Jueces 2:18 - Qheshwa Biblia DC

¹⁸ Señorqa sapa kuti jatarichej uj kuraj runata chantá yanapajtaj. Chay kuraj runa kausashajtintaj israelitasta kacharichejpuni enemigosnimpa makisninmanta, sinch'i ñak'ariypi waqasqasninkuta uyarispataj paykunata khuyakoj.

DIOSPA QHELQACHISQAN DEUTEROCANONICAL

¹⁸ Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.

DIOSPA QHELQACHISQ

¹⁸ Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.

Jueces 2:18 Referans Kwoze

Josué 1:5

Tukuy kausayniykipi mana pipis atipasonqachu. Noqa qanwan kasaj, imaynatachus Moiseswan karqani ajinata, manataj ni jayk'ajpis sapaykita saqesqaykichu.

Deuteronomio 32:36

Chaypacha Señorqa ayllunta yanapanqa pisi kallpayojta rikuspa. Señorqa kamachisninta khuyapayanqa, manaña pipis kasqanta rikuspa, kallpayoj kaj, mana kallpayoj kajpis.

Éxodo 2:24

Dios uyarerqa chay mañakuyninkuta, yuyarikuspa imaynatachus Abrahamwan, Isaacwan, Jacobwan ima uj tratota ruwasqanta.

Oseas 11:8

Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

2 Reyes 13:4

Joacazqa Señorpa ñaupaqempi mañakorqa, Señortaj payta uyarerqa, imaraykuchus Señorqa imaynatachus Siriamanta rey Israelta ñak'arichisqanta rikorqa.

Jueces 10:16

Israelitastaj t'aqakorqanku chay mana rejsisqa dioskunasninkumanta, Señortataj yupaycharqanku, Señorpis manaña munarqachu israelitas astawan ñak'arinallankutapuni.

Génesis 6:6

Chayrayku Señorqa pesachikorqa runasta ruwasqanmanta, mayta sonqonta nanachikuspa.

Éxodo 3:12

Diostaj kuticherqa: Noqamin qanwan kasaj, kay señalta qosqayki, noqa qanta kachasusqayta yachanaykipaj. Maypachachus aylluyta Egiptomanta orqhomunki chaypacha, tukuyniykichej kay orqopi yupaychawankichej.

Jonás 3:10

Diosqa ajinata ruwasqankuta rikusqa, sajra ruwayninkuta saqespa allin ñanman kutirikusqankuta. Chayrayku Diosqa manaña ruwarqachu imatachus ruwayta munasqantaqa.

Salmos 90:13

Señor, noqaykuman kutirimpuy. Mashkha unaytataj suyankiri? Kay kamachiykitaqa khuyakuy.

Salmos 12:5

Señorqa kay jinata nin: Pisi kallpayojkunaqa saruchikunku, wajchasrí nanaywan waqakunku, noqataj jatarikuspa yanapasaj, imaraykuchus chayta chhikata suyashanku.

Números 10:9

Maypachachus jallp'aykichejpi kashajtiykichej pipis qankunawan maqanakoj jamojtenqa, cornetasta sinch'ita waqachinkichej, jatunmantataj qhaparinkichej. Ajinamanta noqa Señor Diosniykichej qankunamanta yuyarikusqaykichej, enemigosniykichejmantataj jark'akusqaykichej.

Jueces 2:19

Kuraj runanku wañupojtintaj, watejmanta paykunaqa juchaman urmallajtaj kanku, ñaupa tatasninkumanta astawanraj, sirvispa yupaychaspataj waj dioskunata. Manataj t'aqakorqankuchu millay ruwaykunasninkumanta nitaj wampu jina kausayninkumantapis.

Éxodo 32:14

Chaymanta Señorqa phiñakuyninta tiyaykuchikorqa, manañataj Israel runasninta chinkachiyta munarqachu.

Jueces 3:9

Chaypacha Señorta qhaparikorqanku. Señortaj jataricherqa uj kacharichejta. Kaytaj Cenazpa wawan Otoniel karqa, Cenaztaj Calebpa sullk'a hermanon karqa:

Jueces 6:12

Señorpa angelnintaj payman rikhurerqa, nerqantaj: Señor qanwan kashan, kallpayoj wapu runa.

Jueces 6:16

Señortaj kuticherqa: Noqa qanwan kasqayrayku qanqa ruwayta atillanki. Madianitastaqa atipanki imaynatachus uj sapan runata atipanchej jinata.

Jueces 11:32

Chaypacha Jefteqa amonitaspa jallp'asninkuman yaykorqa paykunawan maqanakoj, Señortaj payta atipacherqa.