Jueces 20:26 - Qheshwa Biblia DC

²⁶ Chaypacha Israelmanta tukuy soldados tukuy Israel ayllupis watejmanta Betelman rillarqankutaj Señorpa ñaupaqempi waqamunankupaj. Chaypitaj tukuy p'unchayta mana mikhusqas karqanku, chanta Señorman jaywarqanku q'olachinasta, chantá allinyakuna jaywanastawan.

DIOSPA QHELQACHISQAN DEUTEROCANONICAL

²⁶ Chantá tukuy israelitakuna, soldadokunapiwan ima watej Betelman rillarqankutaj, Tata Diospa ñawpaqenpi waqamunankupaj. Chaypitaj tukuy p'unchayta ayunarqanku. Chantá Tata Diosman jaywarqanku uywa ñak'asqa q'olachinakunata, jinallataj allinyakuna jaywanatawan.

DIOSPA QHELQACHISQ

²⁶ Chantá tukuy israelitakuna, soldadokunapiwan ima watej Betelman rillarqankutaj, Tata Diospa ñawpaqenpi waqamunankupaj. Chaypitaj tukuy p'unchayta ayunarqanku. Chantá Tata Diosman jaywarqanku uywa ñak'asqa q'olachinakunata, jinallataj allinyakuna jaywanatawan.

Jueces 20:26 Referans Kwoze

Esdras 8:21

Chay qhepata Ahavá mayu qayllapi ayunota ruwanaykuta nerqani juchasniykumanta Diosniykoj ñaupaqempi k'umuykukunaykupaj, paymanta mañakunaykupaj, allillanta pusanawaykuta, familiasniykuta, jinallataj tukuy kapuwajniykutapis.

Jueces 20:18

Israelitasqa Betelman rerqanku, chaypitaj Diosta tapurerqanku ima aylluchus Benjaminwan ñaupajta maqanakoj rinanta. Señortaj kutichispa nerqa Judaraj ñaupajta rinanta.

Joel 1:14

Runasta tantarqamuychej, ayunomantataj paykunaman willaraychej. Señor Diosninchejpa templompi tantaykuychej kurajkunasta, kay llajtapi tiyakoj tukuynin runastawan, Señormantataj qhaparikuychej.

2 Crónicas 20:3

Josafatqa manchachikorqa, Señormantaj k'umuykorqa payta tapurinampaj. Tukuy Judá ayllumantaj kamacherqa ayunanankuta.

1 Samuel 7:6

Israel aylloqa Mizpa llajtapi tantakorqa, chaypitaj yakuta orqhospa Señorpa ñaupaqenman jich'arqanku. Chay tukuy diaqa ayunarqanku, nerqankutaj: Señorpa contranta juchallikuyku. Chay Mizpa llajtapimari Samuelqa israelitasta kamachinampaj churasqa karqa.

Jueces 20:25

Qhepan kutipiwan Benjaminmanta kajkunaqa llojserqanku Gabaamanta maqanakunankupaj, chaypitaj chunka pusajniyoj waranqa israelita soldadostawan wañucherqanku.

Jueces 21:2

Chay qhepatataj tantakorqanku Betelpi Diospa ñaupaqempi ch'isiyanankama waqaspa willakuspataj kay jinata: Oh Señor, Israelpa Diosnin! Imaraykutaj kay imas qhatiriwaykuri? Imaynatataj atikonqa Israelmanta ujnin ayllu faltananri?, nispa.

1 Samuel 11:4

Chay willaraj runasqa kachasqa chaypi Saulpa llajtan Gabaaman chayarqanku. Chay willajkunatataj nerqanku, tukuy llajta, tukuy runastaj may sinch'ita waqaj churakorqanku.

Jeremías 36:9

Josiaspa wawan Judamanta rey Joacim, phishqa watataña kamachishajtin isq'on kaj killampi kamacherqa Jerusalempi tukuy tiyakojkuna, jinataj Judamanta, waj llajtasmanta jamojkunapis Señorpa ñaupaqempi ayunanankuta.

Génesis 28:19

Chay cheqapi ñaupajta karqa uj llajta, Luz sutiyoj. Jacobtaj waj sutita churara, Betel sutiyoj kanqa, nispa.

Josué 7:6

Josuewan, israelitaspa kurajkunasninkuwantaj llakiywan p'achasninkuta llik'ikorqanku, umankumantaj ñut'u jallp'awan jich'akorqanku llakisqa kasqankuta rikuchinankupaj. Chaymantataj qonqoriykukorqanku Señorpa trato ruwasqan cajonnimpa ñaupaqenman, pampaman umankuta chayachinankukama, ch'isiyaykunankamataj.

Josué 24:1

Josueqa tukuy Israel ayllusta Siquem nisqapi tantacherqa, chaypitaj wajyarqa kuraj runasta, kurajkunata, cheqanchajkunata, soldadosta kamachejkunata ima, Señorpa ñaupaqempi.

Jueces 21:4

Q'ayantintaj israelitasqa tutamanta jatarikorqanku, uj altarta ruwaspa jaywarqanku q'olachinasta, chantá allinyakuna jaywanastawan.

2 Samuel 3:35

Chaymanta tukuynin ayllu Davidman jamorqanku, mañanankupaj pay mikhunanta manaraj ch'isiyamushajtin. Davidtaj jurarqa paykunaman nispa: Señor sinch'ita jasut'iwachun, t'antata chayri ima mikhuyllatapis manaraj ch'isiyamushajtin llamejteyqa!