Levítico 10:14 - Qheshwa Biblia DC

¹⁴ Pecho aychatarí sumajnin kaj rikuchiku kashan chayta, pierna aychatawan, qankunaman qosqa kajta mikhunkichej Diospaj t'aqasqa cheqapi, qan, qhari wawasniyki, warmi wawasniyki ima. Chaykuna qankunaman chayasunkichej israelitaspa apamusqankuta allinyakuy rikuchikusmanta.

DIOSPA QHELQACHISQAN DEUTEROCANONICAL

¹⁴ Tata Diosman ikhaspa jaywasqamanta uywaj qhasqonta, chantá qankunapaj t'aqasqa piernatawan Diospaj T'aqasqa Cheqapi mikhunkichej. Chayqa qanpaj, churiykikunapaj, ususiykikunapaj ima qosqa kashan israelitakuna k'achata kawsakuy jaywanata Diosman apamusqankumanta.

DIOSPA QHELQACHISQ

¹⁴ Tata Diosman ikhaspa jaywasqamanta uywaj qhasqonta, chantá qankunapaj t'aqasqa piernatawan Diospaj T'aqasqa Cheqapi mikhunkichej. Chayqa qanpaj, churiykikunapaj, ususiykikunapaj ima qosqa kashan israelitakuna k'achata kawsakuy jaywanata Diosman apamusqankumanta.

Levítico 10:14 Referans Kwoze

Números 18:11

Chanta qollasqaykitaj, qanwan tiyakoj qhari wawasniykiman warmi wawasniykimanwan, israelitas sumajnin kaj ofrendata qowasqankumanta. Kay imasta ruwanapaj leyqa wiñaypaj kanqa. Pillapis wasiykipi llimphuchasqa kajqa, chay imasta atillanqapuni mikhuyta.

San Juan 4:34

Jesustaj paykunaman nerqa: Mikhuyneyqa kachamuwajniypa munayninta junt'anay, ruwanantataj tukuchanay.

Levítico 9:21

Chaymantataj Aaronqa pecho aychasta, iskaynin paña pierna aychastawan oqharikuspa Señorman rikucherqa Moisespa kamachisqanman jina.

Éxodo 29:33

Chaykunata mikhonqanku, imaraykuchus chaykunaqa juchaj cuentanmanta jaywasqas karqanku; paykunaqa t'aqasqas kanku, sacerdotes kanankupaj chay corderonejta. Waj runasqa chaymanta kaj mikhuyta mana mikhuyta atinkuchu, imaraykuchus chay mikhunasqa mana juchayojpa mikhunanmin.

Levítico 10:13

Chaytaqa mikhuychej Diospaj t'aqasqa cheqapi. Chayqa qanman wawasniykimanwan chayasunkichej Señorman qosqa ruphachisqa rikuchikusmanta. Kayta Señorqa kamachiwarqa.

Números 5:9

Ima ramastachus, ofrendastawan israelitas Señorman qonankupaj t'aqanku, apankutaj sacerdotej ñaupaqenman, chaykunaqa sacerdotepaj kanqa.

Ezequiel 42:13

Runaqa niwarqa: Wichay ladopi kaj wasis, jinallataj uray ladopi kaj wasispis, mayqenkunachus patio wisq'asqapi kashanku chay wasisqa Diospaj t'aqasqas kanku. Señorman qayllaykoj sacerdotesqa chay wasispi jaywasqa imasta mikhunku. Paykunaqa chayllapitaj Diosman jaywasqa imasta churanku, uywa wañuchisqasta, jucharayku jaywasqasta ima, imaraykuchus chay cheqaqa llimphumin.

Levítico 22:13

Sichus sacerdotej warmi wawan chay warmi wawan viuda qhepakunman, chayri qosanmanta t'aqasqa, kutipuntaj tatampa wasinman, manataj wawasniyojchu, ñaupajta sipas kashaspa tatanwan tiyakorqa jinata chayqa, tatampa mikhunasninmanta mikhuyta atin. Chaywampis waj runaqa chay mikhunasmanta mikhuytaqa manapuni atinchu.