Lamentaciones 1:1 - Qheshwa Biblia DC

¹ Jerusalén llajtaqa chay chhika runayoj kashaspa ch'impacha qhepakun! Tukuy llajtasmanta chay chhika jatun llajta kashaspa viudaman jina tukun! Chay llajtaj muyuynimpi kaj suyusta kamachej llajtaqa impuestota paganan tiyan!

DIOSPA QHELQACHISQAN DEUTEROCANONICAL

¹ Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

DIOSPA QHELQACHISQ

¹ Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Lamentaciones 1:1 Referans Kwoze

Isaías 3:26

Runasniyki mayta waqanqanku, llakiy p'achayojtaj kanqanku, llajtataj ch'impacha qhepakonqa, uj warmi q'ara pampapi chukushaj jina.

Esdras 4:20

Jerusalempi atiyniyoj reykuna kasqanku. Chaykunataj Eufrates mayoj inti yaykuynejpi kaj llajtasta kamachisqanku. Paykunamantaj pagaj kasqanku impuestosta, tasasta, ñan pichaypaj ima.

1 Reyes 4:21

Salomontaj chay tukuynin waj nacionesta kamacherqa, Eufrates mayumantapacha Filisteospa jallp'ankukama, mojonesnimpis Egipto chaykamataj karqa; paymantaj apamoj kanku tukuy allin imasta, rey Salomón kausanankama atiynin urapi karqanku.

Isaías 54:4

Ama manchachikuychu ari. Qanqa mana ch'aukiyasqachu kanki. Ama qanqa p'enqakuychu, manamin p'enqachisqachu kanki. Qanqa qonqapunki sipas kashaspa p'enqakoj kasqaykita, jinallataj viuda kashajtiyki qhesachasusqankutapis.

Sofonías 2:15

Chaymin jatunchakoj llajtaqa, paykunallaman confiakuspa kausarqanku, nerqankutaj: Mundontimpi mana waj llajta noqanchej jina atiyniyojqa kanchu. Kunanrí, imaraykutaj ch'impacha, k'ita animalespa puñunankutaj tarikunri? Chayninta pasajkunaqa silbarispa qhesachaspataj qhawarenqanku.

Lamentaciones 5:16

Umaykumanta pilloqa urmapun. Imanallasqaykuchus kunanqa, juchallikusqaykurayku.

Isaías 22:2

Imaymana qhapariywan, ch'ajwawan junt'a kaj llajta, kusiypi kausaj llajta. Wañusqasniykeqa mana espadawan wañuchisqaschu kanku, nitaj ch'ajwapi wañuchisqaschu kanku.

2 Reyes 23:35

Joacimtaj qolqeta qoritawan pagarqa faraón nisqanman jina. Chayta junt'anampajtaj jallp'ata tasacherqa, chayman jina runasmanta qolqeta qoritawan orqhonampaj, sapa ujmanta jatun jallp'ayojman jina, faraón Necaoman qonampaj.

Apocalipsis 18:7

Imaynatachus pay jatunchakorqa, kusiykunapi kausarqa, ajinallatataj payman ñak'ariyta, waqaytawan qoychej. Payqa sonqompi nin: Noqaqa reina jina tiyasqa kashani, manataj viudachu kani, nitaj waqaytapis rikusajchu.

Ezequiel 26:16

Mar qocha canto jallp'aspi kamachejkunaqa, tukuyninku tiyanankumanta uraykonqanku. Pata p'achasninkuta orqhokonqanku, k'acha awakipasqa p'achasninkutataj lluch'ukonqanku. Sinch'i manchariywantaj pampapi tiyarikonqanku chay jinata rikuspa, sapa rato kharkatispa qanmanta t'ukonqanku.

Lamentaciones 4:1

Chay jinatapuni qoreqa yanayaykusqa! Chhika sumaj qori lliphipiyninta chinkarichisqa! Dioswan parlana wasimpa rumisnimpis kaynejpi jaqaynejpi tukuy callespi t'aka t'akalla kashan.

Lamentaciones 2:10

Sionmanta kurajkunaqa ch'inmanta pampapi tiyarakunku, umasninkuman jallp'awan qhallarakuspa, qhashqa p'achas churaykusqas. Jerusalempi llimphu kaj sipaskunaspis pampakama k'umuykorqanku.

Lamentaciones 2:1

Chay jinapuni kasqa Señorpa phiñakuynenqa, chhika sumaj Sión llajtata laqhaykuchin. Israelitaspa k'acha kayninkuta, janaj pachamanta kay jallp'a pataman urmaykuchimun; chay jina k'ajaj phiñakuyninwan Señorqa maymanchus chakinta churanamanta mana yuyarikullampischu.

Jeremías 50:23

Tukuy kay pachaj martillon Babiloniaqa ñut'u p'akisqa rikhurin. Nacionesqa mayta mancharikunku, Babiloniata chay imas qhatirisqanta rikuspa.

