Lamentaciones 1:21 - Qheshwa Biblia DC

²¹ Waqashajta uyariwarqanku, manataj pipis sonqochaykuriwaj kanchu. Tukuy enemigosniy yachanku mana allimpi kasqayta, maytataj kusikunku qan kay jinata ñak'arichiwasqaykimanta. Paykunamampis jasut'ita apachimusaj nisqaykitaqa apachimunki, chaypachataj paykunapis noqa jina kanqanku.

DIOSPA QHELQACHISQAN DEUTEROCANONICAL

²¹ Waqashajta uyariwanku, manataj pipis sonqochaykuriwaj kanchu. Tukuy awqaykuna mana allinpi kasqayta yachanku, maytataj kusikunku kay jinata ñak'arichiwasqaykimanta. Paykunamanpis jasut'isaj, nispa nisqaykita apachimullayña, paykunapis noqa jina ñak'arinankupaj.

DIOSPA QHELQACHISQ

²¹ Waqashajta uyariwanku, manataj pipis sonqochaykuriwaj kanchu. Tukuy awqaykuna mana allinpi kasqayta yachanku, maytataj kusikunku kay jinata ñak'arichiwasqaykimanta. Paykunamanpis jasut'isaj, nispa nisqaykita apachimullayña, paykunapis noqa jina ñak'arinankupaj.

Lamentaciones 1:21 Referans Kwoze

Lamentaciones 1:8

Jerusalenqa anchatapuni juchallikorqa. Chayrayku qharqosqa karqa. Tukuy payta sumajpaj qhawajkunaqa qhesacharqanku, q'alallata rikusqankurayku. Chaynejta kunan payqa qhepaman kutirispa jik'un jik'unta waqashan.

Lamentaciones 2:15

Ñanta tukuy rejkunaqa qanmanta asiykukuspa, makisninkuta t'ajllarakamunku. Silbamuspa, umasninkuta khiwirispataj Jerusalén llajtamanta ninku: Kaymin chay chhika sumaj mentasqanku llajtaqa, tukuyta kay pachapi kusichejqa, nispa.

Lamentaciones 1:22

Qampa ñaupaqeykiman chayamuchun tukuy sajra ruwasqasninku. Imaynatachus noqa contraykita juchallejtiy ruwarqanki, ajinallatataj paykunatapis ruway ari. Anchataña llakikuni. Chaynejta sonqoyqa ancha nanasqaña.

Lamentaciones 1:16

Chayrayku noqaqa manchayta waqarikuni; ñawisniymanta waqayqa sururishan. Mayta kusichispa sonqochawajneyqa saqerpariwan. Wawasneyqa tukuynin wañurachisqas kanku, enemigosniykutaj atipawaykupuni.

Jeremías 50:11

Qankuna caldeos, aylluyta ch'uskirarqankichej chaykuna kusikuychej, asirikuychejtaj. Waka uña jina q'omer pampaspi sink'uriychej. Caballos jinataj qhapariychej.

Salmos 35:15

Urmajtiyrí tukuy noqamanta asikunku. Mana rejsisqay waj runas jina, maqawarqankutaj mana samarispa.

Lamentaciones 1:4

Sión llajtaj ñankunasnenqa ch'impacha llakiy, mana pipis jatun fiestanman jamoj kanchu. Llajta punkusqa tukuynin thuñisqas, ch'impachataj; chaynejta sacerdotesqa jik'un jik'unta waqarikunku; llimphu sipaskunasninkoqa manchay llakisqas kanku; Jerusalenqa phutiypa atipasqan kashan.

Lamentaciones 1:2

Tukuy tuta, sonqo nanayta waqan; waqaynenqa uyan urayta sururishan. Mana mayqen munasqallampis sonqochaykurej kanchu; tukuy kausaqesnin wasancharqanku, enemigosninmantaj tukorqanku.

Jeremías 51:24

Noqa rikunaykichejta Babiloniaman, caldeosmampis imastachus munasqankuman jina jasut'isaj Sión orqopi millay imasta ruwasqankurayku. Noqa Señor chayta nini.

Apocalipsis 18:6

Payman kutichipuychej, imaynatachus qankunaman qorqasunkichej ajinata; ruwasqasninman jinataj iskay kutitawan kutichipuychej, ima copapichá qankunaman ujyachisorqachej, chayllapitaj iskay kutitawan ujyachiychej.

Joel 3:14

Decidikuna Vallepeqa, manchay ashkhapuni kashanku. Señorpa p'unchaynenqa qayllamushanña.

Jeremías 51:49

Arí, Babiloniaqa urmanqapuni, Israel ayllu ukhupi wañurachisqanmanta, jinataj tukuy kay pachapi wañurachisqasninmantapis.

Jeremías 50:31

Tukuy Atiyniyoj Señor nin: Phiñankuta mask'aj nación contraykipi noqa kashani; jasut'inasuy chay p'unchayqa chayamunña.

Jeremías 50:29

Wajtamuychej tukuy wach'inasniyojkunata, Babiloniata jap'ej yaykunankupaj. Llajtaj tukuy muyuynimpi jarakuychej ama pipis ayqenampaj. Imatachus ruwasqasninman jina qopuychej, imaraykuchus paypis ruwasqanan jina ruwaychej. Payqa noqawan ayñanakullawampuni, noqa Israelpa Señor Santo Diosninwan.

Jeremías 50:15

Tukuynejpi maqanakunapaj jina qhapariykunasta uyarichiychej. Babilonia atipakunña. Torresnin, perqasnimpis thuñiykukunku. Kaymin ayni kutichisqayqa. Paymanta astawan aynita kutichiychej. Imaynatachus chay nacionestawan pay ruwarqa ajinata ruwaychej.

Jeremías 48:27

Manachu qanqa Moab Israelmanta alqochakorqanki, payta chejnikuspataj parlaj kanki suwapis kanman jina?

Jeremías 30:16

Jinaqa, tukuy qanta oqoykusojkunaqa oqoykusqasllataj kanqanku. Qanta ch'uskisojkunaqa ch'uskisqasllataj kanqanku. Tukuy enemigosniyki wijch'usqas kanqanku. Qanta suwasojkunapis suwasqasllataj kanqanku.

Salmos 38:16

Noqaqa nini ama asikunawankuta, noqa urmajtiy, ama takinankuta nini.

Salmos 37:13

Señortaj paymanta asikun, imaraykuchus yachan sajrapajqa horan chayamusqantaña.

Isaías 14:5

Señorqa sajra runaspa wajtanan k'aspita p'akirparin, ñak'arichej runaspa tojnuntapis.

Isaías 14:6

Payqa phiñakuyninwan nacionesta jasut'ej, mana sayk'uspataj seq'oj; phiñakuyninwantaj nacionesta ñak'arichej, mana khuyaspa qhatiykachaj.

Lamentaciones 2:16

Tukuy enemigosniyki qampajqa rimanku. Paykunaqa alqochakuspa, kirusninkuta k'arurakuspataj ninku: Kaytaqa chinkachinachej; noqanchejqa kaytapuni suyasharqanchej. Kayqa kunanqa, rikunchejña, nispa.