynin israelitas juchayoj rikhurerqanku Señorpa ñaupaqempi, phirikunan imasta oqharisqankumanta. Chayrayku Diospa phiñakuynenqa paykunaj contrankuta k'ajarerqa.

Números 16:22

Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?

Números 1:53

Levitasqa Dioswan tinkukuna toldoj muyuyninman jarakonqanku chay toldota waqaychanankupaj, jinamanta ama Diospa phiñakuynin israelitasman jamunampaj.

2 Samuel 24:1

Señorqa sinch'ita phiñakullarqataj israelitaspa contrankupi, paykunaj contrankupitaj Davidta Señorqa yuyaycharqa, kamachispa Israel aylluta, Judá ayllutawan yupananta.

Josué 22:20

Yuyarikullaychejtaj Zaraj wawan Acán, Señorpaj rikuchiku jina ruphachisqa kanan kajta, chinkachisqataj kanan karqa chayta, pakaykusqanmanta Señorqa phiñarikorqa tukuy israelitaspa contranta. Jinamanta chaypacha mana Acanllachu juchasninrayku wañorqa.

Levítico 13:45

Pichus ajina llijti lepra onqoyniyojqa llik'isqa p'achasta churakuchun, ch'aska umallataj purichun, siminta qhataykukuspataj qhaparichun: Leprayoj kani! Leprayoj kani!, nispa.

Números 18:5

Qankunalla cuentayoj kankichej Diospa tiyakunampi imaschus kashan chaykunamanta, altarmantawan. Ajinamanta manaña phiñakusajchu israelitaswan.

Miqueas 1:16

Qanrí, Sión llajta, umaykita q'arakuy llakiyniykita rikuchispa chay sumaj munasqa wawasniykimanta. Astawan umaykita q'araykuy alqamarej umanman rijch'akunankama, imaraykuchus wawasniykeqa waj jallp'aman apasqas kanqanku.

Jeremías 7:29

Jerusalén runas, chujchasniykichejta k'utukuychej, wijch'uychejtaj. Llakiy wañuyta chay ch'in lomaspi takiychej. Señorqa may phiñasqa kashan kay runaspa contrampi. Paykunata saqerparin, qhesacharparintaj.

Josué 7:11

Israelitasqa juchallikunku, paykuna trato ruwasqayta p'akinku. Pakaykunku imaschus phirikunan chaymanta, suwanku, chayqa mana allin ruwana kasqanta yachashaspa, maypichus imasninkupis kashan chayman pakaykunku.

Deuteronomio 33:9

Paykunaqa tatasninkuta nerqanku: Mana jayk'ajpis rikorqaykuchu. Jinallataj wauqesninkuman nerqanku: Qankunata mana rejsiykuchu. Jinallataj wawasninkutapis nillanqankutaj: Mana yachaykuchu pikunachus kankichej, nispa. Paykuna nisqasniykita junt'anku. Israel aylluwan trato ruwasqaykita sumajta waqaychanku.

Números 14:6

Numpa wawan Josuewan, Jefunej wawan Calebwantaj, maykunachus jallp'ata qhawaj rerqanku chaykuna, p'achasninkuta llik'ikorqanku.

Números 5:18

Warmitataj Señorpa ñaupaqenman sayachenqa, chaypitaj q'ara umachenqa, makinwantaj jap'ichenqa, juchata sut'inchanampaj apamusqa tumpanakuy ofrendata. Sacerdotetaj jap'enqa chay maldicionta apamoj jaya yakuta.

Éxodo 33:5

Imaraykuchus Señorqa Moisesman nerqa: Israelitasman niy: Qankunaqa ancha rumi sonqos kankichej. Uj chhikantachus qankunawan riyman chayqa, qankunata uj ratopi tukuchiykichejman. Kunitampacha qhechukuychej tukuy k'achanchakunaykichej sumaj imasta, chaymanta noqa yachasaj imastachus qankunawan ruwayta.

Éxodo 6:23

Aaronqa casararqa Elisabetwan, mayqenchus karqa Aminadabpa ususin, Naasompa panan. Pay wawasta rejserqa Nadabta, Abiuta, Eleazarta, Itamartawan.

Números 20:25

Qan, Moisés, Aaronta wawan Eleazartawan Hor orqoman pusay.

Esdras 7:5

Buquitaj Abisuajta wawan. Abisuataj Fineespa wawan. Fineestaj Eleazarpa wawan. Eleazartaj ñaupaj kaj sacerdote Aarompa wawan karqa.