Jueces 6:31 - Qheshwa Biblia DC

³¹ Joastaj kuticherqa payman jamojkunaman: Qankunaqa Baalman kutikuspachu maqanakunkichej? Pillapis Baalman kutikun chayqa, manaraj sut'iyashajtin wañuchun. Baal diospuni kajtenqa, saqeychej pay kikinmanta jark'akojta, imaraykuchus paypatamin karqa chay urmachisqa altarqa.

DIOSPA QHELQACHISQAN DEUTEROCANONICAL

³¹ Joastajrí jamojkunaman kuticherqa: Qankunaqa Baalman kutikuspachu maqanakunkichej? Sichus pillapis Baalman kutikun chayqa, manaraj sut'iyashajtin, wañuchisqa kachun. Baal diospuni kajtenqa, saqeychej pay kikinmanta jark'akojta, imaraykuchus paypatamin karqa chay urmachisqa altarqa, nispa.

DIOSPA QHELQACHISQ

³¹ Joastajrí jamojkunaman kuticherqa: Qankunaqa Baalman kutikuspachu maqanakunkichej? Sichus pillapis Baalman kutikun chayqa, manaraj sut'iyashajtin, wañuchisqa kachun. Baal diospuni kajtenqa, saqeychej pay kikinmanta jark'akojta, imaraykuchus paypatamin karqa chay urmachisqa altarqa, nispa.

Jueces 6:31 Referans Kwoze

Efesios 5:11

Laqhapi kajkunaj qhasi mana kaj ruwasqasninkuta ama ruwaysiychejchu. Manachayqa paykunata k'amiychej.

1 Corintios 8:4

Chay mikhunata lantikunaman jaywasqamantaqa, yachanchej jina, lanteqa mana imachu kay pachapeqa. Yachallanchejtaj uj k'ata Dioslla kasqanta.

Jeremías 10:11

Qankuna, Israelitas, niychej lantista yupaychajkunaman: Chay dioskunaqa mana kay pachata, nitaj janaj patatapis ruwarqankuchu, chaykunaqa kay pachamanta chinkarenqanku, mana ujllapis janaj pachaj urampeqa qhepakonqañachu.

Jeremías 10:5

Chay lantisqa p'isqo manchachiman rijch'akunku, imaynatachus chajra tarpusqaman manchachita churanku ajinata; chay lanteqa mana parlanchu, waj q'epiykachanaraj, imaraykuchus mana purinkuchu. Ama paykunamantaqa manchachikuychejchu. Chaykunaqa mana sajrata ruwankuchu, manataj allin kajtapis ruwankuchu.

Isaías 46:7

Lijrariykukuytawan apanku, maypichus kananmantaj churanku. Chaypitaj mana kuyurispa kakullan. Paymanta qhaparikunku, manataj uyarinchu, nirajtaj llakiyninkumantapis libranchu.

Isaías 46:1

Bel diosqa urman, Nebo diospis pampaman wijch'usqa kashan. Lantisninkoqa mulaspi chajnasqas rinku llasa q'epis jina, sayk'usqa burroswampis apachishawajchej jina.

Isaías 41:23

Allinta willawayku qhepaman imaschus kananta, ajinamanta yachanaykupaj cheqamanta qankuna dioskuna kasqaykichejta. Allintapis chayrí mana allintapis ruwaychej ari; t'ukunaykupaj, manchachikunaykupajpis.

1 Reyes 18:40

Chanta Eliasqa nerqa: Baalpa profetasninta jap'iychej, amataj ujpis ayqechunkuchu. Paykunataj jap'erqanku; Eliastaj Cisón wayq'oman pusaspa chaypi qholurarqa.

1 Reyes 18:29

Khuskan p'unchaypis pasarqaña, paykunatajri phinkiykachaspa aswan jatunmanta qhaparishallarqankupuni, jaywana rato chayamunankama, manataj ima parlayllapis uyarikorqachu, nitaj pipis kutichej nitaj uyarejpis karqachu.

1 Reyes 18:27

Chanta khuskan p'unchayta Eliasqa paykunamanta asikorqa: Astawan jatunmanta qhapariychej, imaraykuchus payqa dioscharí. Ichapis umachakushan, chayri imatachus ruwashan, ñampichus kashan. Ichapis puñushan, rijch'arichiychej ari!

Números 14:6

Numpa wawan Josuewan, Jefunej wawan Calebwantaj, maykunachus jallp'ata qhawaj rerqanku chaykuna, p'achasninkuta llik'ikorqanku.

Éxodo 23:2

Ama ashkha kasqankurayku sajra juchankuta ruwaysinkichu, ama ashkha kasqankurayku millay juchankuta qhatinkichu paykunata manchachikuspa, mana allin kajta allin ninaykipajqa.

Jueces 6:30

Chay wawaykita orqomuy, wañurpachinaykupaj. Baalpa altarninta jinataj altar qayllapi kasharqa chay yupaychana k'ullutapis phirisqanrayku.

Jueces 6:32

Chaymantapacha Gedeontaqa Jerobaalta suticharqanku, nerqankutaj: Kikin Baal jark'akuchun Gedeonmanta, imaraykuchus Gedeompuni Baalpa altarnintaqa urmachisqa.

1 Samuel 12:11

Chayraykumá Señorqa kachamorqa Jerobaalta, Baracta, Jepteta, Samueltapis chay enemigosniykichejpa atiyninmanta kacharichinasuykichejpaj, jinamanta qankunaqa mana ima ch'ajwawan sumajta kausakunaykichejpaj.