Jueces 3:10 - Qheshwa Biblia DC

¹⁰ Señorpa Espíritun Otonielman jamorqa, paytaj israelitasta kamacherqa, maqanakuman llojsejtintaj Señorqa rey Cusan-ristaimta atipacherqa.

DIOSPA QHELQACHISQAN DEUTEROCANONICAL

¹⁰ Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

DIOSPA QHELQACHISQ

¹⁰ Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

Jueces 3:10 Referans Kwoze

1 Samuel 11:6

Chayta uyarejtinkamataj Diospa Espíritun Saulman jamorqa. Saultaj may sinch'itapuni phiñarikorqa.

Jueces 14:19

Chay rato Señorpa Espíritun Sansonman jamorqa; chaypacha Sansonqa Ascalonman rispa chaypi kinsa chunka runasta wañucherqa, chaykunamanta p'achasta lluch'usqanwantaj pagarqa pischus watuchiyninta willajkunaman. Chaymanta may phiñasqa kutiporqa tatampa wasinman.

Jueces 14:6

Chaypacha Señorpa Espíritun Sansonman jamorqa. Chay ratotaj makisnillanwan uj cabritota jina leontaqa t'isarparerqa, chaytataj mana willarqachu tatasninmanqa.

Jueces 13:25

Señorpa Espirituntaj Sansonman jamuspa kallpachayta qallarerqa Dampa jarampi kashajtin, chaytaj kashan Zorawan Estaolwan chay chaupinejpi.

Jueces 11:29

Chaypacha Señorpa Espíritun Jefteman jamorqa, Jeftetaj pasarqa Galaadnejta, Manasesnejta, Galaadpi Mizpaman, Mizpamantataj amonitaspa jallp'asninkuman yaykorqa.

Jueces 6:34

Señorpa Espirituntaj Gedeonman jamorqa, paytaj wajyarqa chivo wajramanta pututuwan, Abiezerpa tukuy ayllunmanta kajkuna tantakamorqanku.

2 Crónicas 15:1

Diospa Espíritun Obedpa wawan Azariasman jamorqa.

Números 24:2

Balaamqa israelitasta rikorqa ayllu aylluta jarasqasta. Diospa Espirituntaj payman jamorqa.

Hebreos 6:4

Manaña atinkuchu juchamanta kutiriyta, pikunachus uj kutita k'anchasqaña kaspa, janaj pacha Diospa qosqantapis jap'erqanku, Santo Espiritunejtapis chayaqepaj jap'erqanku.

Salmos 51:11

Ama qanmanta karunchawaychu, amataj Santo Espirituykita qhechuwaychu.

2 Crónicas 20:14

Tukuy ayllu tantasqas kashajtinku Señorpa Espíritun jamorqa, Zacariaspa wawan Jahazielman. Payqa Benaiaj allchhin karqa. Benaiasqa Jeielpa wawan karqa. Paytaj Mataniaspa wawan karqa. Jahazielqa levita karqa Asafpa ayllunmanta.

1 Samuel 16:13

Chay ratopacha Samuelqa chay ch'itita aceiteyoj carneroj wajranta jap'ispa jawiykorqa wauqesnimpa ñaupaqempi. Chay p'unchaymantapachataj Señorpa Espíritun Davidman jamorqa. Chaymanta Samuelqa Ramá llajtaman kutiporqa.

1 Samuel 10:6

Chaypacha Señorpa espíritun atiynin ima jamusonqa, chanta paykuna jinallataj parlanki. Waj jina runamantaj tukurparinki.

Números 27:18

Señortaj Moisesman kuticherqa: Numpa wawan Josueta ajllay, payqa sumaj k'acha yuyayniyoj runa; paypa patanman makisniykita churay.

Números 11:29

Moisestaj payman kuticherqa: Qanqa chaytapis jark'aytachu munashanki? Allin kanman, Señorqa tukuynin israelitasman espirituta qonan, ajinamanta Diospa sut'inchajnin kananupaj!

Números 11:25

Señortaj chayman phuyupi uraykamorqa, Moisesmantaj parlarqa. Moiseswan kasharqa chay espiritumantataj, wakinta chay qanchis chunka kurajkunaman qorqa. Espíritu paykunaman chayajtintaj, chay kutilla Diosmanta sut'inchajkuna jina parlayta qallarerqanku.

Números 11:17

Chayman uraykamusaj, qanwantaj parlasaj. Chantaqa qampi kaj espirituta wakinta paykunaman qosaj, paykuna kay runasta kamachiyta, pusayta ima yanapasunankupaj. Ajinamanta qan manaña sapaykichu rikukunki.

Jueces 3:8

Chayraykutaj Señorqa paykunaj contrampi sinch'ita phiñakorqa, Mesopotamiamanta rey Cusan-risataimwantaj saqerqa atipachikojta. Pusaj wata junt'a israelitasqa rey Cusan-risataimta sirverqanku.

Jueces 3:11

Chaymanta qhepaman tawa chunka watas junt'ata allin kausakuylla karqa chay jallp'api. Otoniel wañupusqanmanta qhepamantaj, israelitasqa kutillarqankutaj Señorpa mana munasqan imasta ruwaj, chayrayku Señorqa Moabpa reynin Eglonman astawan atiyta qorqa israelitasmanta nisqaqa.

1 Crónicas 12:18

Chaypacha chay kinsa chunka runaspa kamachejninku Amasaiman Espíritu jamorqa, paytaj qhaparerqa: Isaej wawan David qanwan sonqo tiyasqa kay kachun! Sonqo tiyasqa kay qampi kachun! Sonqo tiyasqa kay qanwan kachun, jinataj yanapasojkunawampis, qanta Dios yanapasusqanrayku! Davidtaj paykunata jap'erqa soldadosnimpa kamachejkunamantaj tukucherqa.

Jueces 11:32

Chaypacha Jefteqa amonitaspa jallp'asninkuman yaykorqa paykunawan maqanakoj, Señortaj payta atipacherqa.

Jueces 15:14

Lehiman chayamojtintaj filisteosqa kusiywan qhaparkachaspa payta taripaj llojserqanku. Señorpa Espirituntaj Sansonman jamorqa, paytaj makisnimpi chay watasqa waskhasta t'ipirarerqa uj ruphasqa linomantapis ruwasqas kankuman karqa jinata.

1 Samuel 10:10

Saulwan chay kamachinwan Gabaa llajtaman chayajtinkutaj, profetasqa paykunawan tinkukorqanku. Chaypacha Señorpa Espíritun atiyninwan ima Saulman jamorqa. Saultaj chay profetas jina parlarqa.