Jeremías 40:9

Gedaliasqa cheqamanta juraspa nerqa: Caldeospa makinman chayaytaqa ama manchachikuychejchu. Qhepakuychej kay jallp'api tiyakoj, Babiloniamanta reypa kamachisnin kaychej, allintaj risonqachej.

Jeremías 9:11

Jerusalén llajtata rumi qontusman tukuchisaj, chantá atojkunaspa pakakunasninmantaj; manañataj pipis chaypi tiyakonqachu.

Isaías 52:7

May kusiypuni orqo puntaspi sumaj kusiy willaykunata apamojpa chakisnenqa; sonqo tiyakuyta willajpata, allin kajmanta sumaj willaykunata apamojpata. Jinallataj salvacionta willajpata. Sión llajtamampis Diosniykeqa kamachishan, nejpata.

Isaías 52:2

Jerusalén, sayarikuspa, chay p'achaykimanta jallp'ata thalarakuspa tiyaykukuy; Sión presochasqa sipas, chay kunkaypi yugota watasusqankuta phaskarakuy.

Isaías 14:12

Sut'iyay ch'aska, kay jinatachu cielomantaqa urmamunki! Qanqa nacionesta atipaj kanki, kunantaj pampapi wijch'usqa rikhurinki.

Salmos 122:4

Chaymantaj Señorpa ayllusnin chayanku sutinta yupaychanankupaj, Israelman kamachisqanman jina.

Nehemías 9:37

Tukuy poqochisqasniykoqa juchasniykurayku reykunasta pataykuman apamorqanki, chaykunallapaj kashan. Paykunaqa munayninkuman jina noqaykuta kamachinawaykupaj jap'ikapuwayku, jinataj uywasniykutapis. Chayrayku may llakisqas kashayku, nispa.

Nehemías 5:4

Wakin nillarqankutaj reyman tasata paganaykupaj, jallp'asninku jawa mañakorqayku qolqeta; chay jawa nillarqankutaj:

2 Reyes 23:33

Faraón Necaotaj paytaqa presota jap'erqa Riblapi, Hamat chay jallp'anejpi, amaña Jerusalempi kamachinampaj. Kamacherqataj Judá jallp'ata tasata pagananta, kinsa waranqa kinsa pachajniyoj kilos qolqeta, kinsa chunka kinsayoj kilos qoritawan.

Isaías 50:5

Señorqa ningrisniyta kichariwarqa, noqarí mana k'ullukorqanichu, nitaj qhepamampis kutirerqanichu.

2 Crónicas 9:26

Salomontaj kamacherqa tukuy reyesta Eufrates mayumantapacha, filisteospa jallp'ankama, Egipto jallp'aj tinkuyninkamataj.

Isaías 49:21

Qantaj sonqoykipi ninki: Pitaj kay wawasta yumapuwarqari? Noqajtaqa manapuni wawasniy karqachu, noqatarí sapayta saqewarqanku. Pitaj kaykunata uywanman karqari? Noqataqa sapayta wijch'umuwarqanku. Chaykama kaykunaqa maypitaj kankuman karqari?

Jeremías 31:7

Señorqa nin: Kusiy takiykunasta kusiywan takiychej Jacobpa ayllunrayku. Paymin tukuy nacionesmanta aswan kurajqa. Uyariychej yupaychaykunasta, niychejtaj: Señorqa ayllunta salvarqa, Israelmanta puchojkunata.

Jeremías 42:2

Profeta Jeremiasman qayllarqanku, nerqankutaj: Uj imata mañakuyku: Ama qhesachawaykuchu. Kay pisi p'unchaykunapaj Diosniykimanta mañapuwayku. Ñaupajta ashkhas karqayku. Kunantaj uj chhikallaña puchurpariyku kay imaynatachus rikunki ajinata, chayman jina Señor Diosniyki yachachinawaykupaj, ima ñantachus qhatinaykuta, imatatajchus ruwanaykuta.

Ezequiel 5:5

Noqa Señormin kaytaqa nini: Jerusalén llajtaqa chaypi kashan. Noqa kay llajtataqa ashkha nacionespa chaupimpi churarqani, ashkha llajtas chaupipitaj.

Levítico 26:31

Llajtasniykichejta raqayasta saqesaj, chinkachisaj yupaychana wasisniykichejtapis. Sumaj q'apashaj jaywawasqaykichejtapis manaña jap'isqaykichejchu.

Levítico 26:33

Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.

Jeremías 44:6

Chaypacha k'ajaj phiñakuyniyta, ninata jina lauraricherqankichej, Judá llajtaspi, Jerusalén callespi ima. Chaykuna kunan p'unchaykama ch'impacha raqaykunasllaña qhepakunku.

Lamentaciones 1:19

Munasqasniyta qhawarikorqani, paykunataj astawan ch'aukiyawanku. Sacerdotesniywan, kurajkunasniywanqa llajta ukhupi tukukunku, kausanankupaj mikhunata mask'akuspa.