Jueces 6:24 - Qheshwa Biblia DC

²⁴ Chaypacha Gedeonqa Señorpaj uj altarta jataricherqa, suticharqataj, Señormin sonqo tiyakoyqa, nispa. Chay altarqa kashallanraj Abiezerpa ayllun ukhupi, Ofra llajtapi.

DIOSPA QHELQACHISQAN DEUTEROCANONICAL

²⁴ Chaypi Gedeonqa Tata Diospaj uj altarta ruwaporqa, suticharqataj: “Tata Diosmin Sonqo Tiyaykoyqa”, nispa. Chay altarqa Abiezerpa ayllun ukhupi Ofrá llajtapi kunankama kashallanrajpuni.

DIOSPA QHELQACHISQ

²⁴ Chaypi Gedeonqa Tata Diospaj uj altarta ruwaporqa, suticharqataj: “Tata Diosmin Sonqo Tiyaykoyqa”, nispa. Chay altarqa Abiezerpa ayllun ukhupi Ofrá llajtapi kunankama kashallanrajpuni.

Jueces 6:24 Referans Kwoze

Éxodo 17:15

Moisestaj chaymantaqa uj altarta ruwarqa, chaytataj Señorqa suticharqa noqaj banderaymin, nispa: Señorpa contranta amalecitas oqharikusqankurayku Señorpa banderanqa makipi. Señorqa maqanakupi kashan amalecitaswan uj miraymanta uj miraykama.

Génesis 22:14

Chay cheqata Abrahamqa suticharqa: Señorqa qon imachus mana kanchu chayta, nispa. Chayrayku kunan ninku: Uj orqopi Señorqa qon imachus mana kanchu chayta, nispa.

Jueces 8:32

Ña ashkhaña watasnimpiña Gedeonqa wañuporqa. Paytataj p'ampaykorqanku tatan Joaspa covachampi. Chaytaj kasharqa Abiezerpa ayllumpa llajtampi.

Ezequiel 48:35

Llajta perqaqa tukuy muyuynin midikonqa, isq'on waranqa metros. Llajtaj sutenqa chay p'unchaymantapacha sutichasqa kanqa: Señor kaypi kashan, nispa.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Jeremías 33:16

Jaqay p'unchaykunapi Judaqa salvasqa kanqa, Jerusalentaj sumaj waqaychasqa kausakonqa. Chaypacha sutinmanta wajyanqanku: Señormin cheqa kayninwan atipayninchejqa.

Jueces 21:4

Q'ayantintaj israelitasqa tutamanta jatarikorqanku, uj altarta ruwaspa jaywarqanku q'olachinasta, chantá allinyakuna jaywanastawan.

Josué 22:10

Chay kinsantin ayllus, Rubén ayllu, Gad ayllu, Manasespa khuskan ayllun ima Jordán mayu cantoman chayaspa, Canaán jallp'allapiraj, uj altarta perqarqanku chay mayu cantopi.

Génesis 33:20

Jinaspataj uj altarta ruwarqa, suticharqataj El-Elohe-Israelta.

Jueces 6:23

Señortaj kuticherqa: Ama mancharikuychu, mana wañunkichu. Sonqo tiyasqa kay qanwan kachun.

Génesis 12:7

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

Génesis 12:8

Chaymanta riporqa uj orqoman, chaytaj kashan Betel llajtaj inti llojsimuyninnejpi, chaypi jarakorqa. Betelqa kasharqa jaramanta inti yaykuypi. Haitaj karqa inti llojsimuynejpi. Chay cheqapi Abramqa uj altartañataj ruwarqa, Señorpa sutimpi Diosmanta mañakunampaj.

Jueces 8:27

Gedeonqa chay qoriswan ruwarqa uj lantita, chaytataj Ofra llajtaman churaykorqa. Jinapis chay lantita ruwachisqanrayku Señorman mana cheqatachu purerqanku chay llajtayojkuna jinataj Israel ayllupis. Gedeompaj ayllumpajpis chayqa pantaypaj karqa.

1 Samuel 7:17

Chaymantaqa Ramá llajtaman kutimpoj, chaypi wasin kasqanrayku, chaymantapachataj israelitasta kamacherqa. Chaypitaj Señorpaj uj altarta sayaricherqa.

1 Samuel 14:35

Saultaj Señorpaj uj altarta sayaricherqa. Chaytaj Señorpaj ñaupaj kaj ruwasqan altar karqa.

2 Samuel 24:25

Chaypitaj Davidqa, Señorpaj uj altarta jataricherqa, chaypi uywasta q'olachispa jaywarqa, jinataj allinyakunapaj nisqa ñak'asqa uywastapis. Chaypacha Señorqa uyarerqa aylloj mañakusqasninkuta, chay onqoytaj Israel ayllu ukhumanta chinkaporqa.

Esdras 3:2

Chaypacha Josadacpa wawan Josué, chanta sacerdote masisnin, jinallataj Salatielpa wawan Zorobabel, chanta ayllu masisnin ima, Israelpata Diosnimpa altarninta ruwarqanku, chay patapi uywasta wañuchispa ruphachinankupaj, Diospa runan Moisespa leynimpi qelqasqanman jina.