Lamentaciones 1:5 - Qheshwa Biblia DC

⁵ Enemigosninkoqa kamachejkuna kanku, chay chejnejkunasninkoqa mayta qhapajyanku. Jerusalentaqa Señorpuni chay jinata llakichin, chay chhikata juchallikusqanrayku. Wawasnenqa enemigosninnejta karuman apasqas karqanku.

DIOSPA QHELQACHISQAN DEUTEROCANONICAL

⁵ Awqankunaqa mayta qhapajyarinku, paykunaj makinkupitaj kashan. Jerusalentaqa Tata Diospuni chay jinata llakichin, may chhikata juchallikusqanrayku. Wawankukunapis waj suyukunaman chayarqanku awqankoj apasqanrayku.

DIOSPA QHELQACHISQ

⁵ Awqankunaqa mayta qhapajyarinku, paykunaj makinkupitaj kashan. Jerusalentaqa Tata Diospuni chay jinata llakichin, may chhikata juchallikusqanrayku. Wawankukunapis waj suyukunaman chayarqanku awqankoj apasqanrayku.

Lamentaciones 1:5 Referans Kwoze

Ezequiel 9:9

Señortaj kutichiwarqa: Israel aylloj juchanqa may jatumpuni, jinallataj Judajtapis. Kay jallp'aqa wañunachikuywan junt'a kashan. Llajtapis sajra ruwaykunawan junt'asqa kashan. Paykuna yuyanku noqa kay nacionta saqepusqayta, imatachus ruwasqankuta mana rikusqayta.

Jeremías 39:9

Qhepatataj Nabuzaradán reypa soldadosninta kamachej runa Babiloniaman apacherqa llajtapi qhepakojkunata, jinallataj caldeosman chimpajkunatapis.

Lamentaciones 3:46

Tukuy enemigosniyku noqaykoj contrallaykutapuni parlarinku.

Lamentaciones 2:17

Señorpuni kaytaqa ruwan imatachus nisqanman jina. Señorqa junt'an palabrasninta, unaymantapacha kamachisqasninta. Payqa chinkacherqa manataj perdonanchu, enemigosniyki qanmanta asikojtin qhawallarqa. Enemigosniykej atiyninta astawan jatunyacherqa.

Lamentaciones 1:18

Señorqa cheqampuni, noqarí paypa contranta oqharikorqani. Kunanqa, runakuna, tukuy qhawaychej, rikuychejtaj imaynachus nanayniy kasqanta. Llimphu sipaskunasniywan, waynakunasniywan karuman apachisqas kanku.

Jeremías 23:14

Jerusalenmanta profetasta rikullanitaj manchay millay imasta ruwashajta. Qhenchachakunku, ch'aukiyankutaj, astawantaj umachakunku chay juchasapasta. Chayrayku paykunaqa mana juchamanta t'aqakunkuchu. Paykuna, chantá llajtapi tiyakojkuna noqapaj Sodoma llajta jina, Gomorra llajta jinataj kanku.

Jeremías 12:7

Aylluyta saqerparini, noqaypata kajllata saqerparini. Chay munasqa nacionniyta enemigosniyman enqhaykuni.

Jeremías 5:29

Manachu kay tukuymantaqa jasut'isaj? Manachu ajina runasmanqa chay ruwasqankuman jina qopusaj? Noqa Señormin chayta nini.

Isaías 63:18

Pisi p'unchaykunallapaj Santo llajtaykeqa jap'erqa, Enemigosniykutaj yupaychana wasita saruranku.

Salmos 89:42

Qan enemigosninwan atipacherqanki, contrariosnintataj mayta kusicherqanki.

Salmos 80:6

Qayllaykupi kajkunaj kusipayananta ruwawayku, enemigosniykutaj noqaykumanta asikunku.

Deuteronomio 31:29

Noqaqa yachani wañupusqaymanta qhepamanqa juchallikunaykichejta, saqenaykichej chay ñanta qhatinaykichejta nerqaykichej chayta. Chantaqa yachallanitaj qhepamanqa llakiykuna jamusunaykichejta, Señorpa munasqanta mana allinta ruwasqaykichejmanta, chay imaswan phiñachisqaykichejmantataj.

Isaías 22:5

Tukuy Atiyniyoj Señorqa nerqa qhaparina llakiy atipachikuna p'unchay chayamunanta. Hinom vallepitaj perqasta urmachinku, qhapariykunataj orqosman chayan.

Jeremías 10:20

Toldosniypis tukuynin llik'irasas kashanku, tukuy watanasnimpis p'itirasqas kashanku. Wawasniypis saqerapuwanku, manaña kankuchu, manaña pipis toldosniyta oqharipuwajqa kanchu, nitaj lonasninta aysaykurejpis kanchu. Profeta kutichin:

Lamentaciones 1:8

Jerusalenqa anchatapuni juchallikorqa. Chayrayku qharqosqa karqa. Tukuy payta sumajpaj qhawajkunaqa qhesacharqanku, q'alallata rikusqankurayku. Chaynejta kunan payqa qhepaman kutirispa jik'un jik'unta waqashan.

Ezequiel 9:10

Chayrayku noqapis paykunamanta mana uj pisillatapis khuyarikusajchu, manachayqa tukuy sajra purisqankumanta cuentata mañasaj.

2 Reyes 21:15

Noqaj ñaupaqeypi tukuy ima sajrata ruwasqankuwan anchataña phiñachiwanku, ñaupa tatasninku Egiptomanta llojsimusqankumantapacha kunankama.

Lamentaciones 1:16

Chayrayku noqaqa manchayta waqarikuni; ñawisniymanta waqayqa sururishan. Mayta kusichispa sonqochawajneyqa saqerpariwan. Wawasneyqa tukuynin wañurachisqas kanku, enemigosniykutaj atipawaykupuni.