Lamentaciones 1:14 - Qheshwa Biblia DC

¹⁴ Señorqa juchasniyta rikuwan, chay juchasnillaywantaj yugowan jina wataykuwan. Chaytaj manchayta llasaykuwan, kallpayta tukuchinawankama. Señorqa sajra kaykunaman jaywaykuwan, noqataj manaña atipayta atinichu.

DIOSPA QHELQACHISQAN DEUTEROCANONICAL

¹⁴ Tata Diosqa juchallisqayta rikuspa, chay juchayllawantaj yugowan jina wataykuwan. Chayqa manchayta llasaykuwan, kallpayta tukuchinawankama. Tukuyta Kamachej Diosqa millay runakunaj makinman churaykuwan, noqataj manaña awantayta atinichu.

DIOSPA QHELQACHISQ

¹⁴ Tata Diosqa juchallisqayta rikuspa, chay juchayllawantaj yugowan jina wataykuwan. Chayqa manchayta llasaykuwan, kallpayta tukuchinawankama. Tukuyta Kamachej Diosqa millay runakunaj makinman churaykuwan, noqataj manaña awantayta atinichu.

Lamentaciones 1:14 Referans Kwoze

Isaías 47:6

Noqaqa mayta phiñakorqani Israel aylluypaj. Chaypacha Israel nacionniytaqa mana allimpajchu qhawarqani, makiykimantaj jaywarqayki. Qantaj mana khuyarispa ñak'arichipuwarqanki; kurajkunaj much'usninman qanqa chay chhika llasa yugoykita churarqanki.

Deuteronomio 28:48

Señorpa kachamusqan enemigosniykichejpa kamachisqasninta ruwankichej. Chantapis yarqhayniyoj, ch'akiyniyoj, pisi p'achayoj ima kankichej, tukuy imataj pisisonqachej. Señor sinch'ita llakichisonqachej chinkanaykichejkama.

Ezequiel 25:7

Chayrayku makiyta oqharisaj qankunata jasut'inaypaj, waj llajtayojkunaj makisninmantaj jaywaykusqaykichej, paykuna tukuy kapuyniykichejta qhechusunaykichejpaj, ayllukunaj chaupinmanta orqhomuspa t'unaykusqaykichej, llajtakuna chaupimanta mana imayojta chinkasqata chinkachisqaykichej, chantá yachankichej noqa Señor kasqayta.

Ezequiel 25:4

Chaynejta qankunata inti llojsimuynejpi kaj runaswan jap'ichisqaykichej, paykuna jallp'aykichejta jap'ikaponqanku, chaypitaj ranchosta, toldosninkutapis tiyakunankupaj ruwakonqanku. Chajrasniykichejmanta paykuna mikhonqanku, lecheykichejtapis paykunalla ujyanqanku.

Jeremías 28:14

Noqa Tukuy Atiyniyoj Israelpa Señor Diosnin nini: Fierromanta uj yugota tukuy nacionespa kunkanman noqa churani, Babiloniamanta rey Nabucodonosorpa kamachisnin kanankupaj. Chay k'ita animalestapis paypa atiyninman churani, nispa.

Proverbios 5:22

Sajra runataqa kikin sajra ruwasqallantaj qhatiykachan, kikin juchallantaj waskha jina jap'iykun.

Oseas 5:14

Imaynatachus uj león oqoykunampaj phawaykun, ajinata noqapis Efrainta Judatawan ruwasaj; noqa kikiy t'unarpariytawankama ripusaj; jap'ejtiykamaqa ni pipis qhechuyta atiwanqachu.

Ezequiel 23:28

Señorqa kay jinata nin: Chejnikorqanki chaykunaj makinman jaywaykusqayki, sonqoyki millachikorqa chaykunaj makinman jaywaykusqayki.

Ezequiel 21:31

Phiñakuyniyta pataykiman urmachimusaj, phiñakuyniyta manchay larwashaj ninaman rijch'akojta pataykiman urmachimusaj. Sajra runaspa makinman t'unaykusunampaj jap'ichisqayki.

Ezequiel 11:9

Llajtamanta orqhosqaykichej, waj llajtayojkunamantaj jap'ichisqaykichej. Qankunaqata juchachasqaykichej.

Jeremías 37:17

Rey Sedequías kamacherqa Jeremiasta palacioman pusamunankuta. Reypa ñaupaqenman Jeremías chayajtintaj pakayllapi tapurerqa: Ima willaypis Señormanta tiyanchu?, nispa. Jeremiastaj kuticherqa: Arí, kay jina: Qan reyqa Babiloniamanta reypa makisninman urmanki, nispa.

Jeremías 32:5

Nabucodonosortaj Sedequiasta Babiloniaman apakaponqa, chaypitaj qhepakonqa paymanta noqa yuyarikunaykama. Qankuna, caldeoswan maqanakuspapis mana atipankichejchu. Noqa Señor chayta nini.

Jeremías 27:12

Noqa Jeremías, Judamanta rey Sedequiasman kay kikillantataj nerqani: Babiloniamanta reypa atiynin uraman churakuychej, jinataj chay llajtamampis, chantá kausankichejtaj, nispa.

Jeremías 27:8

Nacionesmanta, chayri reykunasmantapis Nabucodonosorpa yugon uraman mana yaykuyta munajtaqa jasut'isaj, yarqhaywan, onqoywantaj, tukuyninku paypa atiyninman yaykunankukama. Noqa Señor chayta nini.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Isaías 14:25

Jallp'aypi asiriostaqa chinkachisaj, orqo puntasniypitaj saruykusaj. Aylluyman yugonta churasqanmantataj librasaj, chay jinata ñak'arichiyninkutawan.

Jeremías 32:3

Rey Sedequías paytaqa wisq'aykuchisqa, Jeremías kay jinata parlasqanrayku: Señorqa nin: Babilonia reyqa llajtata jap'ikaponqa.

Miqueas 2:3

Chayraykumin nin Señorqa: Noqajtapis tiyan uj ruwanay qankunaj contraykichejpi. Qankunaman apachimusaj uj manchay ñak'ariyta chaymantari mana ni imaynamanta kunkaykichejta orqhoyta atinkichejchu, manataj mayta runaykachaspa purinkichejchu, imaraykuchus may ñak'ariy tiempos kasonqachej.