Jueces 6:13 - Qheshwa Biblia DC

¹³ Gedeontaj kuticherqa: Ay Señor, noqaykuwanchus Señor kanman chayqa, imaraykutaj kay tukuy imas qhatirishawaykuri? Maytaj chay t'ukuna imasta Egiptomanta orqhomushaspa Señor ruwasqasninmanta ñaupa tatasniyku willawasqasniykuri? Señorqa qonqarparipuwayku, madianitaspa kamachiyninmantaj jaywaykuwayku.

DIOSPA QHELQACHISQAN DEUTEROCANONICAL

¹³ Gedeonrí kuticherqa: Ay wiraqochíy, noqaykuwanchus Tata Dios kashan chayqa, imaraykutaj kay tukuy ima qhatirishawaykuri? Maytaj chay t'ukuna imakunata Egiptomanta orqhomushaspa, Tata Dios ruwasqanmanta ñawpa tataykukuna willawasqaykuri? Tata Diosqa madianitakunaj makinman jaywaykuwayku, nispa.

DIOSPA QHELQACHISQ

¹³ Gedeonrí kuticherqa: Ay wiraqochíy, noqaykuwanchus Tata Dios kashan chayqa, imaraykutaj kay tukuy ima qhatirishawaykuri? Maytaj chay t'ukuna imakunata Egiptomanta orqhomushaspa, Tata Dios ruwasqanmanta ñawpa tataykukuna willawasqaykuri? Tata Diosqa madianitakunaj makinman jaywaykuwayku, nispa.

Jueces 6:13 Referans Kwoze

2 Crónicas 15:2

Paytaj Asata taripaj llojserqa, nerqataj: Uyariwaychej, Asa, jinataj tukuy Judamanta kajkuna, Benjamimpamanta kajkunapis, Señor qankunawan kanqa, qankuna paywan kashankichej chayqa. Sichus qankuna payta mask'ankichej chayqa, tarinkichej. Sichus saqerparinkichej chayri, paypis saqerpallasonqachejtaj.

Salmos 44:1

Diosníy, ningrisniykuwan uyariyku, tatasniyoj siminkumanta, unay watas paykuna kausashajtinku ruwasqasniykimanta.

Isaías 63:15

Qanqa janaj pachamanta qhawarimuy, k'acha tiyakunaykimanta allinta qhawariy. Qanllata munakusunankuta munasqaykeqa maytaj kunanri? Chay atiyniyki, sonqoykipis manañachu t'impurin, khuyakuykunasniykipis manañachu noqapaj tiyan? Manañachu sonqoykimanta khuyakoyqa llojsimuyta atin?

Isaías 41:17

Wajcha runas, mana imayoj kajkunaqa yakuta mask'anku, manataj tarinkuchu. Yaku ch'akiywan siminkupis pharallaña kashan. Noqa Señortaj paykunata uyarisaj. Noqa Israelpa Diosnin, paykunataqa mana saqerpayasajchu.

Salmos 89:49

Señor, maypitaj kashan ñaupa munakuyniykiri? Cheqa kayniykirayku Davidman nisqaykiri?

Deuteronomio 31:17

Chayrayku sinch'i phiñakuyneyqa paykunaj contranta k'ajarenqa. Paykunataqa saqerparisaj, mana qhawarisajchu ni ima kashajtimpis. Chay chhika nanaykuna, llakiykuna ima patankuman jamojtintaj, paykuna nenqanku: Manachu kay llakiykunaqa jamuwanchej manaña Diosninchej kasqanrayku?

Génesis 25:22

Rebecaj wijsampi iskay wawas karqanku; takanakorqankutaj. Chayrayku nerqa: Sichus ajinallapuni kanqa chayqa, imapajtaj kausaniri?, nispa. Chaymantaqa Señorta taporqa.

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

Jeremías 23:33

Jeremías, sichus aylluymanta uj runa, chayri uj profeta, chayri uj sacerdotespis tapusunkiman: Mayqentaj Señorpa willayninri?, nispa chayqa, qan ninki: Señorqa nin: Qankunata uj q'epita jina saqerparisqaykichej, nispa.

Salmos 27:9

Ama noqamanta pakakuychu. Phiñakuspa ama qhesachawaychu. Qanlla yanapawajniy kanki. Ama sapayta saqerpariwaychu, amataj kachariwaychu, qanmin salvawajniy Diosqa kanki.

Deuteronomio 29:24

Chayrayku tukuy naciones tapukonqanku: Imaraykutaj Señorqa chay jinata ruwan kay jallp'awanri? Imatataj niyta munan kay jina sinch'i phiñakuyninri?, nispa.

Jueces 6:1

Israelitasqa juchallikullarqankutaj Diospa contrampi sajra ruwaykunaswan, qanchis wata junt'atataj Señorqa churaykorqa madianitaspa makisninman.

Jueces 6:12

Señorpa angelnintaj payman rikhurerqa, nerqantaj: Señor qanwan kashan, kallpayoj wapu runa.

Salmos 44:9

Qantaj qhesachawayku, p'enqaypitaj churawayku, manañataj soldadosniykuwan llojsinkichu.

Salmos 44:2

Makillaykiwantaj wijch'orqanki, mana qampi yuyaj runasta. Nacionesta ñak'aricherqanki, tatasniykutataj chayman tiyacherqanki.

Isaías 63:11

Chaypacha payqa kamachin Moisesmanta, ayllun israelitasmantawan yuyarikorqa nerqataj: Maytaj kunan mar qochamanta wicharichimusorqachej, ovejasta jina michejnintawan khuska, chayri? Maytaj kunan Santo Espiritunta israelitaspa chaupinman churarqa chayri?