Jueces 19:6 - Qheshwa Biblia DC

⁶ Iskayninkutaj khuska tiyaykukorqanku mikhoj ujyaj, warmej tatantaj mañarqa chay ch'isitawan qheparikunanta astawan kusirikunankupaj.

DIOSPA QHELQACHISQAN DEUTEROCANONICAL

⁶ Jinataj suegronwan tiyaykukuspa mikhorqanku, ujyarqankutaj. Chantá warmej tatanqa levitata nerqa: Kay ch'isitawan qheparikuy ari, khuska kusirikunanchejpaj, nispa.

DIOSPA QHELQACHISQ

⁶ Jinataj suegronwan tiyaykukuspa mikhorqanku, ujyarqankutaj. Chantá warmej tatanqa levitata nerqa: Kay ch'isitawan qheparikuy ari, khuska kusirikunanchejpaj, nispa.

Jueces 19:6 Referans Kwoze

Jueces 19:9

Maypachachus levita runa ripunampaj jatarikorqa chay warmiwan chantá kamachinwan ima, chay suegronqa nerqa tardeña kasqanta, ch'isiyamushasqantañataj, watejmanta nillarqataj uj ch'isitawan kusiypi qhepakunanta, q'ayantintaj tutamanta ripunanta.

Jueces 16:25

May kusisqas kasharqanku, chayrayku mañarqanku carcelmanta orqhomunankuta Sansonta paykunata asichinampaj. Jinataj carcelmanta orqhospa payta qhawaspa mayta kusikorqanku, chaymantataj wasej sayantasnin chaupiman sayaykucherqanku.

Rut 3:7

Boozrí, mikhorqa ujyarqa maytataj kusikorqa sonqompi. Chaymantataj puñunampaj siriykakaporqa era qollu cantopi. Chay qhepantataj Rut ch'insitullamanta chayamuspa chakisninmanta q'alalaspa chaypi puñuykorqa.

Ester (hebreo) 1:10

Qanchis kaj p'unchaypi rey Asueroqa vinowan machasqallaraj kashaspa, qanchis kamachisninta wajyarqa: Mehumanta, Biztata, Harbonata, Bigtata, Abagtata, Zetarta, Carcastawan.

Apocalipsis 11:13

Chay horapitaj manchay jallp'a ikhakuy karqa, llajtaj chunka kaj t'aqantaj urmarqa. Jallp'aj ikhakuynimpitaj qanchis waranqa runa wañorqa, wajkunataj manchariywan janaj pachapi kashaj Diosta yupaycharqanku.

Apocalipsis 11:10

Jallp'api tiyakojkunataj paykuna jawa qhochukonqanku, kusikonqankutaj paykunapura t'inkasta apachinakuspa. Chay iskay profetasqa jallp'api tiyakojkunata llakichej kanku.

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.

San Lucas 12:19

Almaymantaj nisaj: Almáy, kunanqa ashkhaña tiyapusunki kapuyniyki, sumaj jallch'asqa unay wataspaj; samarikullayña, mikhuy, ujyay, kusikuytaj, nispa.

Salmos 104:15

vinota sonqonta kusichinampaj, aceiteta uyanta lliphipichinampaj, t'antatarí kallpachakunampaj.

1 Samuel 25:36

Abigailqa kuterqa maypichus Nabal kasharqa chayman. Rikorqataj uj jatun qarakuta reypaj jinapuni wasimpi ruwashasqanta. Payqa may kusisqa phiri machasqataj kasharqa. Chayrayku Abigailqa q'ayantinkama mana imatapis nerqachu.

Jueces 9:27

Chay runastaj llojserqanku campoman uvas poqoyta pallaj. Vinota ruwaspataj uj jatun fiestata ruwarqanku, mikhorqanku, ujyarqankutaj dioskunasninkoj yupaychana wasinkupi. Abimelectataj maldicerqanku.

Jueces 19:7

Levitaqa jatarikorqa ripunampaj, chaywampis qhepakorqapuni suegron kutin kutinta qhepakunanta mañasqanrayku.

2 Samuel 13:28

Absalontaj kamachi runasninta kamachisqa: Sumajta qhawankichej Amnonta, umanta vino muyuchejtinñaqa, noqa nisqaykichej wañuchinaykichejta, qankunataj chaypacha wañuchinkichej. Ama manchachikunkichejchu chayta ruwayta, noqa jinata kamachisusqaykichejrayku. Ajinaqa kallpachakuychej wapuchakuychejtaj.

1 Reyes 21:7

Warmin Jezabeltaj nerqa: Manachu qanqa kamachej kanki? Jatarikuy, kusikuspa mikhuy; noqataj Jezreelmanta Nabotpa huertanta qosqayki.