Lamentaciones 1:3 - Qheshwa Biblia DC

³ Judá llajtapi tiyakojkunaqa karuman apachisqas karqanku; chaypeqa may ñak'arichisqas kanku, mana ruway atina kamachipitaj. Waj nacionespa chaupimpi tiyakojqa, manataj samakuyta jap'iyta atinchu. Tukuynin enemigosnenqa ujllata qhatiykuspa, uj k'ullkupi jina jap'erparerqanku.

DIOSPA QHELQACHISQAN DEUTEROCANONICAL

³ Judá suyupi tiyakojkuna karu suyukunaman apasqa kanku. Chaypi may ñak'arichisqa kanku, sinch'i ruwanawan. Waj suyukunaj chawpinpi tiyakuspa, mana samariyta tarinchu. Awqakunawan muyurisqa kaspataj mana ayqeyta atinchu.

DIOSPA QHELQACHISQ

³ Judá suyupi tiyakojkuna karu suyukunaman apasqa kanku. Chaypi may ñak'arichisqa kanku, sinch'i ruwanawan. Waj suyukunaj chawpinpi tiyakuspa, mana samariyta tarinchu. Awqakunawan muyurisqa kaspataj mana ayqeyta atinchu.

Lamentaciones 1:3 Referans Kwoze

Lamentaciones 2:9

Punku wisq'anasninkoqa pampaman wijch'usqas karqanku. Aldabasninkupis p'akirasqas karqanku. Reyninkuwan kurajkunasninkuwanqa maypichus kamachiykunas mana kanchu, chaykunaj chaupinkupi kashanku. Profetasninkupis Diosmanta mosqoypi jina manaña imatapis astawan rikuyta aterqankuchu.

Ezequiel 5:12

Qankuna ukhupi kinsaman t'aqasqamanta uj t'aqa, onqoywan wañuranqanku, chayri yarqhaywan qankuna chaupipi tukukonqanku. Uj t'aqataj espadawan wañurachisqas muyuyniykipi kanqanku. Ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Jeremías 52:15

Chaymantaqa Nabuzaradanllataj Babiloniaman pusarqa chaypi wijch'usqas kamunankupaj, tukuy chay llajtapi puchojkunata, jinataj Babiloniamanta reywan ujchakojkunata tukuy puchojkunatawan.

Jeremías 52:8

Jinapis caldeosmanta kajkuna soldadosqa rey Sedequiasta qhatiykorqanku, chay Jericó pampanejpitaj taripamorqanku. Soldadosnintaj payta saqerparerqanku, tukuynejmantaj ch'eqeraporqanku.

Jeremías 39:9

Qhepatataj Nabuzaradán reypa soldadosninta kamachej runa Babiloniaman apacherqa llajtapi qhepakojkunata, jinallataj caldeosman chimpajkunatapis.

Jeremías 24:9

Paykunata mancharikunapaj jina ruwasaj, tukuy jallp'api kaj nacionespaj; p'enqakunankupaj jina, cuentakunankupaj jina, asikunankupaj jina, maldición kanankupaj jina, maymanchus chayanqanku chay naciompi.

Jeremías 16:16

Noqa jamuchisaj ashkha challwa jap'ejkunata, noqa Señor chayta nini, challwasta jina israelitasta jap'inankupaj, chanta kachamullasajtaj ashkha uywa wañuchejkunata, wañurachisunaykichejpaj tukuy orqospi, lomaspi, jinataj chay chhanka k'ajllusnimpipis.

Jeremías 13:19

Neguevmanta llajtas muyuykusqasña kanku, ni pi chayninta pasayta atinchu. Tukuynin Judamanta kajkuna presos apasqas karqanku, jallp'ankumanta tukuynin wijch'usqas kaspa.

2 Reyes 25:21

Babiloniamanta reytajrí paykunata Riblapi wañuracherqa Hamat nisqa cheqapi. Ajinata Judamanta kajkunaqa jallp'ankumanta presos apasqas karqanku.

2 Reyes 25:11

Llajtapi qhepakojkunata Babiloniamanta reywan wakin ujchukusqanku chaykunata, pikunachus kamachina runaslla kajkunatawan, Nabuzaradanqa tukuyninkuta Babiloniaman presosta apakaporqa.

2 Reyes 25:4

Llajtaj perqanta jusk'uraytawan, chayninta soldadosqa reywan khuska tutapacha ayqekorqanku iskaynin perqaspa chaupimpi punkunnejta, reypa huertan chay ñannejta, caldeos llajtaj muyuynimpi qhawaspa kashajtinku. Rey Sedequiastaj Arabá ñanninta riporqa.

2 Reyes 25:5

Caldeospa soldadosnintaj reyta qhatiykorqanku. Jericó pampapi taripaspataj presochaykorqanku. Tukuynin soldadosnimpis saqerpayaytawan tukuynejman ayqekorqanku.

Deuteronomio 28:48

Señorpa kachamusqan enemigosniykichejpa kamachisqasninta ruwankichej. Chantapis yarqhayniyoj, ch'akiyniyoj, pisi p'achayoj ima kankichej, tukuy imataj pisisonqachej. Señor sinch'ita llakichisonqachej chinkanaykichejkama.

Lamentaciones 4:15

Paykunaqa nej kanku: Jatariychej ch'ichi runas; ayqeychej, ayqeychej, ama llujchiychejchu, nispa. Paykunaqa ayqekusqanku, tukuynejman ch'eqerasqanku, manaña jayk'ajpis kaypeqa tiyanqankuchu kasqa, nisqalla tukuy nacionespeqa karqa.

Lamentaciones 5:5

Atisqaykuta ñak'arichiwayku. Sinch'i sayk'usqaña kayku, mana noqaykupajqa samarikuy kanchu.