Lamentaciones 1:2 - Qheshwa Biblia DC

² Tukuy tuta, sonqo nanayta waqan; waqaynenqa uyan urayta sururishan. Mana mayqen munasqallampis sonqochaykurej kanchu; tukuy kausaqesnin wasancharqanku, enemigosninmantaj tukorqanku.

DIOSPA QHELQACHISQAN DEUTEROCANONICAL

² Jerusalén llajta runa jina tukuy tuta sonqo nanayta waqan, waqayninpis uyanta sururin. Waynankunamanta ni mayqen sonqochaykurej kanchu. Tukuy kawsaqenkuna wasancharqanku, awqanmantaj tukorqanku.

DIOSPA QHELQACHISQ

² Jerusalén llajta runa jina tukuy tuta sonqo nanayta waqan, waqayninpis uyanta sururin. Waynankunamanta ni mayqen sonqochaykurej kanchu. Tukuy kawsaqenkuna wasancharqanku, awqanmantaj tukorqanku.

Lamentaciones 1:2 Referans Kwoze

Salmos 6:6

Sayk'uniña jik'unta waqaspa. Tukuy tutas waqakuni puñunayta ch'aranchaspa.

Miqueas 7:5

Ama creeychu runa masiykej nisqampi, nitaj ni mayqen kausaqeykipipis confiakuychu; warmiykiwan imatachus parlanaykitapis allintaraj umacharikuy;

Lamentaciones 1:21

Waqashajta uyariwarqanku, manataj pipis sonqochaykuriwaj kanchu. Tukuy enemigosniy yachanku mana allimpi kasqayta, maytataj kusikunku qan kay jinata ñak'arichiwasqaykimanta. Paykunamampis jasut'ita apachimusaj nisqaykitaqa apachimunki, chaypachataj paykunapis noqa jina kanqanku.

Lamentaciones 1:19

Munasqasniyta qhawarikorqani, paykunataj astawan ch'aukiyawanku. Sacerdotesniywan, kurajkunasniywanqa llajta ukhupi tukukunku, kausanankupaj mikhunata mask'akuspa.

Lamentaciones 1:9

P'achanqa millay ch'ichi kashan, manataj yuyarikusqachu imaynatachus tukukunanmanta. Chayrayku payqa mana yuyasqamanta urmarparin, manataj pipis sonqochaykurej kanchu. Qhawariway ari Señor, llakiyniyta, enemigosniypis manchayta wapuykachasqankuta.

Jeremías 30:14

Tukuy munapayasojkuna qonqapusorqanku; manañataj pipis qanmanta llakikunchu. Noqa qantaqa nanaykucherqayki enemigosniykipis kayman jina, manchay sinch'ita jasut'erqayki may chhika sajra ruwasqasniykimanta, mana yupay atina juchasniykimanta ima.

Jeremías 13:17

Sichus mana kasuwankichej chayqa, mayta runaykachasqaykichejrayku pakayllapi waqasaj, ñawisniymanta waqaykuna sururenqanku; Señorpa ayllonqa waj llajtaman presos apasqas kashanku.

Jeremías 9:1

Imaynapichus ñawisniy yaku juturi jina kanan, jinamanta tuta p'unchay unun paranta waqanaypaj llajtay ukhupi wañurasqankumanta.

Jeremías 4:30

Qanrí, raqayllaña kaj llajta, Imapajtaj puka p'achaswan p'achallikunkiri? Imapajtaj qori k'achanchanaswan k'achanchakunkiri? Imapajtaj ñawisniykita yanawan tiñikunkiri? Mana imapaj allinchu kasonqa chay k'achanchakusqasniykeqa, tukuy munapayasojkunaqa qhesachasunkuña, astawampis wañuchinasunkupaj mask'ashasunku.

Salmos 31:11

Tukuy enemigosniypa kusipayanan kani. Runa masiypa asikunan kani. Rejsiwajkunataj noqamanta ayqekuwanku. Callepi rikuwajkunapis ayqenku.

Apocalipsis 17:16

Chay chunka wajras, phiña animalpi rikorqanki chaykuna, qhenchachakoj warmita chejnenqanku, sapanta q'alallata saqerpayanqanku, aychantataj mikhonqanku, ninawantaj ruphachenqanku.

Apocalipsis 17:13

Chaykunaqa uj yuyayniyojlla kanku. Phiña animalman kallpankuta, atiyninkutawan qonqanku.

Oseas 2:7

Munasqa qharisninta qhatiykonqa. Chaypacha nenqa: Kutiykapusaj ñaupa qosayman, imaraykuchus paywan kunanmanta aswan sumajta purej kani, nispa.

Ezequiel 16:37

Chayrayku, pistachus munakorqanki chay tukuyta noqa tantaykusaj. Jinallataj pikunatachus munakorqanki, chanta pikunatachus chejnikorqanki chay tukuyta. Paykunataqa muyuyniykiman tantaykusaj. Paykunaj rikunantataj q'alasqayki, paykuna q'alallata qhawasunankupaj.

Lamentaciones 2:11

Ñawisniypis waqasqaypi sinch'itaña sayk'un, ch'unchulasniypis kayman jaqayman kuyurinku. Sonqoyqa llakiywan phatashanña, aylluypa llajtanta chay jina thuñisqata rikuspa; astawanqa wawasta, ñuñoj wawastawan yarqhaywan callespi wañurashajta rikuspa.

Jeremías 3:1

Señorqa nin: Sichus uj qhari warminmanta t'aqakun, chay saqerpayasqa warmitaj waj qhariwanñataj tantakun chayqa, ñaupaj kaj qosanwan mana watejmanta kutinakullanqatajchu. Jina kanman chayqa, llajtantinta ch'ichichanman. Chaywampis, qanqa Israel, ashkha munasqasniykiwan qhenchachakorqanki, kunanraj noqaman kutirimuyta munashanki. Noqa Señormin chayta nini.

Proverbios 19:7

Wajcha runataqa wauqesnimpis chejninku, kausaqesnenqa astawanraj karunchakunku paymantaqa. Chaymantaqa mask'an pipis parlaykurinanta, nitaj pipis kanchu parlapayaykurej.

Job 7:3

Ajinata killan killantinta ñak'arinay chayamuwan, sapa ch'isi nanaywan ñak'arinay.

Job 6:15

Qankuna, kausaqesníy, saqerpariwankichej, qankunaqa qhonchu yaku jina usqhayllata chinkarinkichej.

Salmos 126:5

Waqaspa tarpojkunaqa, kusiywan cosechata oqharenqanku.

Jeremías 2:25

Israel, ama q'ara chaki purispa nanachikuychu, ama kunkaykita yakumanta ch'akichikojta saqeychu. Chaywampis qan nerqanki: Mana ni ima kashajtimpis, noqaqa wajkunata munakuni, paykunawantaj ripusaj, nispa.

Salmos 69:21

Mikhunayman jayaq'eta churaykunku, ch'akiwajtintaj vinagreta ujyachiwanku.