Lamentaciones 4:3 - Qheshwa Biblia DC

³ Atojkunapis uñasninkuman ñuñuchinku. Aylluypa wawanqa ancha sajra, ch'in pampapi suris jina.

DIOSPA QHELQACHISQAN DEUTEROCANONICAL

³ K'ita alqokunapis uñankuman ñuñuchinku. Llajtaypa runankunarí ancha millay sajra kanku, imaynatachus ch'in pampapi suri irpanta mana khuyarinchu, ajina.

DIOSPA QHELQACHISQ

³ K'ita alqokunapis uñankuman ñuñuchinku. Llajtaypa runankunarí ancha millay sajra kanku, imaynatachus ch'in pampapi suri irpanta mana khuyarinchu, ajina.

Lamentaciones 4:3 Referans Kwoze

Ezequiel 5:10

Chayrayku, qankuna ukhupi wawasninkuta mikhuykojkuna kanqanku, jinallataj wawaspis tatasninkuta mikhuykojkuna kanqanku. Jasut'isniyta qampi rikuchisaj, qanmanta puchojtataj tukuynejman cheqerachisaj.

Lamentaciones 4:10

Ñaupajta k'acha khuyakuyniyoj warmis kajkunaqa, wawasnillankutataj wayk'uykakaporqanku. Kikin wawasnillankutataj mikhuykakaporqanku, aylluypa llajtan chay jina thuñisqa kajtin.

Lamentaciones 2:20

Pitachus kay jinata ruwasqaykitaqa khuyariy ari Señor. Kay warmisqa wijsankumanta llojsisqa wawasninkuta mikhullanqankuchu, chay juch'uy wawasninkuta ima? Dioswan parlana cheqapi sacerdoteswan, profetaswanqa wañurachisqaschu kanqanku?

Jeremías 19:9

Saqellasaj runas kikin qhari wawasninkuta, jinataj warmi wawasninkutapis mikhuykunankuta. Purajmanta mikhunakunankutapis, chay wañuchej enemigosninku llajtata muyuykojtinku, mana aguantayta atisqankurayku.

Levítico 26:29

Jinamanta qankunaqa mikhunkichej qhari wawasniykichejta, warmi wawasniykichejtapis.

Isaías 49:15

Uj warmeqa wawitanta qonqarparinmanchu? Wijsanmanta llojsej wawanta manachu munakunman? Pay qonqapunman chaypis, noqaqa ni jayk'aj qonqasqaykichu.

Isaías 13:22

Palaciosninkupeqa atojkunalla waqanqanku, sumachaj wasisninkupitaj k'ita alqoslla tiyanqanku. Babiloniaj ñak'ariy p'unchayqa qayllamushanña, chay p'unchayqa jamonqapuni.

Isaías 34:13

Chay palaciosninkupeqa khishkaslla wiñanqanku, pakakunasninkupipis itapalloswan, qhorasllawan wiñanqanku. Chantapis chaykunapeqa atojkunallaña puñonqanku, chay patiosnintaj surispa wasillanña kanqa, osqhollus tiyakonqanku, tarukaspis, cabraspis chaypi qhaparinakonqanku, tuta purej sajrapis chaypi tiyakonqa, samarikonqataj.

1 Reyes 3:21

Tutamanta rijch'arejtiytaj wawayman ñuñuta qonaypaj wañusqallataña rikorqani. Chanta allinta sut'iyamojtintaj qhawaykorqani, manataj chay nacechikorqani chay wawachu karqa.